(vovworld) - ໂດຍສືບຕໍ່ບັນດາກອງປະຊຸມຂັ້ນສູງອາຊຽນ ທີ່ກ່ຽວຂ້ອງ, ຕອນເຊົ້າວັນທີ 10 ຕຸລາ, ປະເທດບຣຸໄນ, ໄດ້ຈັດກອງປະຊຸມຂັ້ນສູງອາຊຽນ +3 ຄັ້ງທີ 16 ກັບຈີນ, ຍີ່ປຸ່ນ ແລະ ສ.ເກົາຫຼຼີ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ, ໃນໄລຍະຈະມາເຖິງອາຊຽນ ແລະ ບັນດາປະເທດຄູ່ຮ່ວມມືຕ້ອງເພີ່ມທະວີການຮ່ວມມືກ່ຽວກັບການຮັກສາສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ນ. ຄຸ້ມຄອງໄພທຳມະຊາດ, ຄວາມປອດໄພໃນການເດີນທະເລ... ພິເສດ, ອາຊຽນ +3 ຕ້ອງຍູ້ແຮງການຮ່ວມມືດ້ານການຄ້າ ແລະ ການລົງທຶນ 2 ຝ່າຍ ແລະ ຫຼາຍຝ່າຍ, ຜັນຂະຫຍາຍບັນດາສັນຍາການຄ້າເສລີ FTA ທີ່ມີຢູ່ແລ້ວ ລະຫວ່າງອາຊຽນ ແລະ ຈີນ, ຍີ່ປຸ່ນ, ສ.ເກົາຫຼີ ຢ່າງມີປະສິດທິຜົນ ກໍ່ຄືມານະພະຍາຍາມຊຸກຍູ້ການເຈລະຈາສັນຍາຄູ່ຮ່ວມມືເສດຖະກິດຮອບດ້ານພາກພື້ນໃນທ້າຍປີ 2015 ໃຫ້ສຳເລັດຜົນ ກໍ່ຄືການເປີດກວ້າງ ແລະ ເຮັດໃຫ້ການຮ່ວມມືດ້ານການເງິນ ແລະ ເງິນຕາເລີກເຊິ່ງກວ່າອີກ. ທ່ານນາຍົກລັດຖະມົນຕີ ຫງວຽນເຕີນຢຸງ ກໍ່ສະເໜີໃຫ້ອາຊຽນ +3 ເພີ່ມທະວີການເຊື່ອມຕໍ່ໃນພາກພື້ນ, ເຊິ່ງລວມມີ: ການເຊື່ອມຕໍ່ດ້ານພື້ນຖານໂຄງລ່າງ, ລະບຽບກົດໝາຍ ແລະ ປະຊາຊົນ ບົນພື້ນຖານເປີດກວ້າງການຜັນຂະຫຍາຍແຜນການສັງລວມກ່ຽວກັບການເຊື່ອມຕໍ່ອາຊຽນ.
ແລະກໍ່ໃນວັນດຽວກັນ, ຢູ່ນອກກອງປະຊຸມຂັ້ນສູງອາຊຽນ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ໃຫ້ການຕ້ອນຮັບທ່ານລັດຖະມົນຕີການຕ່າງປະເທດອາເມລິກາ John Kerry. ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຕີລາຄາສູງເລື່ອງທ່ານລັດຖະມົນຕີການຕ່າງປະເທດອາເມລິກາ John Kerry ພ້ອມກັບທ່ານລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ຫາກໍ່ເຊັນກວດສັນຍາຮ່ວມມືກ່ຽວກັບການນຳໃຊ້ພະລັງງານນິວເຄຼຍເພື່ອຈຸດໝາຍສັນຕິພາບລະຫວ່າງຫວຽດນາມ - ອາເມລິກາ, ຕາມທ່ານນາຍົກລັດຖະມົນຕີ ຫງວຽນເຕີນຢຸງ ແລ້ວ, ນີ້ແມ່ນບາດກ້າວທີ່ຕັ້ງໜ້າ ແລະ ສຳຄັນໃນການສ້າງພື້ນຖານນິຕິກຳໃຫ້ແກ່ເລື່ອງຫວຽດນາມ ສຳພັດກັບເຕັກໂນໂລຊີສູງຂອງອາເມລິກາ ກ່ຽວກັບດ້ານພະລັງງານນິວເຄຼຍ ແລະ ຊຸກຍູ້ການຮ່ວມມືລະຫວ່າງຫວຽດນາມ - ອາເມລິກາ ໃນຂົງເຂດພະລັງງານນິວເຄຼຍພົນລະເຮືອນໃນອະນາຄົດ. ທ່ານນາຍົກລັດຖະມົນຕີ ຫງວຽນເຕີນຢຸງ ຊົມເຊີຍບັນດາໝາກຜົນທີ່ບັນລຸໄດ້ໃນການເຈລະຈາສັນຍາການຄ້າເຂດປາຊີຝີກ (TPP) ລະຫວ່າງຫວຽດນາມ - ອາເມລິກາ, ໃນນັ້ນມີເລື່ອງຢືນຢັນຄືນໃໝ່ຄວາມຕັດສິນໃຈສິ້ນສຸດການເຈລະຈາໃນປີ 2013 ເພື່ອເຮັດໃຫ້ສັນຍາທີ່ມີຄຸນະພາບສູງ, ຮັບປະກັນລັກສະນະຫຼາຍຮູບຫຼາຍແບບຂອງບັນດາປະເທດຊະມາຊິກ. ທີ່ການພົບປະ, ທ່ານນາຍົກລັດຖະມົນຕີ ຫງວຽນເຕີນຢຸງ ແລະ ທ່ານລັດຖະມົນຕີການຕ່າງປະເທອາເມລິກາ John Kerry ກໍ່ໄດ້ແລກປ່ຽນຢ່າງກົງໄປກົງມາ ບົນຈິດໃຈສ້າງສັນ ກ່ຽວກັບບາງບັນຫາທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນມີບັນຫາຮັບປະກັນສິດທິມະນຸດ, ຄວາມເສລີດ້ານການສື່ສານ.
ການນຳ ອາຊຽນ - ອິນເດຍ ຖ່າຍຮູບທີ່ລະນຶກ
ຫລັງຈາກນັ້ນ, ທ່ານນາຍົກລັດຖະມົນຕີ ຫງວຽນເຕີນຢູງ ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມຂັ້ນສູງ ອາຊີ - ອິນເດຍ ຄັ້ງທີ 11 ແລະ ອາຊຽນ - ສະຫະປະຊາຊາດ ຄັ້ງທີ 5. ກ່າວຄຳເຫັນທີ່ບັນດາກອງປະຊຸມນີ້, ທ່ານນາຍົກລັດຖະມົນຕີ ຕີລາຄາສູງການຮ່ວມມືລະຫວ່າງ ອາຊຽນ ກັບອິນເດຍ ແລະ ອາຊຽນ - ສະຫະປະຊາຊາດ, ເນັ້ນໜັກຄວນຍູ້ແຮງການປະຕິບັດບັນດາຄຳໝັ້ນສັນຍາທີ່ໄດ້ຕົກລົງຢ່າງມີປະສິດທິຜົນ, ພິເສດແມ່ນໃນບັນດາຂົງເຂດບຸລິມະສິດເຊິ່ງຕ່າງຝ່າຍຕ່າງມີຄວາມສົນໃຈ. ທ່ານນາຍົກລັດຖະມົນຕີສະເໜີໃຫ້ ອິນເດຍ ສືບຕໍ່ໜູນຊ່ວຍ ອາຊຽນ ປະຕິບັດແຜນການສັງລວມເຊື່ອມຕໍ່ ອາຊຽນ, ຊ່ວຍສ້າງພື້ນຖານໂຄງລ່າງເຕັກໂນໂລຢີຂໍ້ມູນຂ່າວສານຢູ່ບັນດາປະເທດຄື: ກຳປູເຈຍ, ລາວ, ມຽນມາ, ຫວຽດນາມ. ກໍ່ຄືປະຕິບັດສຳເລັດເອກະສານຈຳເປັນເພື່ອນຳສູນ ອາຊຽນ - ອິນເດຍ ເຂົ້າເຄື່ອນໄຫວຢ່າງແທດຈິງ ແລະ ມີປະສິດທິຜົນ. ທ່ານນາຍົກລັດຖະມົນຕີສະເໜີໃຫ້ສະຫະປະຊາຊາດ ແລະ ບັນດາອົງການ ສປຊ ໜູນຊ່ວຍ ອາຊຽນ ໃນການສ້າງປະຊາຄົມ, ເພີ່ມທະວີການຮ່ວມສຳພັນພາກພື້ນ ແລະ ເຊື່ອມຕໍ່ ອາຊຽນ, ຮັດແຄບຊ່ອງວ່າງການພັດທະນາກໍ່ຄືໜູນຊ່ວຍພັດທະນາເຂດອະນຸພາກພື້ນແມ່ນ້ຳຂອງ, ໃນນັ້ນມີບັນດານຳໃຊ້ແຫຼ່ງນ້ຳຢ່າງເໝາະສົມ, ຍືນຍົງ. ກ່ຽວຂ້ອງເຖິງສັນຕິພາບ, ຄວາມໝັ້ນຄົງໃນພາກພື້ນ, ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນໜັກຄວນສະໜັບສະໜູນບັນຫາຫຼັກການຂອງ ອາຊຽນ ກ່ຽວກັບບັນຫາທະເລຕາເວັນອອກຢ່າງແຮງ. ທ່ານນາຍົກລັດຖະມົນຕີ ຫງວຽນເຕີນຢູງ ແຈ້ງວ່າ: ຫວຽດນາມ ຈະເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດໂດຍໄວ, ກ່ອນອື່ນໝົດແມ່ນໃນບັນດາຂົງເຂດທະຫານຊ່າງແສງ, ເສນາຮັກ, ນັກສັງເກດການທະຫານ, ເພື່ອສັນຕິພາບ, ສະຖຽນລະພາບ ແລະ ການພັດທະນາລວມຂອງພາກພື້ນ ແລະ ໂລກ.