ການໂອ້ລົມກັບຝ່າຍ ອາເມລິກາ
(ພາບ: vietnam+) (vovworld) - ທ່ານ ຟ້າມກວາງວິງ, ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຫາກໍ່ມີການໂອ້ລົມກ່ຽວກັບການພົວພັນລະຫວ່າງ ຫວຽດນາມ - ອາເມລິກາ ຢູ່ສະຖາບັນແຫ່ງຊາດ ກ່ຽວກັບການຄຸ້ມຄອງການບໍລິຫານລັດ ອາເມລິກາ ດ້ວຍການເຂົ້າຮ່ວມຂອງສາສະດາຈານ, ນັກຊ່ຽວຊານຫຼຍທ່ານ. ທີ່ການໂອ້ລົມ, ທ່ານເອກອັກຄະລັດຖະທູດ ຟ້າມກວາງວິງ ແບ່ງປັນວ່າ: ໃນກວ່າ 20 ປີຜ່ານມາ, ນັບແຕ່ສ້າງຕັ້ງການພົວພັນທາງການທູດເມື່ອປີ 1995 ມາຮອດປະຈຸບັນ, ການພົວພັນ ຫວຽດນາມ - ອາເມລິກາ ໄດ້ມີບາດກ້າວພັດທະນາກະໂດດຂັ້ນ. ສອງປະເທດໄດ້ສ້າງຂອບເຂດຄູ່ຮ່ວມມືຮອບດ້ານໃນປີ 2013, ເພີ່ມທະວີການພົວພັນຮ່ວມມືໃນທຸກຂົງເຂດ. ຫວຽດນາມ ແລະ ອາເມລິກາ ກໍ່ຮ່ວມມືກັນຢ່າງແໜ້ນແຟ້ນໃນບັນດາເວທີປາໄສສາກົນ ແລະ ພາກພື້ນ, ພ້ອມກັນຮັບມືກັບບັນດາການທ້າທາຍຄື: ຕ້ານການປ່ຽນແປງຂອງດິນຟ້າອາກາດ ແລະ ຮັບປະກັນສັນຕິພາບ, ສະຖຽນລະພາບ, ຄວາມສະຫງົບປອດໄພໃນການເດີນທະເລຢູ່ທະເລຕາເວັນອອກ.
ບົນພື້ນຖານນັ້ນ, ທ່ານເອກອັກຄະລັດຖະທູດເຊື່ອໝັ້ນວ່າ ການພົວພັນຄູ່ຮ່ວມມືຮອບດ້ານລະຫວ່າງສອງປະເທດໃນອຳນາດການປົກຄອງໃໝ່ຂອງ ອາເມລິກາ ຈະສືບຕໍ່ພັດທະນາຢ່າງແຮງ, ໝັ້ນຄົງ ແລະ ແທດຈິງ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ຢູ່ໃນໂລກ.