ການພົວພັນລະຫວ່າງຫວຽດນາມ- ອົດສະຕາລີພັດທະນາຢ່າງແຂງແຮງ.
ທ່ານພົນໂທ ຫງວຽນຈິວິ້ງ ຮອງລັດຖະມົນຕີ
ກະຊວງປ້ອງກັນປະເທດຫວຽດນາມ
(ພາບ: chungta.com)
Vovworld- ວັນທີ 21 ກຸມພາ, ເນື່ອງໃນໂອກາດໄປ Canbera ແຫ່ງອົດສະຕາລີເພື່ອ ເປັນປະທານຮ່ວມການສົນທະນາຄັ້ງທີ 1 ລະຫວ່າງກະຊວງການຕ່າງປະເທດ ແລະ ກະຊວງປ້ອງກັນປະເທດຫວຽດນາມ ກັບກະຊວງການຕ່າງປະເທດ ແລະ ກະຊວງປ້ອງກັນປະເທດອົດສະຕາລີ, ທ່ານພົນໂທ ຫງວຽນຈິວິ້ງ ຮອງລັດຖະມົນຕີ ກະຊວງປ້ອງກັນປະເທດ ຫວຽດນາມ ແລະ ທ່ານ ຝ້າມກວາງວິງ ຮອງລັດຖະມົນຕີການຕ່າງປະເທດຫວຽດນາມໄດ້ເຂົ້າຢ້ຽມຂ່ຳນັບ ລັດຖະມົນຕີ ກະຊວງປ້ອງກັນປະເທດອົດສະຕາລີ ທ່ານ Stephen Samith. ທີ່ການພົບປະ, ທ່ານ ລັດຖະມົນຕີ ກະຊວງປ້ອງກັນປະເທດອົດສະຕາລີ ທ່ານ Stephen Samith ໄດ້ຕີລາຄາສູງການສົນທະນາຍຸດທະສາດທີ່ຖືກດຳເນີນດ້ວຍຮູບແບບໃໝ່ດ້ວຍການເຂົ້າຮ່ວມຂອງທັງ 2 ກະຊວງການຕ່າງປະເທດ ແລະ ກະຊວງປ້ອງກັນປະເທດ. ທ່ານສະແດງຄວາມເຊື່ອໝັ້ນວ່າ: ກົນໄກນີ້ ຈະປະກອບສ່ວນຢ່າງຕັ້ງໜ້າໃຫ້ແກ່ການເພີ່ມທະວີຄວາມເຂົ້າອົກເຂົ້າໃຈ ແລະ ໄວ້ເນື້ອເຊື່ອໃຈກັນ, ແນໃສ່ຊຸກຍູ້ການພົວພັນຮ່ວມມືລະຫວ່າງ 2 ປະເທດ. ລັດຖະມົນຕີກະຊວງປ້ອງກັນປະເທດອົດສະຕາລີ ທ່ານ Stephen Samith ເນັ້ນໜັ້ກວ່າ : 2 ຝ່າຍຄວນສືບຕໍ່ເພີ່ມທະວີຍູ້ແຮງການຮ່ວມມືບຳລຸງສ້າງໃນຂົງເຂດປ້ອງກັນຊາດ, ຄົ້ນຄ້ວາຍຸດທະສາດ, ແບ່ງປັນ ແລະ ແລກປ່ຽນກ່ຽວກັບການເຄື່ອນໄຫວຊ່ວຍເຫຼືອມະນຸດສະທຳ, ແກ້ໄຂຜົນຮ້າຍຢ້ອນຫຼັງຂອງລູກລະເບີດທີ່ຍັງບໍ່ທັນແຕກພາຍຫຼັງສົງຄາມ ກໍຄືການແບ່ງປັນບົດຮຽນການເຄື່ອນໄຫວຮັກສາສັນຕິພາບຂອງ ສປຊ ແລະ ອື່ນໆ. ລັດຖະມົນຕີກະຊວງປ້ອງກັນເທດອົດສະຕາລີ ທ່ານ Stephen Samithຍັງແບ່ງປັນທັດສະນະກ່ຽວກັບການເພີ່ມທະວີການຮ່ວມມືໃນພາກພື້ນເພື່ອຮັກສາສັນຕິພາບ, ສະຖຽນລະພາບ, ແກ້ໄຂບັນດາບັນຫາບໍ່ລົງລອຍກັນ, ການພິພາດໂດຍສັນຕິວິທີ ບົນພື້ນຖານກົດໝາຍສາກົນ. ກ່ອນໜ້ານັ້ນ, ທ່ານພົນໂທ ຫງວຽນຈິວິ້ງ ຮອງລັດຖະມົນຕີ ກະຊວງປ້ອງກັນເທດຫວຽດນາມໄດ້ມີການເຈລະຈາກັບທ່ານຮອງເລຂາທິການໃຫຍ່ກະຊວງປ້ອງກັນປະເທດອົດສະຕາລີ. 2 ຝ່າຍໄດ້ປຶກສາຫາລືສະພາບການຮ່ວມມື 2 ຝ່າຍໃນໄລຍະນັບຕັ້ງແຕ່ 2 ຝ່າຍໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານປ້ອງກັນຊາດ ປີ 2010ມາຮອດປະຈຸບັນ, ພ້ອມກັນນັ້ນ ກໍວາງອອກບັນດາມາດຕະການຮ່ວມມືລະອຽດ, ແທດຈິງໃນຊຸມປີທີ່ຈະມາເຖິງ.