ການຮ່ວມມືດ້ານປ້ອງກັນປະເທດແມ່ນໜຶ່ງໃນບັນດາຂົງເຂດທີ່ສຳຄັນໃນສາຍພົວພັນ ຫວຽດນາມ-ລັດເຊຍ
ທ່ານຮອງລັດຖະມົນຕີກະຊວງປ້ອງກັນປະເທດ ເຈືອງກວາງແຄ໋ງ ແລະ ທ່ານຮອງຫົວໜ້າຜູ້ທີໜຶ່ງກຳມາທິການປ້ອງກັນຊາດ - ປ້ອງກັນຄວາມສະຫງົບສະພາແຫ່ງຊາດສະຫະພັນລັດເຊຍ
(ພາບ:mod.gov.vn)
(vovworld) – ທີ່ການຕ້ອນຮັບທ່ານຮອງຫົວໜ້າຜູ້ທີໜຶ່ງກຳມາທິການປ້ອງກັນຊາດ - ປ້ອງກັນຄວາມສະຫງົບສະພາແຫ່ງຊາດສະຫະພັນລັດເຊຍ Evgeni Alleksaadrovich Serbrenniov, ໃນວັນທີ 2/4 ຢູ່ ຮ່າໂນ້ຍ, ທ່ານຮອງລັດຖະມົນຕີກະຊວງປ້ອງກັນປະເທດ ຫວຽດນາມ ພົນໂທ ເຈືອງກວາງແຄ໋ງ ໄດ້ຢືນຢັນວ່າການຮ່ວມມືດ້ານປ້ອງກັນປະເທດແມ່ນໜຶ່ງໃນບັນດາຂົງເຂດທີ່ສຳຄັນໃນສາຍພົວພັນ ຫວຽດນາມ - ລັດເຊຍ.
ທ່ານພົນໂທ ເຈືອງກວາງແຄ໋ງ ເນັ້ນໜັກວ່າໃນໄລຍະຜ່ານມາ, ການຮ່ວມມືດ້ານການທະຫານ, ການປ້ອງກັນຊາດລະຫວ່າງ ຫວຽດນາມ ແລະ ສະຫະພັນ ລັດເຊຍ ໄດ້ມີບາດກ້າວພັດທະນາໃໝ່, ພິເສດແມ່ນການຮ່ວມມືໃນຂົງເຂດອຸດສາຫະກຳປ້ອງກັນຊາດ, ບຳລຸງສ້າງຜູ້ບັນຊາເສນາທິການ, ພະນັກງານວິທະຍາສາດເຕັກນິກ, ການຮ່ວມມືບຳລຸງສ້າງພະນັກງານກອງທັບເຮືອ.
ທ່ານຮອງຫົວໜ້າຜູ້ທີໜຶ່ງກຳມາທິການປ້ອງກັນຊາດ - ປ້ອງກັນຄວາມສະຫງົບສະພາແຫ່ງຊາດສະຫະພັນລັດເຊຍ Evgeni Alleksaadrovich Serbrenniov ຢືນຢັນໃນໄລຍະຈະມາເຖີງ, ສະພາແຫ່ງຊາດສະຫະພັນລັດເຊຍ ແລະ ສະພາແຫ່ງຊາດ ຫວຽດນາມ ຈະສືບຕໍ່ແລກປ່ຽນເພື່ອຊອກຫາຄວາມເຫັນດີເປັນເຫັນພ້ອມໃນການຮ່ວມມືດ້ານປ້ອງກັນຊາດສອງຝ່າຍ. ລັດເຊຍ ສືບຕໍ່ຊ່ວຍເຫຼືອ ຫວຽດນາມ ໃນການບຳລຸງສ້າງຜູ້ບັນຊາເສນາທິການ, ພະນັກງານວິທະຍາສາດເຕັກນິກການທະຫານ, ມອບສົ່ງເຕັກໂນໂລຢີໃນຂົງເຂດຮ່ວມມືດ້ານອຸດສາຫະກຳປ້ອງກັນຊາດ.