ພິທີຕ້ອນຮັບທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ຖືກຈັດຂຶ້ນຢ່າງສົມກຽດ
|
Vovworld-ຕອນຄ່ຳວັນທີ 21/6, ທ່ານປະທານປະເທດ ຫວຽດນາມ ເຈືອງເຕີນຊາງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ກັບເມືອຮອດ ຮ່າໂນ້ຍ, ສິ້ນສຸດການຢ້ຽມຢາມທາງລັດຖະກິດ ສປ ຈີນຢ່າງຈົບງາມ ຕາມຄຳເຊື້ອເຊີນຂອງທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ. ການຢ້ຽມຢາມໄດ້ປະສົບຜົນສຳເລັດທີ່ສຳຄັນ, ໃນນັ້ນເນັ້ນໜັກເຖິງການເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຮ່ວມມືຢ່າງແທ້ຈິງ ແລະ ມີປະສິດທະຜົນລະຫວ່າງ 2 ປະເທດ. ຕອບສຳພາດນັກຂ່າວພາຍຫຼັງ ສິ້ນສຸດການຢ້ຽມຢາມຈີນ, ທ່ານລັດຖະມົນຕີການຕ່າງປະເທດຫວຽດນາມ ຝ້າມບິງມິນ ຊີ້ແຈ້ງວ່າ :
“ການຢ້ຽມຢາມຈີນຂອງ, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ປະສົບຜົນສຳເລັດຢ່າງດີງາມ.ໃນການຢ້ຽມຢາມ, 2 ຝ່າຍໄດ້ອອກຖະແຫຼງ ການຮ່ວມຫວຽດນາມ-ຈີນ, ພ້ອມທັງໄດ້ລົງນາມ ເອກະສານ 10 ສະບັບ . ອາດເວົ້າໄດ້ວ່າ ເອກະສານເຫຼົ່ານັ້ນ ລວມທັງໝົດການເພີ່ມທະວີການພົວພັນ ຫວຽດນາມ - ຈີນໃນຫຼາຍຂົງເຂດ. ບັນດາເອກະສານໄດ້ວາງໜ້າທີ່ໃຫ້ບັນດາກະຊວງ, ຂະແໜງການຕ່າງໆເພີ່ມທະວີການພົວພັນຮ່ວມມືໃນໄລຍະທີ່ຈະມາເຖິງ ”
ຕາມທ່ານລັດຖະມົນຕີການຕ່າງປະເທດຫວຽດນາມ ຝ້າມບິງມິນ ແລ້ວ, ໃນການຢ້ຽມຢາມ, 2 ຝ່າຍຍັງແລກປ່ຽນບັນດາບັນຫາທີ່ຍັງຄົງຄ້າງ, ພິເສດແມ່ນບັນຫາຢູ່ທະເລຕາເວັນອອກ. ທ່ານລັດຖະມົນຕີການຕ່າງປະເທດຫວຽດນາມ ຝ້າມບິງມິນ ກ່າວຕໍ່ໄປວ່າ :
“ 2 ຝ່າຍເປັນເອກະສັນກັນແກ້ໄຂບັນຫາຢູ່ທະເລຕາເວັນອອກ ຜ່ານບັນດາມາດຕະການໂດຍສັນຕິວິທີ, ຜ່ອນສັ້ນຜ່ອນຍາວ ແລະ ປະຕິບັດບັນດາຫຼັກການຊີ້ນຳແກ້ໄຂບັນຫາບົນທະເລລະຫວ່າງ ຫວຽດນາມ-ຈີນ ໝາຍຄວາມວ່າ ເຄົາລົບກົດໝາຍສາກົນ, ສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ 1982. 2 ຝ່າຍເປັນເອກະສັນກັນປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC)ຢ່າງເຕັມສ່ວນ. ຍ້ອນເຫດນີ້, ໃນການຢ້ຽມຢາມຄັ້ງນີ້, 2 ຝ່າຍຍັງເປັນເອກະສັນກັນຢ່າງສູງ ຕ້ອງຊຸກຍູ້ບັນດາມາດຕະການແບ່ງກຳນົດເຂດທະເລຢູ່ນອກອ່າວພາກເໜືອ.”
ທ່ານລັດຖະມົນຕີການຕ່າງປະເທດຫວຽດນາມ ຝ້າມບິງມິນ ຍັງໃຫ້ຮູ້ວ່າ ໜຶ່ງໃນບັນດາເນື້ອໃນທີ່ຮັບຄວາມສົນໃຈຂອງຫວຽດນາມຊຶ່ງ ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ຊີ້ແຈ້ງໃນບັນດາການພົບປະກົບການນຳ ຂັ້ນສູງຂອງຈີນ ນັ້ນແມ່ນບັນຫາການປະພຶດໂດຍມະນຸດສະທຳກັບຊາວປະມົງ ດ້ວຍການແກ້ໄຂເທົ່າທີ່ຄວນບັນຫາອາຊີບການປະມົງ. ໃນການຢ້ຽມຢາມຄັ້ງນີ້, 2 ຝ່າຍຍັງເປັນເອກະສັນກັນນຳໃຊ້ບັນດາສາຍໂທລະສັບດ່ວນເພື່ອແກ້ໄຂບັນດາບັນຫາເກີດຂຶ້ນໃນເຂດທະເລຕາເວັນອອກ. ພ້ອມກັນນັ້ນ, ໃນການຢ້ຽມຢາມຄັ້ງນີ້, ໄດ້ສ້າງສາຍໂທລະສັບດ່ວນລະຫວ່າງກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລະ ກະຊວງກະສິກຳຈີນ ເພື່ອແກ້ໄຂບັນດາບັນຫາທີ່ເກີດຂຶ້ນທີ່ກ່ຽວຂອ້ງເຖິງອາຊີບປະມົງບົນທະເລ. 2 ຝ່າຍຍັງເປັນເອກະສັນກັນເພີ່ມທະວີການຮ່ວມມືລະຫວ່າງຕຳຫຼວດທະເລ ແລະ ທະຫານປ້ອງກັນຊາຍແດນລະຫວ່າງ 2 ປະເທດ ”