ເຫດວາງລະເບີດລົດໂອໂຕຢູ່ະຄອນຫຼວງ ແບດແດດ
(ພາບ: dantri.com.vn)
(vovworld) – ວັນທີ 10/8, ການວາງລະເບີດຢ່າງລຽນຕິດຢູ່ບັນດາເຂດທີ່ມີຊາວມຸດສະລີນ, ນິກາຍ Shitie ດຳລົງຊີວິດເປັນຈຳນວນຫຼວງຫຼາຍຢູ່ນະຄອນຫຼວງ ແບດແດດ ຂອງອີຣັກ, ເຮັດໃຫ້ 50 ຄົນເສຍຊີວິດ ແລະ 140 ຄົນຖືກບາດເຈັບ. ແຫຼ່ງຂ່າວການແພດ ແລະ ຕຳຫຼວດໃຫ້ຮູ້ວ່າ ໄດ້ເກີດການວາງລະເບີດ 9 ຄັ້ງ ຢູ່ເຂດຕະຫຼາດ ແລະ ຖະໜົນຄ້າຂາຍຢ່າງຄຶກໂຄມໜາແໜ້ນຢູ່ນະຄອນຫຼວງແບກແດດ, ຄ້າຍຄືກັນກັບບັນດາກໍລະນີວາງລະເບີດຢູ່ນະຄອນນີ້ເມື່ອວັນທີ 6/8, ເຮັດໃຫ້ 50 ຄົນເສຍຊີວິດ.
ໃນວັນດຽວກັນ, ກໍ່ໄດ້ເກີດເຫດວາງລະເບີດສະຫຼະຊີບໃນລົດໂອໂຕ ຢູ່ຖະໜົນສາຍໜຶ່ງໃນເທດສະບານ Tuz Khurmato, ຫ່າງຈາກແບກແດດ ໄປທາງທິດເໜືອປະມານ 170 ກມ, ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 10 ຄົນ ແລະ 45 ຄົນຖືກບາດເຈັບ.
ວັນທີ 10/8, ກະຊວງການຕ່າງປະເທດອາເມລິກາໄດ້ກ່າວປະນາມພວກປະຕິບັດການວາງລະເບີດທີ່ນອງເລືອດດັ່ງກ່າວຢູ່ອີຣັກ ແລະ ຖືວ່ານີ້ແມ່ນ “ສັດຕູຂອງສາສະໜາອິດສະລາມ“