ການຮ່ວມມືກ່ຽວກັບນ້ຳມັນອາຍແກັດລະຫວ່າງ ຫວຽດນາມ ແລະ ສະຫະພັນລັດເຊຍ
ທ່ານ Kudryashov Sergey Ivanovich ແລະ ທ່ານ ຈິ້ງດີ່ງຢູ້ງ
|
(vovworld) - ທີ່ການຕ້ອນຮັບທ່ານ Kudryashov Sergey Ivanovich, ຜູ້ອຳນວຍການໃຫຍ່ບໍລິສັດຫຸ້ນສ່ວນ Zarubezneft, ວັນທີ 16/3, ທ່ານຮອງນາຍົກລັດຖະມົນຕີ ຫວຽດນາມ ຈິ້ງດີ່ງຢູ້ງ ຢັ້ງຢືນວ່າ: ຂົງເຂດສຳຫຼວດ, ຂຸດຄົ້ນນ້ຳມັນອາຍແກັດແມ່ນທ່າແຮງໃນຫຼາຍຂົງເຂດຮ່ວມມືລະຫວ່າງ ຫວຽດນາມ ແລະ ສະຫະພັນລັດເຊຍ. ໄລຍະຜ່ານມາ, ຍາມໃດ 2 ລັດຖະບານກໍ່ສ້າງທຸກໆເງື່ອນໄຂເພື່ອການຮ່ວມມືລະຫວ່າງບໍລິສັດຫຸ້ນສ່ວນ Zarubezneft ແລະ ກຸ່ມບໍລິສັດນ້ຳມັນອາຍແກັດ ຫວຽດນາມ ເຄື່ອນໄຫວຢ່າງມີປະສິດທິຜົນ, ປະກອບສ່ວນສຳຄັນເຂົ້າໃນການພັດທະນາເສດຖະກິດ - ສັງຄົມຂອງ ຫວຽດນາມ ແລະ ສະຫະພັນລັດເຊຍ. ທ່ານຮອງນາຍົກລັດຖະມົນຕີ ຈິ້ງດີ່ງຢູ້ງ ຖືວ່າ: 2 ປະເທດຕ້ອງສືບຕໍ່ຍູ້ແຮງການພົວພັນຮ່ວມມືໃນຂົງເຂດພະລັງງານ, ພິເສດແມ່ນຂົງເຂດສຳຫຼວດ, ຂຸດຄົ້ນນ້ຳມັນອາຍແກັດ, ປາດຖະໜາຢາກໃຫ້ບໍລິສັດຫຸ້ນສ່ວນ Zarubezneft ສືບຕໍ່ເປີດກ້ວາງການສຳຫຼວດ, ຊອກຫາປະລິມານ, ເປີດກ້ວາງການຂຸດຄົ້ນນ້ຳມັນອາຍແກັດຢູ່ເຂດໄລ່ທະວີບຂອງຫວຽດນາມ.