ການສົ່ງອອກຜະລິດຕະພັນກະເສດຜ່ານຈີນເພີ່ມຂຶ້ນສູງ
ພາບປະກອບ
(vovworld) – ກະຊວງອຸດສາຫະກຳ ການຄ້າ ຫວຽດນາມ ໃຫ້ຮູ້ວ່າ: ຍອດວົງເງິນສົງອອກຂອງຫວຽດນາມ ໃນ 10 ເດືອນຜ່ານມາຄາດວ່າບັນລຸກ່ວາ 100 ຕື້ USD, ເພີ່ມຂຶ້ນ 15% ເມື່ອທຽບໃສ່ໄລຍະດຽວກັນຂອງປີກາຍ, ໃນນັ້ນການສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳບັນລຸປະມານ 16 ຕື້ 400 ລ້ານ USD. ສະເພາະຜະລິດຕະພັນກະເສດຂອງ ຫວຽດນາມ ທີ່ສົ່ງໄປຂາຍໃຫ້ ຈີນ ກວມປະມານ 30% ຍອດວົງເງິນຜະລິດຕະພັນກະເສດ ດ້ວຍບັນດາປະເພດສິນຄ້າຕົ້ນຕໍ່ຄື: ມັນຕົ້ນ, ຢາງພາລາ, ເຂົ້າສານ... ທ່ານນາງ ຟານທິຢ້ຽວຮ່າ, ຮອງຫົວໜ້າກົມສົ່ງອອກ - ນຳເຂົ້າ, ກຳຊວງອຸດສາຫະກຳ - ການຄ້າ, ໃຫ້ຮູ້ວ່າ: ເພື່ອເພີ່ມວົງເງິນສົ່ງອອກໄປຍັງ ຈີນ, ກະຊວງອຸດສາຫະກຳ - ການຄ້າໄດ້ຜັນຂະຫຍາຍບັນດາມາດຕະການຈຳໜ່າຍເຂົ້າສານ, ສິນໃນນ້ຳ, ພ້ອມທັງສົມທົບກັບກະຊວງກະສິກຳ ແລະ ພັດທະນາຊົນນະບົດ, ບັນດາສະຫະສະມາຄົມຂະແໜງສິນຄ້າຜະລິດຕະພັນກະເສດ ຍູ້ແຮງການສົ່ງອອກ ຜະລິດຕະພັນກະເສດ ໄປຍັງຕະຫຼາດນີ້. ທ່ານນາງ ຟານທິຢ້ຽວຮ່າ, ຖືວ່າ:
“ເພື່ອສືບຕໍ່ເພີ່ມທະວີການສົ່ງອອກຜະລິດຕະພັນກະເສດໄປຍັງຕະຫຼາດນີ້, ບັນດາວິສາຫະກິດກໍ່ຄືນັກທຸລະກິດສືບຕໍ່ເປັນເຈົ້າການໃນການຍົກສູງຄຸນນະພາບຜະລິດຕະພັນກະເສດເພື່ອສົ່ງອອກ. ທີ 2 ກຳແໜ້ນຂໍ້ມູນຂ່າວສານກ່ຽວກັບຕະຫຼາດ, ຄູ່ຮ່ວມມື, ລູກຄ້າເພື່ອມີຍຸດທະສາດດຳເນີນທຸລະກິດ, ເຈລະຈາ, ເຊັນສັນຍາ, ຮັບປະກັນໃຫ້ການຈຳໜ່າຍຜະລິດຕະພັນກະເສດໃຫ້ຖືກກັບລະດູການ”