ການຢ້ຽມຢາມສະຫະພັນລັດເຊຍຂອງເລຂາທິການໃຫຍ່ຫງວຽນຟູ໋ຈ້ອງ ແມ່ນບາດລ້ຽວທີ່ສຳຄັນ
Diep Anh, Doan Hai, ນັກຂ່າວVOVປະຈຳລັດເຊຍ -
ເອກອັກຄະລັດຖະທູດວິສາມັນ ຫງວຽນແທງເຊີນ ຕອບສຳພາດຕໍ່ ນັກຂ່າວVOV
(vovworld) - ກ່ອນການຢ້ຽມຢາມສະຫະພັນລັດເຊຍ ຂອງເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ, ນັກຂ່າວ VOV ປະຈຳ ສະຫະພັນລັດເຊຍ ໄດ້ສຳພາດເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສະຫະພັນລັດເຊຍ ຫງວຽນແທງເຊີນ ກ່ຽວກັບບັນດາບັນຫາທີ່ກ່ຽວຂ້ອງເຖິງການພົວພັນລະຫວ່າງສອງປະເທດ.
ທ່ານເອກອັກຄະລັດຖະທູດ ຫງວຽນແທງເຊີນ ຊີ້ແຈ້ງວ່າ: ການຢ້ຽມຢາມສະຫະພັນລັດເຊຍ ຂອງເລຂາທິການໃຫຍ່ ຫງວຽນຟູ໋ຈ້ອງ ແມ່ນບາດລ້ຽວທີ່ສຳຄັນ, ຂີດໝາຍຄວາມປາຖະໜາຂອງລັດ ແລະ ປະຊາຊົນສອງປະເທດທີ່ຢາກໃຫ້ການພົວພັນຮ່ວມມືມິດຕະພາບຫວຽດນາມ - ສະຫະພັນລັດເຊຍ ເໝາະສົມກັບລະດັບການພົວພັນຮ່ວມມືຍຸດທະສາດຢ່າງຮອບດ້ານ ເຊິ່ງລັດຖະບານສອງປະເທດໄດ້ລົງນາມນຳກັນ. ປະຈຸບັນສອງປະເທດໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດຢ່າງຮອບດ້ານແລ້ວ. ທ່ານເອກອັກຄະລັດຖະທູດ ຫງວຽນແທງເຊີນ ຊີ້ແຈ້ງວ່າ:
“ພວກຂ້າພະເຈົ້າຖືວ່າຂົງເຂດຮ່ວມມືດ້ານການທະຫານລະຫວ່າງສອງປະເທດແມ່ນດີທີ່ສຸດ, ການຮ່ວມມືດ້ານສຶກສາບຳລຸງສ້າງກໍ່ດີທີ່ສຸດ. ສະຫະພັນລັດເຊຍ ສະແດງເຈດຕະນາດີໃນການສືບຕໍ່ບຳລຸງສ້າງຖັນແຖວນັກວິທະຍາສາດ, ເຕັກນິກ, ປັນຍາຊົນໜຸ່ມໃຫ້ແກ່ຫວຽດນາມຄືໃນສະໄໝໂຊວຽກ ກ່ອນນີ້. ຫວຽດນາມ ແລະ ສະຫະພັນລັດເຊຍ ພວມປຶກສາຫາລືເພື່ອຜັນຂະຫຍາຍການກໍ່ສ້າງໂຮງງານໄຟຟ້ານິວຄະເລຍນິງທ້ວນ.“
ທ່ານເອກອັກຄະລັດຖະທູດ ຫງວຽນແທງເຊີນ ໃຫ້ຮູ້ວ່າ: ປະຊາຄົມຊາວຫວຽດນາມ ອາໄສຢູ່ສະຫະພັນລັດເຊຍ ໃນປະຈຸບັນ ແມ່ນກຳລັງທີ່ໄດ້ປະກອບສ່ວນຢ່າງຕັ້ງໜ້າໃຫ້ສະຖຽນລະພາບ ແລະ ການພັດທະນາພື້ນຖານເສດຖະກິດຂອງສະຫະພັນລັດເຊຍ.
Diep Anh, Doan Hai, ນັກຂ່າວVOVປະຈຳລັດເຊຍ