ທ່ານປະທານປະເທດຫວຽດນາມເຈີນດ້າຍກວາງກັບປະທານາທິບໍດີ
Madagascar |
(vovworld)- ຕອນບ່າຍວັນທີ 26/11, ຕາມເວລາທ້ອງຖິ່ນ, ຢູ່ນອກກອງປະຊຸມສຸດຍອດບັນດາປະເທດໃຊ້ພາສາຝະລັ່ງຄັ້ງທີ 16 ທີ່ຈັດຂຶ້ນຢູ່ Madagascar, ທ່ານປະທານປະເທດຫວຽດນາມເຈີນດ້າຍກວາງ ໄດ້ມີການພົບປະ 2 ຝ່າຍກັບປະມຸກລັດ, ການນຳ ແລະ ຫົວໜ້າຄະນະຜູ້ແທນບັນດາປະເທດສະມາຊິກຂອງອົງການພາສາຝະລັ່ງສາກົນຊຶ່ງລວມມີ : ຝະລັ່ງ, ສະວິດ, ເຊເນການ, ກາເມຣຸນ, ແຊກເບຍ…
ທີ່ການພົບປະກັບທ່ານປະທານາທິບໍດີ ຝະລັ່ງ Francois Hollande, ທ່ານປະທານປະເທດຫວຽດນາມເຈີນດ້າຍກວາງໃຫ້ຮູ້ວ່າ ການຢ້ຽມຢາມຫວຽດນາມຂອງ ປະທານາທິບໍດີ ຝະລັ່ງ Francois Hollande ໃນເວລາທີ່ຜ່ານມາ, ໄດ້ບັນລຸບັນດາໝາກຜົນທີ່ໜ້າຊືນຊົມ, ອັນໄດ້ສ້າງກຳລັງຊຸກຍູ້ໃໝ່ໃຫ້ແກ່ການພົວພັນຄູ່ຮ່ວມມືຍຸດທະສາດຫວຽດນາມ-ຝະລັ່ງ.
ທີ່ການພົບປະກັບທ່ານປະທານາທິບໍດີເຊເນການ Macky Sall , ຜູ້ນຳ 2 ປະເທດໄດ້ຖືວ່າ ຫວຽດນາມ ແລະ ເຊເນການມີທ່າແຮງບົ່ມຊ້ອນຮ່ວມມືໃນຫຼາຍຂົງເຂດຄື ການຄ້າ, ກະສີກຳ, ສິນໃນນ້ຳ. ສ່ວນປະທານາທິບໍດີເຊເນການ Macky Sall ໃຫ້ຮູ່ວ່າ ເຊເນການຢາກຊອກຮູ້ບົດຮຽນໃນການປູກເຂົ້າ ແລະ ຜະລິດກະສີກຳຂອງຫວຽດນາມເພື່ອຄ້ຳປະກັນສະບຽງອາຫານໃນປະເທດອາຟະລິການີ້.
ທີ່ການພົບປະກັບທ່ານປະທານາທິບໍດີສະວິດ Ammann , ທ່ານປະທານາທິບໍດີສະວິດ Ammann ໄດ້ຕີລາຄາວ່າ ວິວັດການເຈລະຈາສັນຍາການຄ້າເສລີ EU-ຫວຽດນາມ ພວມມີຄວາມຄືບໜ້າດີ ແລະ ສະແດງຄວາມຫວັງຢາກມາຫວຽດນາມໃນໂອກາດ 2 ປະເທດລົງນາມໃນສັນຍາສະບັບນີ້.
ທີ່ການພົບປະກັບທ່ານປະທານປະເທດຫວຽດນາມເຈີນດ້າຍກວາງ, ຮອງນາຍົກລັດຖະມົນຕີຜູ້ທີໜຶ່ງ, ລັດຖະມົນຕີການຕ່າງປະເທດ ແຊກເບຍ Ivica Dacic ໄດ້ເຊີນທ່ານປະທານປະເທດຫວຽດນາມເຈີນດ້າຍກວາງໄປຢ້ຽມຢາມແຊກເບຍ ແລະ ຢືນຢັນວ່າ ພ້ອມແລ້ວໃຫ້ການຮ່ວມມືກັບຫວຽດນາມໃນບັນດາເວທີປາໄສສາກົນ.