ຕອນເຊົ້າວັນທີ 2/2, ເນື່ອງໃນໂອກາດສະເຫຼີມສະຫຼອງ 82 ປີແຫ່ງວັນສ້າງຕັ້ງພັກກອມມູນິດຫວຽດນາມ (3/2/1930-3/2/2012), ການນຳແຂວງເງະອານໄດ້ໄປຖະຫວາຍທູບທຽນ, ພວງມາລາອາໄລຫາປະທານໂຮ່ຈິມິນ ຢູ່ເຂດປູ່ສະນີຍະສະຖານປະຫວັດສາດວັດທະນະທຳກິມລຽນ ຢູ່ຕາແສງກິມລຽນ ເມືອງນາມດ່ານ. ການນຳແຂວງເງະອານໄດ້ສະແດງໃຫ້ເຫັນຄວາມເຄົາລົບນັບຖື, ຄວາມຄິດຮອດຄິດເຖິງຄຸນງາມຄວາມດີອັນຍິ່ງໃຫ່ຍຂອງປະທານໂຮ່ຈິມິນ; ລາຍງານກັບເພີ່ນ ກ່ຽວກັບບັນດາຜົນງານໃນການພັດທະນາເສດຖະກິດສັງຄົມຂອງແຂວງ. ແລະກໍໃນໂອກາດນີ້, ບັນດາຄະນະຜູ້ແທນຕາງໜ້າໃຫ້ທ້ອງຖິ່ນຕ່າງໆ, ບັນດາອົງການສຳນັງງານ, ຄະນະ, ຂະແໜງການໄດ້ໄປຕາແສງກິມລຽນ ເມືອງນາມດ່ານເພື່ອລາຍງານຜົນງານກັບປະທານໂຮ່ຈິມິນ.
ໃນຂະນະນັ້ນ, ຄະນະໂຄສະນາສຶກສາສູນກາງ ຫາກໍ່ປະກາດໃຊ້ແຜນການກ່ຽວກັບການຈັດຕັ້ງການສະເຫີລມສະຫລອງ. ຕາມແຜນການແລ້ວ, ການນຳພັກ, ລັດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດຫວຽດນາມ, ການນຳນະຄອນຫລວງ ຮ່າໂນ້ຍ ແລະ ບັນດາໝູ່ຄະນະໄປວາງພວງມາລາ ຢູ່ສຸສານປະທານໂຮ່ຈິມີນ ແລະ ຖະຫວາຍທູບທຽນຢູ່ອະນຸສາວະລີວິລະຊົນ, ນັກຮົບເສຍສະຫລະຊີວິດເພື່ອຊາດ. ພ້ອມກັນນັ້ນ ບັນດາທ້ອງຖິ່ນ, ຫົວຫນ່ວຍ ຈັດຕັ້ງລາຍການສະແດງສິລະປະວັດທະນະທຳ, ສາຍຟິມຮູບເງົາ, ໂຄສະນາຜ່ານທາງວິທະຍຸ, ໂທລະພາບ ຊົມເຊີຍປະເທດຊາດປ່ຽນແປງໃຫມ່, ຊົມເຊີຍພັກສະຫງ່າລາສີ, ອວຍພອນປີໃຫມ່ປີມະໂຣງ, ການພົບປະສ້າງສັນ, ການພົບປະສົນທະນາທົບທວນຄືນມູນເຊື້ອຂອງພັກ, ໄປຢ້ຽມຢາມເຂດປູຊະນີຍະສະຖານປະຫວັດສາດປະຕິວັດ, ຢື້ຢາມຖາມຂ່າວ, ມອບຂອງຂວັນໃຫ້ແກ່ຜູ້ມີຄຸນງາມຄວາມດີຕໍ່ປະເທດຊາດ. ການຈັດຕັ້ງສະເຫລີມສະຫລອງ 82 ປີ ແຫ່ງວັນສ້າງຕັ້ງພັກກອມມູນິດຫວຽດນາມ ດ້ວຍຈຸດປະສົງແມ່ນຢັ້ງຢືນບົດບາດປະຫວັດສາດຂອງພັກກອມມູນິດຫວຽດນາມ, ຢືນຢັນລັດທິມາກເລນິນ, ແນວຄິດໂຮ່ຈິມີນ ແມ່ນພື້ນຖານທາງດ້ານແນວຄິດ, ແມ່ນເຂັມຊີ້ທິດໃຫ້ທຸກການເຄື່ອນໄຫວປະຕິວັດຂອງພັກ ແລະ ປະຊາຊົນຫວຽດນາມ ໄດ້ ແລະ ພວມນຳພາປະເທດຊາດຫວຽດນາມ ຍາດໄດ້ໄຊຊະນະອັນໃຫຍ່ຫລວງໃນພາລະກິດຕໍ່ສູ້ປົດປ່ອຍຊາດ, ການປ່ຽນແປງໃຫມ່ປະເທດຊາດ, ເຊື່ອມໂຍງເຂົ້າກັບສາກົນ ແລະ ປົກປັກຮັກສາປະເທດ ສສ ຫວຽດນາມ.