(vovworld) – ວັນທີ 20/3, ທ່ານ James Comey, ຜູ້ອຳນວຍການກົມສືບສວນສອບສວນສະຫະລັດ ອາເມລິກາ ໄດ້ອະພິປາຍ ຕໍ່ຄະນະກຳມະການສືບລາຊະການລັບ ສະພາຕ່ຳ ອາເມລິກາ ກ່ຽວກັບຄວາມລະແວງສົງໃສ ລັດເຊຍ ແຊກແຊງເຂົ້າການເລືອກຕັ້ງປະທານາທິບໍດີ ຢູ່ ອາເມລິກາ. ກ່າວຄຳເຫັນທີ່ວາລະອະພິປາຍ, ຜູ້ອຳນວຍການໃຫຍ່ Comey ໄດ້ຍອມຮັບເປັນຄັ້ງທຳອິດວ່າ FBI ພວມສືບສວນສອບສວນບັນດາຂໍ້ກ່າວຫາ ກ່ຽວກັບເລື່ອງ ລັດເຊຍ ແຊກແຊງເຂົ້າການເລືອກຕັ້ງປະທານາທິບໍດີ ອາເມລິກາ ໃນທ້າຍປີ 2016, ແລະ ພິເສດ ແມ່ນກໍລະນີ ມົດສະກູ ໄດ້ຮ່ວມມືກັບບັນດາເຈົ້າໜ້າທີ່ໃນການຂົນຂວາຍຫາສຽງເລືອກຕັ້ງຂອງທ່ານ Donald Trump. ເຖິງຢ່າງໃດກໍ່ຕາມ, ທ່ານບໍ່ໃຫ້ຮູ້ການສືບສວນສອບສວນຈະແກ່ຍາວໄປຮອດໃສ, ບັນດາວຽກງານລະອຽດ ກໍ່ຄືບັນດາເປົ້າໝາຍເຊິ່ງອົງການນີ້ຕິດຕາມ, ຍ້ອນວ່າການສືບສວນສອບສວນຍັງພວມດຳເນີນແບບປິດລັບ. ຂໍ້ມູນຂ່າວກ່ຽວກັບການພົວພັນລະຫວ່າງບາງສະມາຊິກໃນຄະນະລັດຖະບານຂອງທ່ານປະທານາທິບໍດີ Donald Trump ແລະ ວົງການເຈົ້າໜ້າທີ່ ລັດເຊຍ ແມ່ນບັນຫາພວມໄດ້ກໍ່ຄວາມຜິດຖຽງກັນບົນເວທີການເມືອງ ອາເມລິກາ.