ການພົວພັນອາຊຽນ-ຍີ່ປຸ່ນປະກອບສ່ວນໃຫ້ສັນຕິພາບໂລກ
ທ່ານນາຍົກລັດຖະມົນຕີ ຍີ່ປຸ່ນ Shinzo Abe ທີ່ການປະຊຸມຂ່າວໃນຕອນບ່າຍວັນທີ 12/12
(ພາບ: Hữu Thắng/Vietnam+)
(vovworld) - ການພົວພັນຮ່ວມມືລະຫວ່າງ ອາຊຽນ ແລະ ຍີ່ປຸ່ນ ນັບມື້ນັບປະກອບສ່ວນໃຫ້ສັນຕິພາບ ແລະ ຄວາມວັດທະນາຖາວອນຂອງໂລກ. ນັ້ນແມ່ນຄຳຢັ້ງຢືນຂອງທ່ານນາຍົກລັດຖະມົນຕີ ຍີ່ປຸ່ນ Shinzo Abe ທີ່ການປະຊຸມຂ່າວໃນຕອນບ່າຍວັນທີ 12/12 ເນື່ອງໃນໂອກາກຈັດກອງປະຊຸມຂັ້ນສູງສະເຫຼີມສະຫຼອງ 40 ປີແຫ່ງການພົວພັນຄູ່ເຈລະຈາ ອາຊຽນ ແລະ ຍີ່ປຸ່ນ ເຊິ່ງຈັດຕັ້ງໃນທ້າຍອາທິດນີ້ຢູ່ ໂຕກຽວ. ກ່າວຄຳເຫັນທີ່ການປະຊຸມຂ່າວ, ທ່ານນາຍົກລັດຖະມົນຕີ ຍີ່ປຸ່ນ Abe ຢັ້ງຢືນຄືນໃໝ່ວ່າ ອາຊຽນແມ່ນຄູ່ຮ່ວມມືພິເສດຂອງ ຍີ່ປຸ່ນ, ດັ່ງນັ້ນແມ່ນຈຸດສຸມໃນນະໂຍບາຍການຕ່າງປະເທດຂອງອຳນາດການປົກຄອງ Abe. ທ່ານນາຍົກລັດຖະມົນຕີ Abe ໃຫ້ຮູ້ວ່າ: ໃນຮອບເວລາພຽງ 1 ປີ ນັບແຕ່ເມື່ອດຳລົງຕຳແໜ່ງທ່ານໄດ້ມີການປະຕິບັດງານ 5 ຄັ້ງໄປຍັງບັນດາປະເທດ ອາຊຽນ ແລະ ໄດ້ໄປຢ້ຽມຢາມ 10 ປະເທດສະມາຊິກ ອາຊຽນ. ທ່ານນາຍົກລັດຖະມົນຕີ Abe ເວົ້າວ່າ:
“ການຮ່ວມມື ຍີ່ປຸ່ນ - ອາຊຽນ ໄດ້ຮັບການພັດທະນານັບແຕ່ອະດິດຕະການຕະຫຼອດຮອດອະນາຄົດ ແລະ ບໍ່ພຽງແຕ່ເພື່ອໃນຜົນປະໂຫຍດຂອງທັງ 2 ຝ່າຍເທົ່ານັ້ນ ຫາກຍັງປະກອບສ່ວນເພື່ອສັນຕິພາບ ແລະ ຄວາມວັດທະນາຖາວອນຂອງພາກພື້ນ ແລະ ໂລກ. ອາຊຽນ ດ້ວຍບົດບາດນຳໜ້າຂອງເສດຖະກິດໂລກ ແມ່ນເພື່ອນມິດບໍ່ສາມາດຂາດເຂີນໄດ້ໃນການຟື້ນຟູເສດຖະກິດຂອງ ຍີ່ປຸ່ນ. ນອກນັ້ນ, ອາຊຽນ ຍັງແມ່ນຄູ່ຮ່ວມມືເພື່ອຮັກສາເຂດທະເລ ອາຊີ ໃຫ້ເປັນເຂດທະເລເປີດ ແລະ ເສລີ. ດັ່ງນັ້ນ, ຍີ່ປຸ່ນ ແລະ ອາຊຽນ ຈະແລກປ່ຽນກ່ຽວກັບບັນດາບັນຫາຂອງພາກພື້ນ ແລະ ໂລກ.”