(vovworld) - ໂດຍສະເຫຼີມສະຫຼອງ 83 ປີແຫ່ງວັນສ້າງຕັ້ງພັກກອມມູນິດຫວຽດນາມ ແລະ 45 ປີແຫ່ງການບຸກໂຈມຕີຄັ້ງໃຫຍ່ ແລະ ລຸກຮືຂຶ້ນໃນລະດູບານໃໝ່ປີ 1968, ຕອນເຊົ້າວັນທີ 01/02, ພະແນກວັດທະນະທຳ - ກິລາ ແລະ ທ່ອງທ່ຽວນະຄອນ ໂຮ່ຈີມິນ ໄດ້ໄຂງານວາງສະແດງ “ອວຍພອນລະດູບານໃໝ່ ປີມະເສງ - ອວຍພອນພັກສະຫງ່າງາມ”. ຮູບພາບຂະໜາດໃຫຍ່ 280 ແຜ່ນ ແລະ ແຜນທີ່, 3 ແຜ່ນຖືກວາງສະແດງຢູ່ທີ່ນີ້ ໄດ້ລວບລວມມູນເຊືອທີ່ສະຫງ່າລາສີ ແລະ ບັນດາການອຸທິດສ່ວນອັນໃຫຍ່ຫຼວງຂອງພັກທີ່ມີຕໍ່ພາລະກິດປະຕິວັດຂອງປະຊາຊົນ ຫວຽດນາມ ໃນ 83 ປີຜ່ານມາ. ຈາກນັ້ນ, ຢືນຢັນທີ່ຕັ້ງ, ບົດບາດນຳພາສຳຄັນຂອງພັກກອມມູນິດ ຫວຽດນາມ ໃນປະຫວັດແຫ່ງການພັດທະນາ ຂອງຊາດ. ງານວາງສະແດງກໍ່ໄດ້ສ່ອງແສງບັນດາຜົນງານເຊິ່ງອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນບັນລຸໄດ້ໃນປີ 2012. ທ່ານ ຫວໍກົງແອງ, ຜູ້ອຳນວຍການສູນຖະແຫຼງຂ່າວງານສະແດງນະຄອນ ໂຮ່ຈີມິນ ໃຫ້ຮູ້ວ່າ:
“ບັນດາຮູບພາບທີ່ພວກຂ້າພະເຈົ້າໄດ້ແນະນຳເຖິງປະຊາຊົນແມ່ນບັນດາເອກະສານສະແດງຄວາມເອກອ້າງທະນົງໃຈກ່ຽວກັບ 83 ປີແຫ່ງຂີດໝາຍປະຫວັດສາດຂອງພັກ. ຜ່ານນັ້ນ, ເພື່ອໃຫ້ປະຊາຊົນມີຄວາມເຂົ້າໃຈກ່ວາຂະບວນການຕໍ່ສູ້ ແລະ ບັນດາຂີດໝາຍປະຫວັດສາດຂອງພັກກອມມູນິດ ຫວຽດນາມ ໃນວິວັດທະນາການກໍ່ສ້າງປະເທດຊາດໃຫ້ນັບມື້ນັບຮັ່ງມີ, ເຂັ້ມແຂງ”
ແລະກໍ່ໃນຕອນເຊົ້າວັນດຽວກັນ, ສະມາຄົມນັກຂ່າວນະຄອນ ດ່າໜັງ ໄດ້ສົມທົບກັບພະແນກສື່ສານນະຄອນ ໄຂງານບຸນໜັງສືພິມລະດູບານໃໝ່ ປີມະເສງ 2013 ດ້ວຍຫົວຂໍ້ວ່າ “ອວຍພອນພັກ, ອວຍພອນລະດູບານໃໝ່”.