ພິທີໄຂ Festival ມໍລະດົກກວາງນາມ ຄັ້ງທີ 5 – 2013
(ພາບປະກອບ: VGP/Lê Sơn)
(vovworld) – ວັນທີ 24/6, ຢູ່ນະຄອນໂຮ້ຍອານ ສືບຕໍ່ດຳເນີນການເຄື່ອນໄຫວວັດທະນະທຳ, ສິລະປະ ໃນຂອບເຂດ Festival ມໍລະດົກກວາງນາມ ຄັ້ງທີ 5 – 2013 ຄື: “ການຄົ້ນຫາບ້ານນາ ເກິມແທງ“ ດ້ວຍລົດຖີບ, ລາຍການສະແດງສິລະປະ “ສີສັນຫວຽດນາມ“, ງານພົບປະແລກປ່ຽນ ສະແດງສິລະປະ “ກວາງນາມກັບເພື່ອນມິດສາກົນ“
“10 ປີ ແຫ່ງການປະຕິບັດສົນທິສັນຍາວ່າດ້ວຍການປົກປັກຮັກສາມໍລະດົກບໍ່ມີຮູບຮ່າງຂອງ UNESCO: ບົດຮຽນ ແລະ ທິດທາງໃນອະນາຄົດ“ ແມ່ນກອງປະຊຸມສຳມະນາທີ່ດຳເນີນໃນວັນທີ 23/6 ຢູ່ໂຮ້ຍອານ, ແຂວງກວາງນາມ. ກ່າວຄວາມເຫັນທີ່ກອງປະຊຸມສຳມະນານີ້, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ໂຮ່ແອງຕ໋ວນ, ຢືນຢັນວ່າ:
“ຜ່ານໄລຍະ 10 ປີຜ່ານມາ, ພວກເຮົາສາມາດເຫັນໄດ້ການກະທົບຂອງສົນທະສັນຍາປົກປັກຮັກສາມໍລະດົກວັດທະນະທຳທີ່ບໍ່ມີຮູບຮ່າງຂອງ UNESCO ທີ່ມີຕໍ່ຊີວິດຂອງມວນມະນຸດ. ສົນທິສັນຍາສາກົນໄດ້ປະກອບສ່ວນຮັກສາມໍລະດົກວັດທະນະທຳທີ່ບໍ່ມີຮູບຮ່າງ; ຮັບປະກັນຄວາມເຄົາລົບທີ່ມີຕໍ່ມໍລະດົກວັດທະນະທຳທີ່ບໍ່ມີຮູບຮ່າງຂອງປະຊາຄົມ; ຍົກສູງຄວາມຮັບຮູ້ຢູ່ທ້ອງຖີ່ນ, ປະເທດຊາດ ແລະ ສາກົນ ກ່ຽວກັບຄວາມສຳຄັນຂອງມໍລະດົກວັດທະນະທຳທີ່ບໍ່ມີຮູບຮ່າງ; ສ້າງໃຫ້ມີການຮ່ວມມື ແລະ ໜູນຊ່ວຍຈາກສາກົນ“.
ໃນວັນດຽວກັນ, ຢູ່ເທດສະບານ ບເລົາ, ເມືອງດົງຢາງ, ໄດ້ດຳເນີນພິທີເປີດສະຫຼອງໝູ່ບ້ານທ່ອງທ່ຽວ ບເຮີຮົງ ແລະ ດເຮີຮົ່ງ. ທ່ານ ດິງຫາຍ, ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງກວາງນາມ, ໃຫ້ຮູ້ວ່າ:
“ພວກຂ້າພະເຈົ້າຢາກແນະນຳກັບນັກທ່ອງທ່ຽວ, ພິເສດແມ່ນລຸ້ນໜຸ່ມ ແລະ ນັກທ່ອງທ່ຽວສາກົນຮູ້ກ່ຽວກັບເສັ້ນທາງໂຮ່ຈີມິນຂອງຫວຽດນາມ. ພວກຂ້າພະເຈົ້າຫວັງວ່າ,ເສັ້ນທາງນີ້ສົມທົບກັບການພັດທະນາໝູ່ບ້ານທ່ອງທ່ຽວຂອງປະຊາຄົມໃນໄລຍະໃກ້ໆນີ້ຈະປະກອບສ່ວນຊ່ວຍໃຫ້ປະຊາຊົນລົບລ້າງຄວາມອຶດຫີວ,ຫຼຸດຜ່ອນຄວາມທຸກຍາກຈາກການພັດທະນາການທ່ອງທ່ຽວ“