(ວັດທະນະທຳບູຊາເຈົ້າແມ່ຢູ່ຫວຽດນາມ)
(vovworld) - ກອງປະຊຸມສຳມະນາວິທະຍາສາດສາກົນ ”ວັດທະນະທຳບູຊາເຈົ້າແມ່ຢູ່ຫວຽດນາມ ແລະ ອາຊີ - ສີສັນ ແລະ ຄຸນຄ່າ” ໄດ້ໄຂຂຶ້ນໃນຕອນເຊົ້າວັນທີ 29/9 ຢູ່ແຂວງນາມດິ້ງ, ດ້ວຍການເຂົ້າຮ່ວມຂອງຜູ້ແທນພາຍໃນປະເທດ ແລະ ສາກົນເກືອບ 300 ຄົນ. ກອງປະຊຸມສຳມະນາໄດ້ຮັບບົດປະກອບຄວາມເຫັນກວ່າ 60 ບົດ, ລວມມີ 15 ຫົວຂໍ້. ບັນດາບົດປະກອບຄວາມເຫັນໄດ້ສຸມໃສ່ແນະນຳກົກເຄົ້າ, ປະຫວັດແຫ່ງການສ້າງຕັ້ງ ແລະ ພັດທະນາ, ຄວາມໝາຍຂອງວັດທະນະທຳບູຊາເຈົ້າແມ່ຢູ່ອາຊີ ແລະ ພິເສດແມ່ນຢູ່ຫວຽດນາມ. ນີ້ແມ່ນການເຫຼື້ອມໃສແມ່ນໂລກກະທັດ, ຊີວະທັດຂອງຊາວກະສີກອນອາຊີ, ທັງແມ່ນປັດສະຍາກ່ຽວກັບນ້ຳໃຈຮັກຊາດ, ກ່ຽວກັບກຳລັງແຮງ, ສິນທຳຂອງຊາດຕ່າງໆ. ປະເພນີບູຊາເຈົ້າແມ່ນແມ່ນຮູບພາບທີ່ມີຊີວິດຊີວາກ່ຽວກັບສິລະປະຂັບຮ້ອງພື້ນເມືອງ, ສ່ອງແສງໃຫ້ເຫັນຫຼາຍຄຸນຄ່າວັດທະນະທຳທີ່ໄດ້ຮັບການປະດິດສ້າງ, ສະສົມ ແລະ ສືບທອດຜ່ານຫຼາຍລຸ້ນຄົນ, ສ້າງເປັນພະລັງຊີວິດອຳມະຕະຂອງບັນດາເຈົ້າແມ່.