ທ່ານ ດັ້ງມີງຄອຍ ເອກອັກຄະລັດຖະທູດ ຫວຽດນາມ ປະຈຳ ຈີນ
(vovworld) - ວັນທີ 17/06/2016 ຢູ່ ປັກກີງ ທ່ານ ຈາວຄູ໋ງຈູ໋ ເລຂາທິການຄະນະເລຂາທິການສູນກາງພັກ, ຮອງປະທານຄະນະກຳມະການກວດກາກົດລະບຽບສູນກາງພັກກອມມູນິດ ຈີນ ໄດ້ໃຫ້ການຕ້ອນຮັບທ່ານ ດັ້ງມີງຄອຍ ເອກອັກຄະລັດຖະທູດ ຫວຽດນາມ ປະຈຳ ຈີນ. ທີ່ການຕ້ອນຮັບ, 2 ຝ່າຍໄດ້ແລກປ່ຽນກ່ຽວກັບສະພາບການພົວພັນລະຫວ່າງ 2 ພັກ, 2 ລັດ ຫວຽດນາມ - ຈີນ ໃນໄລຍະຜ່ານມາ, ເນັ້ນໜັກເຖິງພື້ນຖານການພົວພັນຂອງ 2 ປະເທດຖານບ້ານໃກ້ເຮືອນຄຽງມິດຕະພາບ, ທີ່ມີມູນເຊື້ອມາແຕ່ດົນນານ. ການພົວພັນຮ່ວມມືລະຫວ່າງ 2 ຝ່າຍໃນບັນດາຂົງເຂດຄື: ເສດຖະກິດ, ການຄ້າ, ການທ່ອງທ່ຽວ, ການປ້ອງກັນຊາດປ້ອງກັນຄວາມສະຫງົບ, ການພົບປະແລກປ່ຽນປະຊາຊົນ ທີ່ບັນລຸໄດ້ໝາກຜົນອັນແທດຈິງຫລາຍຢ່າງ ແລະ ນັບມື້ນັບເຂົ້າສູ່ລວງເລິກ. ການພົບປະແລກປ່ຽນ ແລະ ການຮ່ວມມືລະຫວ່າງ 2 ພັກໄດ້ຮັບການເພີ່ມທະວີ, ປັບປຸງຢ່າງບໍ່ຢຸດຢັ້ງ. ບົນພື້ນຖານການພົວພັນມິດຕະພາບລະຫວ່າງ 2 ປະເທດ ເຊິ່ງປະທານ ໂຮ່ຈີມິນ ແລະ ປະທານ ມາວເຈືອຕູງ ພ້ອມກັບບັນດາການນຳລຸ້ນກ່ອນຂອງ 2 ພັກໄດ້ເພີ່ມພູນຄູນສ້າງ, ເລື່ອງ 2 ພັກ, 2 ລັດ ເພີ່ມທະວີການພົບປະ, ແລກປ່ຽນບົດຮຽນກ່ຽວກັບການກໍ່ສ້າງພັກ, ການຄຸ້ມຄອງປະເທດຊາດຂອງແຕ່ລະຝ່າຍ ກໍ່ປະກອບສ່ວນຢ່າງຕັ້ງໜ້າຊຸກຍູ້ການພົວພັນ 2 ຝ່າຍໃຫ້ພັດທະນາສະຖຽນລະພາບ ແລະ ປອດໃສ.