(vovworld) - ວັນທີ 11/9, ກະຊວງແຜນການ ແລະ ການລົງທຶນສົມທົບກັບສະຫະສະມາຄົມວິສາຫະກິດລົງທຶນຕ່າງປະເທດ, ສະມາຄົມພັດທະນາການຮ່ວມມືດ້ານເສດຖະກິດຫວຽດນາມ - ລາວ - ກຳປູເຈຍ ໄດ້ຈັດເວທີປາໄສການຮ່ວມມືລົງທຶນພັດທະນາອານຸພາກພື້ນແມ່ນ້ຳຂອງ ປີ 2012 ຢູ່ນະຄອນ Buon Ma Thuot (Dak Lak). ເປົ້າໝາຍຂອງເວທີປາໄສການຮ່ວມມືລົງທຶນພັດທະນາອານຸພາກພື້ນແມ່ນ້ຳຂອງ ປີ 2012 ແມ່ນແລກປ່ຽນຂໍ້ມູນຂ່າວສານ, ຍົກອອກບັນດາມາດຕະການຊຸກຍູ້ການລົງທຶນ, ປະຕິບັດຈຸດໝາຍພັດທະນາເສດຖະກິດພາຍໃນພາກພື້ນແມ່ນ້ຳຂອງ ເວົ້າລວມ, ບັນດາແລວເສດຖະກິດໃນອານຸພາກພື້ນແມ່ນ້ຳຂອງ ແລະ ເຂດ 3 ຫຼ່ຽມພັດທະນາຫວຽດນາມ - ລາວ - ກຳປູເຈຍ ເວົ້າສະເພາະ. ທີ່ເວທີປາໄສ, ບັນດາຜູ້ແທນກໍສະເໜີບາງມາດຕະການເພື່ອແກ້ໄຂສິ່ງກີດຂວາງ ແລະ ຊຸກຍູ້ການຮ່ວມມືພັດທະນາໃນພາກພື້ນຄືບັນດາປະເທດຕ້ອງມີນະໂຍບາຍສົ່ງເສີມ, ໃຫ້ບຸລິມະສິດແກ່ການລົງທຶນທີ່ມີຕໍ່ບັນດາເຂດເສດຖະກິດ - ສັງຄົມ ທີ່ປະສົບກັບຄວາມຫຍຸ້ງຍາກ ແລະ ເຂດເສດຖະກິດປະສົບກັນຄວາມຫຍຸ້ງຍາກເປັນພິເສດ, ໃນນັ້ນບັນດາແຂວງຂຶ້ນກັບເຂດ 3 ຫຼ່ຽມພັດທະນາໄດ້ນຳໃຊ້ນະໂຍບາຍສົ່ງເສີມ ແລະ ໃຫ້ບຸລິມະສິດແກ່ການລົງທຶນດ້ວຍລະດັບສຸງສຸດ.