ທ່ານ Ted Osius ເອກອັກຄະລັດຖະທູດ ອາເມລິກາ ປະຈຳ ຫວຽດນາມ
(vovworld) - ບັນດາບັນຫາສຳຄັນໃນການພົວພັນລະຫວ່າງ ຫວຽດນາມ - ອາເມລິກາ ໄດ້ຮັບການປຶກສາຫາລືທີ່ການໂອ້ລົມຢູ່ ວໍຊິງຕັນ ໃນຕອນເຊົ້າວັນທີ 09/06 ລະຫວ່າງທ່ານ Ted Osius ເອກອັກຄະລັດຖະທູດ ອາເມລິກາ ປະຈຳ ຫວຽດນາມ ກັບບັນດານັກຮຽນຮູ້ ອາເມລິກາ ແລະ ສາກົນ. ເຫດການດັ່ງກ່າວ ໄດ້ໂດຍສູນຄົ້ນຄ້ວາຍຸດທະສາດ (CSIS) ແລະ ສາກົນຈັດຕັ້ງ ເນື່ອງໃນໂອກາດທ່ານປະທານາທິບໍດີ Barack Obama ຢ້ຽມຢາມ ຫວຽດນາມ ໃນໄລຍະຜ່ານມາ.
ທ່ານເອກອັກຄະລັດຖະທູດ Ted Osius ຫວນຄືນບັນດາຂີດໝາຍສຳຄັນໃນການຢ້ຽມຢາມ ຫວຽດນາມ ຢ່າງເປັນທາງການຂອງທ່ານປະທານາທິບໍດີ Barack Obama ໃນນັ້ນມີຖະແຫຼງການຍົກເລີກຄຳສັ່ງຂວ້ຳບາດອາວຸດກັບ ຫວຽດນາມ. ທ່ານເອກອັກຄະລັດຖະທູດ Ted Osius ໃຫ້ຮູ້ວ່າ:
“ສິ່ງດັ່ງກ່າວສະແດງໃຫ້ເຫັນວ່າ ຫວຽດນາມ ໄດ້ພ້ອມແລ້ວທີ່ຈະຮ່ວມມືຮອບດ້ານກັບ ອາເມລິກາ ໃນທຸກຂົງເຂດ. ຂ້າພະເຂົ້າເຫັນວ່າ 2 ປະເທດກໍ່ສ້າງໄດ້ພື້ນຖານໝັ້ນຄົງໃຫ້ແກ່ການພົວພັນ 2 ຝ່າຍຢ່າງໜ້ອຍສຸດແມ່ນໃນ 50 – 60 ປີຕໍ່ໄປ”
ສຳລັບຄຳຖານກ່ຽວກັບຄວາມສາມາດສຳຜັດກັບອ່າວ ກາມແຣງ ຂອງ ຫວຽດນາມ ສຳລັບ ອາເມລິກາ, ທ່ານເອກອັກຄະລັດຖະທູດ Ted Osius ຢືນຢັນຄືນໃໝ່ວ່າ: ອາເມລິກາ ເຄົາລົບນະໂຍບາຍປ້ອງກັນຊາດຂອງ ຫວຽດນາມ ນັ້ນແມ່ນ: ບໍ່ເຂົ້າຮ່ວມບັນດາສຳພັນທະມິດການທະຫານ ແລະ ບໍ່ເປັນສຳພັນທະມິດການທະຫານກັບປະເທດໃດໆ, ບໍ່ໃຫ້ປະເທດໃດຕັ້ງຖານທີ່ໝັ້ນການທະຫານຢູ່ ຫວຽດນາມ ແລະ ບໍ່ອີງໃສ່ປະເທດນີ້ ເພື່ອຕ້ານປະເທດນັ້ນ. ຕາມທ່ານເອກອັກຄະລັດຖະທູດ Ted Osius ແລ້ວ, ຖ້າມີເງື່ອນໄຂ ອາເມລິກາ ອາດຈະນຳໃຊ້ທ່າກ່ຳປັ່ນສາກົນ ກາມແຣງ ດ້ວຍການເສຍຄ່າບັນດາການບໍລິຫານ ຈະສຳຜັດ.
ກ່ຽວຂ້ອງເຖິງສະພາບການທະເລຕາເວັນອອກ, ທ່ານ Ted Osius ໃຫ້ຮູ້ວ່າ: ອາເມລິກາ ຢາກມີບັນດາຄູ່ຮ່ວມມືແຂງ, ມີຄວາມສາມາດດີທີ່ສຸດ ເພື່ອກຳນົດ ແລະ ຮັບມືກັບບັນດາສິ່ງທ້າທາຍຢູ່ທາງເດີນທະເລສຳຄັນນີ້. ທ່ານ Ted Osius ຖືວ່າ: ອາຊຽນ ຄວນມີປະຕິກິລິຍາເປັນເອກະພາບ ຕໍ່ຄຳຕັດສິນຈະມາເຖິງຂອງສານກຳມະການກ່ຽວກັບກໍລະນີຮ້ອງຟ້ອງຂອງ ຟີລີບຟິນ ສຳລັບ ຈີນ ໃນການຂັດແຍ້ງກັນຢູ່ທະເລຕາເວັນອອກ.
ເມື່ອຕອບສຳພາດກ່ຽວກັບເລື່ອງ ອາເມລິກາ ແກ້ໄຂຜົນຮ້າຍຢ້ອນຫລັງຈາກສົງຄາມຢູ່ ຫວຽດນາມ, ທ່ານເອກອັກຄະລັດຖະທູດ Ted Osius ໃຫ້ຮູ້ວ່າ: ຝ່າຍ ອາເມລິກາ ພວມຕັ້ງໜ້າຍູ້ແຮງການຮ່ວມມືກັບ ຫວຽດນາມ ໃນການມ້າງທຳລາຍລະເບີດບໍ່ທັນແຕກຫລັງສົງຄາມ. ອາເມລິກາຈະສືບຕໍ່ຊ່ວຍເຫຼືອ ຫວຽດນາມ ລ້າງສານພິດດີໂອຊີນຢູ່ບາງທ້ອງຖິ່ນ.