ທ່ານຫງວຽນຊິງຮຸ່ງໃຫ້ການຕ້ອນຮັບການນຳກຸ່ມບໍລິສັດຊາມຊຸງ
(ພາບ:nguyensinhhung.net)
(vovworld)-ໃນຂອບເຂດການຢ້ຽມຢາມ ສເກົາຫຼີ, ຕອນເຊົ້າວັນທີ 22/7, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໃຫ້ການຕ້ອນຮັບການນຳບັນດາກຸ່ມບໍລິສັດອັນດັບໜຶ່ງຂອງປະເທດນີ້ ແລະ ການນຳສະມາຄົມມິດຕະພາບ ສເກົາຫຼີ-ຫວຽດນາມ. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ຢືນຢັນວ່າ: ຫວຽດນາມ ສະໜັບສະໜູນ ແລະ ສ້າງເງື່ອນໄຂອຳນວຍຄວາມສະດວກໃຫ້ບັນດານັກລົງທຶນ ສເກົາຫຼີ ລົງທຶນເຂົ້າຫວຽດນາມ ພ້ອມທັງສົ່ງເສີມບັນດານັກລົງທຶນຫວຽດນາມ ລົງເທຶນເຂົ້າ ສເກົາຫຼີ. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ເນັ້ນໜັກວ່າ:
”ສະພາແຫ່ງຊາດ, ລັດຖະບານຫວຽດນາມ ສະໜັບສະໜູນບັນດານັກລົງທຶນ ສເກົາຫຼີ. ບັນດານັກລົງທຶນບໍ່ພຽງແຕ່ໄດ້ປະກອບສ່ວນພັດທະນາເສດຖະກິດເທົ່ານັ້ນ ຫາກຍັງໄດ້ປະກອບສ່ວນໃຫ້ແກ່ການພັດທະນາການຮ່ວມມືຍຸດທະສາດລະຫວ່າງສອງປະເທດອີກດ້ວຍ”.
ທີ່ການຕ້ອນຮັບການນຳສະມາຄົມມິດຕະພາບ ສເກົາຫຼີ-ຫວຽດນາມ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໄດ້ຕີລາຄາສູງການປະກອບ ສ່ວນຂອງສະມາຄົມໃນການຮັກສາ ແລະ ພັດທະນາການພົວພັນມິດຕະພາບ ແລະ ການຮ່ວມມືໃນຫຼາຍດ້ານລະຫວ່າງສອງປະເທດໃນໄລຍະຜ່ານມາ. ທ່ານເນັ້ນໜັກວ່າ:
”ຂ້າພະເຈົ້າປາດຖະໜາ ແລະ ເຊື່ອມໝັ້ນວ່າ ສະມາຄົມມິດຕະພາບ ສເກົາຫຼີ-ຫວຽດນາມ, ສະມາຄົມມິດຕະພາບ ຫວຽດນາມ-ສເກົາຫຼີ ຈະມີຄວາມສະໜິດຕິດພັນກັນ, ຮັກສາໝາກຜົນທາງການທູດ, ນ້ຳໃຈມິດຕະພາບ, ການຮ່ວມມືຮອບດ້ານທີ່ບັນລຸໄດ້ ເພື່ອແກ້ໄຂຄວາມຫຍຸ້ງຍາກ”.
ຕອນບ່າຍວັນທີ 22/7, ຢູ່ນະຄອນຫຼວງ ເຊີອູນ, ທ່ານປະທານສະພາແຫ່ງຊາດ ຫງວຽນຊິງຮູ່ງ ມີການເຈລະຈາກັບທ່ານປະທານສະພາແຫ່ງຊາດ ສ ເກົາຫຼີ Kang Chang Hee. ກ່ອນໜ້ານັ້ນ, ທ່ານປະທານປະທານສະພາແຫ່ງຊາ ຫງວຽນຊິງຮູ່ງ ໄດ້ພົບປະກັບທ່ານນາຍົກລັດຖະມົນຕີ ສ ເກົາຫຼີ Chung Hong won. ທີ່ການພົບປະ, ທ່ານປະທານປະທານສະພາແຫ່ງຊາ ຫງວຽນຊິງຮູ່ງ ສະເໜີໃຫ້ລັດຖະບານ ສ ເກົາຫຼີ ເພີ່ມທະວີການສົ່ງເສີມ ແລະ ສ້າງເງື່ອນໄຂໃຫ້ບັນດາວິສາຫະກິດ ລົງທຶນເຂົ້າ ຫວຽດນາມ, ສ້າງເງື່ອນໄຂເພື່ອໃຫ້ສິນຄ້າ ຫວຽດນາມ ສົ່ງອອກ ສ ເກົາຫຼີ ກ່ວາອີກ, ກໍ່ຄືບຸລິມະສິດສະໜອງ, ເພີ່ມຂອບຂະໜາດ ODA ໃຫ້ແກ່ ຫວຽດນາມ, ໂດຍສະເພາະແມ່ນໃນຂົງເຂດກໍ່ສ້າງພື້ນຖານໂຄງລ່າງຄົມມະນາຄົມ. ກ່ຽວກັບການເພີ່ມທະວີການພົບປະແລກປ່ຽນລະຫວ່າງ ປະຊາຊົນ 2 ປະເທດ, ທ່ານປະທານປະທານສະພາແຫ່ງຊາ ສະເໜີໃຫ້ 2 ຝ່າຍຊຸກຍູ້ການເຈລະຈາ ແລະ ເຊັນສັນຍາໜູນຊ່ວຍດ້ານນິຕິກຳໃນຂົງເຂດພົນລະເຮືອນ ແລະ ກ້ານຄ້າໂດຍໄວ, ປຶກສາຫາລື, ສ້າງເງື່ອນໄຂສະດວກກ່ຽວກັບ ວີຊາໃຫ້ພົນລະເມືອງ ຫວຽດນາມ. ໃນການຮ່ວມມືຄົນງານ ແລະ ອະລັກຂາພົນລະເມືອງ, ທ່ານປະທານປະທານສະພາແຫ່ງຊາຫວັງວ່າ 2 ຝ່າຍຈະສືບຕໍ່ຮ່ວມມືຢ່າງແໜ້ນແຟ້ນເພື່ອແກ້ໄຂບັນຫາຍັງຄົງຄ້າງຢ່າງທັນການເພື່ອສືບຕໍ່ຊຸກຍູ້ການຮ່ວມມືຄົນງານ, ສ້າງເງື່ອນໄຂໃຫ້ແກ່ປະຊາຄົມຊາວ ຫວຽດນາມ ດຳລົງຊີວິດ, ຮຳ່ຮຽນ ແລະ ທຳມາຫາກິນ ຢູ່ ສ ເກົາຫຼີ.
ຕອນບ່າຍວັນທີ 22/7, ທ່ານປະທານປະທານສະພາແຫ່ງຊາ ຫງວຽນຊິງຮູ່ງ ໄດ້ໄປຢ້ຽມຢາມ ສະຖາບັນພັດທະນາ ສ ເກົາຫຼີ, ສະຖາບັນວິທະຍາສາດ ແລະ ເຕັກໂນໂລຢີ ສ ເກົາຫຼີ ຢູ່ ເຊີອູນ.
ກ່ອນໜ້ານັ້ນ, ຕອນບ່າຍວັນທີ 21/7, ທ່ານປະທານສະພາແຫ່ງຊາດ ຫງວຽນຊິງຮູ່ງ ໄດ້ມີການພົບປະ ແລະ ໂອ້ລົມກັບພະນັກງານ, ລັດຖະກອນສະຖາທູດ ຫວຽດນາມ ພ້ອມກັບຜູ້ຕາງໜ້າປະຊາຄົມຊາວ ຫວຽດນາມ ອາໄສຢູ່ ສ ເກົາຫຼີ. ທ່ານປະທານສະພາແຫ່ງຊາດ ຢືນຢັນວ່າ: ຍາມໃດພັກ, ລັດກໍ່ເອົາໃຈໃສ່ເຖິງປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ເວົ້າລວມ ແລະ ປະຊາຄົມຊາວ ຫວຽດນາມ ອາໄສຢູ່ ສ ເກົາຫຼີ ເວົ້າສະເພາະ ແລະ ກໍ່ສ້າງເງື່ອນໄຂອຳນວຍຄວາມສະດວກເພື່ອໃຫ້ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ມີຊີວິດຢ່າງເປັນປົກກະຕິ, ເຊື່ອມໂຍງກັບສັງຄົມຂອງປະເທດປະຈຳຖີ່ນ.