(vovworld) – ອະດີດປະທານປະເທດ Fidel Castro, ສັນຍາລັກແຫ່ງການປະຕິວັດ ກູບາ ໄດ້ເຖິງແກ່ມໍລະນະກຳໃນຕອນຄ່ຳວັນທີ 25/11 ຢູ່ນະຄອນຫຼວງ ລາຮາວານ, ມີອາຍຸຍືນ 90 ປີ. ໂດຍເປັນນັກປະຕິວັດຜູ້ປິຊາສາມາດ, ຍາມໃດກໍ່ຕໍ່ສູ້ເພື່ອນ້ຳໃຈເອກະລາດແຫ່ງຊາດ ແລະ ເພື່ອຊີວິດອິ່ມໜຳສຳລານ, ຜາສຸກຂອງມະນຸດ, ການນຳ Fidel Castro ໄດ້ສ້າງຄວາມປະທັບໃຈຍາກທີ່ຈະຫຼົງລື່ມໄດ້ບໍ່ພຽງແຕ່ໃນດວງໃຈຂອງປະຊາຊົນ ກູບາ ແຕ່ລະຄົນເທົ່ານັ້ນ ຫາກຍັງຂອງປະຊາຊົນໃນທົ່ວປະເທດອີກດ້ວຍ. ສຳລັບ ຫວຽດນາມ ແລ້ວ, Fidel Castro ໄດ້ສະຫງວນນ້ຳໃຈອັນພິເສດ.
ປະທານປະເທດ ເຈີ່ນດ້າຍກວາງ ແລະ ຄະນະຜູ້ແທນຂັ້ນສູງ ຫວຽດນາມ ໃນການຢ້ຽມຢາມ ກູບາ ໄດ້ໄປຢ້ຽມຢາມປະທານ Fidel Castro
|
ເພີ່ນຖືການສະໜັບສະໜູນ ຫວຽດນາມ ຄືດັ່ງການສະໜັບສະໜູນພາລະກິດຂອງ ກູບາ, ສະຫງວນທຸກສິ່ງທຸກຢ່າງອັນປະເສີດເລີກລ້ຳທີ່ສຸດຊຶ່ງ ຫວຽດນາມ ຕ້ອງການ, ຍາມໃດ ກູບາ ກໍ່ກຽມພ້ອມ. ສິ່ງດັ່ງກ່າວໄດ້ສະແດງໃຫ້ເຫັນຜ່ານຄຳເວົ້າອະມະຕະ “ເພື່ອ ຫວຽດນາມ, ກູບາ ຍາມໃດກໍ່ກຽມພ້ອມແລ້ວອຸທິດທັງເລືອດເນື້ອຂອງຕົນ”. ທ່ານ ຫງວຽນຢູຍເກືອງ, ຮອງປະທານຜູ້ປະຈຳການສະມາຄົມມິດຕະພາບ ຫວຽດນາມ - ກູບາ, ໃຫ້ຮູ້ວ່າ:
“ໃນຕະຫຼອດໄລຍະຕໍ່ສູ້, ຍາມໃດ ກູບາ ກໍ່ເປັນບ່ອນອີງທັງທາງດ້ານວັດຖຸ ແລະ ຈິດໃຈໃຫ້ແກ່ ຫວຽດນາມ, ຊ່ວຍໃຫ້ ຫວຽດນາມ ເປີດກ້ວາງການພົວພັນກັບບັນດາປະເທດ ເອີລົບ ແລະ ແມ່ນບ່ອນອີງໃຫ້ແກ່ຂະບວນການສາມັກຄີກັບ ຫວຽດນາມ ຢູ່ ອາເມລິກາ ລາຕີງ. ຫວຽດນາມ ແລະ ກູບາ ມີຄວາມເຂົ້າໃຈກັນຢ່າງເລິກເຊິ່ງ, ປຽບເໝືອນຄືບັນດາຜູ້ເປັນອ້າຍນ້ອງຮ່ວມຂຸມຄອງດຽວກັນ ດັ່ງນັ້ນ, ເລື່ອງ ກູບາ ສະໜັບສະໜູນ ຫວຽດນາມ ແມ່ນສັດຊື່ບໍລິສຸດ ແລະ ທ່ຽງທຳ. ຄືດັ່ງ Fidel Castro ໄດ້ເວົ້າວ່າ ການພົວພັນ ຫວຽດນາມ - ກູບາ ເປັນການພົວພັນແບບຢ່າງໃນໂລກທັນສະໄໝ.”
ການພົວພັນ ຫວຽດນາມ - ກູບາ ເຊິ່ງການນຳ 2 ປະເທດເປັນຜູ້ກໍ່ຕັ້ງໃນນັ້ນພິເສດແມ່ນບົດບາດຂອງປະທານ ແລະ ປະທານ ໂຮ່ຈີມິນ, ໂດຍລຸ້ນຄົນຕ່າງໆຂອງສອງ ປະເທດສືບຕໍ່ປັບປຸງ ແລະ ພັດທະນາ. ທ່ານ ຫງວຽນຢູຍເກືອງ ຊີ້ແຈ້ງວ່າ:
“ການພົວພັນ ຫວຽດນາມ - ກູບາ ໃນໄລຍະຈະມາເຖິງ ແມ່ນຂຶ້ນກັບບັນດາອົງການຈັດຕັ້ງພັກ, ອົງການຈັດຕັ້ງມະຫາຊົນ, ປະຊາຊົນ 2 ປະເທດ, ສຸມໃສ່ເຂົ້າໃນການເພີ່ມທະວີການໂຄສະນາຍົກສູງຄວາມເຂົ້າໃຈຂອງປະຊາຊົນ ພິເສດແມ່ນລຸ້ນໜຸ່ມ ກ່ຽວກັບມູນເຊື້ອຂອງການພົວພັນ 2 ປະເທດ, ສືບຕໍ່ການພົວພັນ. ພັກ, ລັດ ຫວຽດນາມ ເຄີຍເວົ້າວ່າ “ຊ່ວຍເຫຼືອ ກູບາ ແມ່ນຄຳສັ່ງຂອງຫົວໃຈ” ແລະ ພວກເຮົາຍາມໃດກໍ່ມີແຜນການຍູ້ແຮງການພົວພັນ 2 ປະເທດໃນທຸກໆດ້ານ. ພວກເຮົາເຊື່ອໝັ້ນວ່າການພົວພັນນີ້ຈະພັດທະນາອັນຍາວນານ.”