ພາບປະກອບ: internet |
(vovword)- ວັນທີ 21/6, ເນື່ອງໃນໂອກາດລະນຶກ 87 ປີ ແຫ່ງວັນສື່ມວນຊົນປະຕິວັດ ຫວຽດນາມ, ສະມາຄົມນັກຂ່າວຢູ່ບັນດາທ້ອງຖິ່ນໃນທົ່ວປະເທດ ໄດ້ຈັດຕັ້ງການເຄື່ອນໄຫວຫລາຍຢ່າງເພື່ອລະນຶກວັນດັ່ງກ່າວ. ແຂວງ ອຽນບ໋າຍ ໄດ້ຈັດຕັ້ງການພົບປະສັງສັນບັນດານັກຂ່າວຂັ້ນສູນກາງ ແລະ ທ້ອງຖິ່ນ ທີ່ພວມເຄື່ອນໄຫວໃນບໍລິເວນແຂວງ ແລະ ຈັດຕັັ້ງພິທີມອບລາງວັນສື່ມວນຊົນປີ 2012 ຂອງແຂວງ. ການນຳຄະນະພັກ, ຄະນະກຳມະການປະຊາຊົນແຂວງ ອຽນບ໋າຍ ອວຍພອນໄຊໃຫ້ບັນດາຜູ້ເຮັດວຽກງານສື່ມວນຊົນໃນບໍລິເວນແຂວງ ພ້ອມທັງຮັບຮູ້ບັນດາການປະກອບສ່ວນຂອງສື່ມວນຊົນປະຕິວັດ ອຽນບ໋າຍ ໃນກິດຈະການປ່ຽນແປງໃຫມ່, ຜ່ານຜ່າຄວາມຫຍຸ້ງຍາກຂອງແຂວງພູດອຍເພື່ອບືນຕົວຂຶ້ນ. ສະມາຄົມນັກຂ່າວ ແຂວງ ຮືງອຽນ ກໍໄດ້ຈັດການພົບປະສັງສັນກັບບັນດາອົງການສື່ມວນຊົນໃນແຂວງ.
ເນ່ືອງໃນໂອກາດນີ້, ນັກຂ່າວວິທະຍຸກະຈາຍສຽງ ຫວຽດນາມ ໄດ້ສຳພາດທ່ານ Nguyen The Ky ຮອງຫົວຫນ້າຄະນະໂຄສະນາສຶກສາສູນກາງ. ທ່ານ Nguyen The Ky ໄດ້ຕີລາຄາສູງການພັດທະນາຂອງພື້ນຖານສື່ມວນຊົນປະຕິວັດ ຫວຽດນາມ ພິເສດ ແມ່ນໃນໄລຍະປ່ຽນແປງໃຫມ່.
“ໃນກວ່າ 20 ປີແຫ່ງການປະຕິບັດພາລະກິດປ່ຽນແປງໃຫມ່, ສື່ມວນຊົນຂອງພວກເຮົາໄດ້ເຕີບໃຫຍ່ຂຶ້ນ ນັບທັງຈຳນວນອົງການສື່ມວນຊົນ, ຈຳນວນນັກຂ່າວ, ຮູບການສື່ມວນຊົນ, ການປະກອບສ່ວນຂອງສື່ມວນຊົນໄດ້ຮັບການຕີລາຄາສູງຈາກພັກ ແລະ ລັດ. ຖ້າປຽບທຽບກັບບັນດາປະເທດພາຍໃນພາກພື້ນ ອາດຈະບໍ່ແມ່ນເລື່ອງງ່າຍມ, ເພາະວ່າ ພື້ນຖານສື່ມວນຊົນຂອງພວກເຮົາແມ່ນພື້ນຖານສື່ມວນຊົນປະຕິວັດ, ສື່ມວນຊົນຂອງປະຊາຊົນ ຮັບໃຊ້ປະຊາຊົນ. ເຖິງຢ່າງໃດກໍຕາມ, ກຳລັງເຮັດວຽກງານສື່ມວນຊົນກໍບໍ່ນ້ອຍຫນ້າເມື່ອທຽບກັບຫລາຍປະເທດ. ມີ 35% ຈຳນວນພົນລະເມືອງນຳໃຊ້ອີນເຕີແນດ. ນີ້ແມ່ນຕົວເລກສູງຢູ່ພາກພື້ນອາຊີຕາເວັນອອກສຽງໃຕ້ ແລະ ອາຊີ.”