(ພາບປະກອບ)
(vovworld) - ການໃຊ້ຄວາມຮຸນແຮງສືບຕໍ່ເກີດຂຶ້ນຢູ່ອີຣັກ. ວັນທີ 20 ກັນຍາ, ຕຳຫຼວດ ແລະ ບັນດາທ່ານໝໍໃຫ້ຮູ້ວ່າ ຢ່າງໜ້ອຍສຸດມີ 18 ຄົນເສຍຊີວິດ ແລະ 21 ຄົນຖືກບາດເຈັບ ໃນເຫດວາງລະເບີດຢ່າງລ້ຽນຕິດຢູ່ໂບດອິດສະລາມ ນິກາຍ Sunni ແຫ່ງໜຶ່ງທີ່ຫ່າງຈາກນະຄອນຫຼວງ ແບກແດດ ໄປທາງທິດເໜືອ 120 ກມ. ເຫດການໃຊ້ຄວາມຮຸນແຮງເກີດຂຶ້ນພຽງ 1 ວັນ ພາຍຫຼັງກຳລັງທີ່ກ່ຽວຂ້ອງອີຣັກ ພົບເຫັນສົບຜູ້ຊາຍ 10 ຄົນຖືກຍິງຕາຍຢູ່ນະຄອນຫຼວງແບກແດດ. ຕາມຕົວເລກສະຖິຕິແລ້ວ, ນັບແຕ່ຕົ້ນປີ 2013, ຈຳນວນຜູ້ເສຍຊີວິດໃນບັນດາການໃຊ້ຄວາມຮຸນແຮງໄດ້ຂຶ້ນເຖິງ 4.200 ຄົນ. ກຳລັງທະຫານແຕກທັບຢູ່ອີຣັກ ເຄີຍດຳເນີນການໃຊ້ຄວາມຮຸນແຮງແນໃສ່ຊາວມຸດສະລິມ ນິກາຍ Sunni ແລະ Shite, ອັນໄດ້ກໍ່ຄວາມວິຕົກກັງວົນຈະເກີດການປະທະກັນ ເຊິ່ງເຄີຍເກີດຂຶ້ນນັ້ນ ເມື່ອປີ 2006 – 2007 ເຮັດໃຫ້ມີຜູ້ເສຍຊີວິດນັບໝື່ນຄົນ.