ທ່ານນາຍົກລັດຖະມົນຕີ ຫງວຽນເຕ໋ີນຢູງຕ້ອນຮັບທ່ານຮອງປະທານປະເທດ ລາວ ບຸນຍັງ ວໍລະຈິດ (ພາບ:chinhphu.vn)
|
(vovworld) - ຕອນບ່າຍວັນທີ 7/7, ທີ່ການຕ້ອນຮັບທ່ານຮອງປະທານປະເທດ ລາວ ບຸນຍັງ ວໍລະຈິດ, ພວມຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານນາຍົກລັດຖະມົນຕີ ຫງວຽນເຕ໋ີນຢູງ ຢືນຢັນວ່າ: ນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ແມ່ນຈະສືບຕໍ່ມານະພະຍາຍາມຈົນສຸດຄວາມສາມາດດ້ວຍຄວາມຕັດສິນໃຈສູງສຸດ ເພື່ອຊຸກຍູ້ການພົວພັນຮ່ວມມື ຫວຽດນາມ - ລາວ ໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ. ຫວຽດນາມ ກໍຈະເຮັດຈົນສຸດຄວາມສາມາດຂອງຄົນເພື່ອໜູນຊ່ວຍ ລາວ ປະຕິບັດໜ້າທີ່ປະທານ ອາຊຽນ ໃນປີ 2016 ຢ່າງສຳເລັດຜົນ…ບົນຈິດໃຈດັ່ງກ່າວ, ທ່ານນາຍົກລັດຖະມົນຕີ ສະເໜີໃຫ້ 2 ຝ່າຍສຸມໃສ່, ສົມທົບກັນຜັນຂະຫຍາຍປະຕິບັດເພື່ອບັນລຸໄດ້ໝາກຜົນສູງສຸດສຳລັບບັນດາຂໍ້ຕົກລົງ ເຊິ່ງການນຳຂັ້ນສູງ 2 ປະເທດໄດ້ເຫັນດີເປັນເອກະສັນ.
ທ່ານຮອງປະທານປະເທດ ລາວ ບຸນຍັງ ວໍລະຈິດ ຢືນຢັນວ່າ: ລາວ ຖືເປັນສຳຄັນພິເສດການຊຸກຍູ້ພັດທະນາການພົວພັນຮ່ວມມື 2 ຝ່າຍກັບ ຫວຽດນາມກ່ວາອີກ ແລະ ປາດຖະໜາຢາກໃຫ້ 2 ປະເທດສືບຕໍ່ຊຸກຍູ້ບັນດາການເຄື່ອນໄຫວຮ່ວມມືໃນຂົງເຂດຕ່າງໆ, ພິເສດແມ່ນການຮ່ວມມືດ້ານເສດຖະກິດ, ການຄ້າ, ການລົງທຶນ…; ລາວ ຍາມໃດກໍຮັບຕ້ອນ, ສະໜັບສະໜູນ ແລະ ສ້າງບັນດາເງື່ອນໄຂສະດວກໃຫ້ແກ່ວິສາຫະກິດ ຫວຽດນາມ ຊອກຫາກາລະໂອກາດ, ເພີ່ມທະວີການຮ່ວມມືລົງທຶນ ແລະ ແລກປ່ຽນຄ້າຂາຍອັນຍາວນານຢູ່ ລາວ.