(vovworld) - ວັນທີ 04/12, ຍີ່ປຸ່ນ ແລະ ອາເມລິກາ ພວມວາງແຜນການດຳເນີນການຊ້ອມຮົບຮ່ວມທີ່ນຳໃຊ້ເຮືອບິນຂົນສົ່ງໜັກ MV – 22 Osprey ເຊິ່ງອາເມລິກາ ໄດ້ຜັນຂະຫຍາຍຢູ່ຖານທີ່ໝັ້ນ Futenma, ຂຶ້ນກັບແຂວງ Okinawa ຂອງຍີ່ປຸ່ນ. ຕາມແຫຼ່ງຂ່າວດັ່ງກ່າວ, ການຊ້ອມຮົບຮ່ວມອາດຈະດຳເນີນໄປຢູ່ບັນດາແຂວງ Niigata ແລະ ແຂວງ Gunma ຂອງຍີ່ປຸ່ນ ໃນເດືອນ 02 – 03/2014, ເພື່ອແນໃສ່ເພີ່ມທະວີຄວາມສາມາດປ້ອງກັນບັນດາເກາະທີ່ຫ່າງໄກຂອງຍີ່ປຸ່ນ ໃນນັ້ນມີໝູ່ເກາະທີ່ພວມມີການພິດພາດກັນກັບຈີນ ເຊິ່ງໂຕກຽວ ເອີ້ນວ່າ Senkaku ແລະ ປັກກິງ ເອີ້ນວ່າ ຕຽວອີ.
ໃນເຫດການອື່ນທີ່ກ່ຽວຂ້ອງ, ວັນທີ 03/12, ເຈົ້າໜ້າທີ່ກະຊວງປ້ອງກັນປະເທດຍີ່ປຸ່ນ ທ່ານໜຶ່ງໃຫ້ຮູ້ວ່າ, ອາເມລິກາໄດ້ຜັນຂະຫຍາຍເຮືອບບິນລາດຕາເວນຕ້ານກໍ່າປັ່ນດຳນ້ຳ P – A8 ຢູ່ຖານທີ່ໝັ້ນການທະຫານຢູ່ແຂວງ Okinawa. ນີ້ເປັນຄັ້ງທຳອິດທີ່ອາເມລິກາຜັນຂະຫຍາຍເຮືອບິນດັ່ງກ່າວຢູ່ຕ່າງປະເທດ. ແຜນການດັ່ງກ່າວໄດ້ປະຕິບັດຕາມຂໍ້ຕົກລົງທີ່ບັນລຸໄດ້ລະຫວ່າງໂຕກຽວ ແລະ ວໍຊິງຕັນ ໃນເດືອນ 10 ຜ່ານມາ, ພ້ອມທັງນອນໃນໂຄງການປ່ຽນໃໝ່ບັນດາເຮືອບິນຕ້ານກໍ່າປັ່ນດຳນ້ຳຊະນິດ P3C ທີ່ລ່າສະໄໝ.