(vovworld) - ວັນທີ 25/9, ພະບາດສົມເດັດພະບໍຣົມມະນຽດ Norodom Sihamoni ພະມະຫາກະສັດກຳປູເຈຍ ສືບຕໍ່ການຢ້ຽມຢາມທາງລັດຖະກິດເຖິງ ສ.ສ ຫວຽດນາມ ຢ່າງເປັນທາງການ ຕາມຄຳເຊີນຂອງທ່ານປະທານປະເທດຫວຽດນາມ Truong Tan Sang ແຕ່ວັນທີ 24 – 26/9. ກ່ອນໜ້ານັ້ນ, ວັນທີ 24/9, ຢູ່ຮ່າໂນ້ຍ, ເມື່ອໃຫ້ການຕ້ອນຮັບພະບາດສົມເດັດພະບໍຣົມມະນຽດ Norodom Sihamoni ພະມະຫາກະສັດກຳປູເຈຍ, ທ່ານປະທານປະເທດ Truong Tan Sang ຢືນຢັນນະໂຍບາຍສະເໝີຕົ້ນສະເໝີປາຍຂອງພັກ, ລັດຫວຽດນາມ ແມ່ນຍາມໃດກໍຖືເປັນສຳຄັນ ແລະ ເພີ່ມທະວີສາຍພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ ແລະ ຍາວນານກັບກຳປູເຈຍ ຢ່າງບໍ່ຢຸດຢັ້ງ. ເມື່ອພົບປະເຈລະຈາກັບພະບາດສົມເດັດພະບໍຣົມມະນຽດ, ທ່ານນາຍົກລັດຖະມົນຕີ Nguyen Tan Dung ກໍຫວັງວ່າ ຈະໄດ້ຮັບການສະໜັບສະໜູນຈາກພະບາດສົມເດັດພະບໍຣົມມະນຽດ Norodom Sihamoni ພະມະຫາກະສັດກຳປູເຈຍ ສຳລັບບັນດາການເຄື່ອນໄຫວຮ່ວມມືລະຫວ່າງສອງປະເທດໃນຫຼາຍຂົງເຂດ ໂດຍສະເພາະແມ່ນສະໜັບສະໜູນວິວັດທະນາການປັກຫຼັກໝາຍຖີ່ທາງບົກ ຫວຽດນາມ - ກຳປູເຈຍ ເພື່ອໃຫ້ສອງປະເທດສຳເລັດວຽກງານນີ້ໂດຍໄວ ຕາມແຜນການທີ່ໄດ້ວາງອອກ, ເພື່ອສ້າງເສັ້ນຊາຍແດນຫວຽດນາມ - ກຳປູ້ເຈຍ ໃຫ້ກາຍເປັນເສັ້ນຊາຍແດນແຫ່ງສັນຕິພາບ, ຮ່ວມມື, ມິດຕະພາບ ແລະ ພັດທະນາ. ສ່ວນທ່ານ ປະທານສະພາແຫ່ງຊາດ Nguyen Sinh Hung ກໍຢືນຢັນຜົນສຳລັດຂອງການຢ້ຽມຢາມຫວຽດນາມ ຄັ້ງນີ້ຂອງພະບາດສົມເດັດພະບໍຣົມມະນຽດ Norodom Sihamoni ພະມະຫາກະສັດກຳປູເຈຍ ຈະແມ່ນຂີດໝາຍໃໝ່ໃນການພົວພັນຂອງສອງປະເທດ, ເຮັດໃຫ້ສາຍພົວພັນມິດຕະພາບ, ການຮ່ວມມືອັນດີງາມເລິກເຊິ່ງຂຶ້ນຕື່ມ ເພື່ອຜົນປະໂຫຍດຂອງປະຊາຊົນສອງປະເທດ.