ການເຄື່ອນໄຫວດ້ານ ວັດທະນະທຳ, ກິລາຕ່າງໆ ຕ້ອນຮັບລະດູບານໃໝ່ ຢູ່ທ້ອງຖິ່ນຕ່າງໆ
(ງານບຸນ ຫຼ່າມໄຈ)
(vovworld) - ໃນລະຫວ່າງວັນທີ 13 – 15/02, ຢູ່ເທດສະບານ ເຕີ່ມວູ, ເມືອງເຈົາແທ່ງ, ແຂວງ ລອງອານ ໄດ້ຈັດງານບຸນ ຫຼ່າມໄຈ (ເຊິ່ງແມ່ນງານບຸນບູຊາບັນດານັກຮົບຮັກຊາດ), ອັນໄດ້ດຶງດູດການເຂົ້າຮ່ວມຂອງກວ່າ 10.000 ເທື່ອຄົນ. ງານບຸນ ຫຼ່າມໄຈ ແມ່ນເລີ່ມມາຈາກເຫດການທີ່ພວກຫົວເມືອງຂຶ້ນຝລັ່ງ ປະຫານຊີວິດນັກຮົບຮັກຊາດ 2 ຄົນໃນທ້າຍທົດສະວັດທີ 19, ແຕ່ຫ້າມບໍ່ໃຫ້ຊາວບ້ານຈັດພິທີງານສົບ, ສະແດງຄວາມເສົ້າສະຫຼົດໃຈ. ປະຊາຊົນໃນເຂດອ້າງເຫດໂລກລະບາດສົ່ງຜົນສະທ້ອນເຖິງການປູກຝັງ ເພື່ອຈັດພິທີບູຊາບັນດານັກຮົບຮັກຊາດ. ມາຮອດປະຈຸບັນ, ພິທີ ຫຼ່າມໄຈ ໄດ້ກາຍເປັນພິທີບູຊານັກຮົບຜູ້ຮັກຊາດ, ທັງແມ່ນງານບຸນຕົ້ນປີໃໝ່ຂອງປະຊາຊົນໃນເຂດ. ນີ້ແມ່ນໜຶ່ງໃນບັນດາງານບູນທີ່ເປັນມູນເຊື້ອ, ພິເສດໃນວັດທະນະທຳເຫຼື້ອມໃສຂອງປະຊາຊົນລອງອານ ໃນຕົ້ນລະດູບານໃໝ່ ແຕ່ລະປີ.
ພາຍຫຼັງການແຂ່ງຂັນທີ່ຟົດຟື້ນເປັນເວລາ 3 ວັນ, ຕອນບ່າຍວັນທີ 16/02, ການແຂ່ງຂັນໝາກຮຸກ ເປີດກວ້າງຢູ່ບິ່ງເຢືອງ ໄດ້ສິ້ນສຸດລົງ, ແຂວງ ບິ່ງເຢືອງ ຍາດໄດ້ລາງວັນ ຊະນະເລີດ ດ້ວຍ 16 ຫຼຽນຄຳ.
ໃນລະຫວ່າງວັນທີ 15 – 16/02, ຢູ່ວັດ ກົນເຊີນ, ຄະນະຈັດຕັ້ງງານບູນຕົ້ນລະດູບານໃໝ່ ກົນຊີນ - ກ໋ຽບບາກ ໄດ້ຈັດງານແຂ່ງຂັນມວຍປ້ຳແຂວງຫາຍເຢືອງ ເປີດກວ້າງປີ 2014. ນີ້ແມ່ນບັນດາການເຄື່ອນໄຫວທີ່ເປັນມູນເຊື້ອ ແລະ ສຳຄັນຂອງງານບູນລະດູບານໃໝ່ ກົນເຊີນ - ກ໋ຽບບາກ.