( vovworld ) – ເພື່ອແນໃສ່ແລກປ່ຽນບົດຮຽນຕົວຈິງ ແລະ ຊອກຮູ້ຄວາມຕ້ອນການນຳໃຊ້ວິທະຍາສາດ - ເຕັກໂນໂລຊີເພື່ອພັດທະນາເສດຖະກິດ, ສັງຄົມຢູ່ເຂດພູສູງ, ວັນທີ 12/4 ຢູ່ແຂວງ Yen Bai ໄດ້ດຳເນີນການສຳມະນາ ວິທະຍາສາດ - ເຕັກໂນໂລຊີຮັບໃຊ້ການພັດທະນາເສດຖະກິດ, ສັງຄົມຢູ່ເຂດຕາເວັນຕົກສຽງເໜືອ. ທີ່ການສຳມະນາ, ບັນດານັກວິທະຍາສາດໄດ້ສຸມໃສ່ປຶກສາຫາລື ແລະ ສະໜອງຂໍ້ມູນຂ່າວ, ໝາກຜົນແຫ່ງການຄົ້ນຄ້ວາກ່ຽວກັບຊັບພະຍາກອນ, ສິ່ງແວດລ້ອມ, ການແບ່ງເຂດແຄວ້ນ, ອົງປະກອບມົນລະປູກ, ສັດລ້ຽງ, ການກຳນົດອົງການຜະລິດດຳເນີນທຸລະກິດໃຫ້ແກ່ກະສິກຳຊົນນະບົດເຂດຕາເວັນຕົກສຽງເໜືອ, ຊອກຮູ້ຄວາມຕ້ອງການໃນການນຳໃຊ້ຄວາມກ້າວໜ້າດ້ານເຕັກນິກເຕັກໂນໂລຊີ ແລະ ຈັດຕັ້ງການຄຸນຄອງການຜະລິດດຳເນີນທຸລະກິດ, ແລກປ່ຽນບົດຮຽນທີ່ບັນລຸໄດ້ກ່ຽວກັບການຄົ້ນຄວ້າ, ນຳໃຊ້ວິທະຍາສາດເຕັກໂນໂລຊີ. ບັນດາຄຳເຫັນລ້ວນແຕ່ຖືວ່າ ເລື່ອງນຳໃຊ້ວິທະຍາສາດ ເຕັກໂນໂລຊີ ເພື່ອແນໃສ່ຮັບໃຊ້ການພັດທະນາເສດຖະກິດ ສັງຄົມຂອງເຂດຕາເວັນຕົກສຽງເໜືອໃນໄລຍະທີ່ຈະມາເຖິງແມ່ນວຽກງານຮີບດວ່ນ, ຊ່ວຍໃຫ້ເຂດເສີມຂະຫຍາຍຄວາມສາມາດບົມຊ້ອນ, ທ່າແຮງກ່ຽວກັບທີ່ດິນ, ກະສິກຳ, ປ່າໄມ້, ຊັບພະຍາກອນແຮ່ທາດ, ເສດຖະກິດດ່ານຊາຍແດນ, ການທ່ອງທ່ຽວຊີວະພາບ, ວັດທະນະທຳ ແລະ ປະຫວັດສາດ.