(ພາບປະກອບ)
(vovworld) – ຕອນບ່າຍວັນທີ 22/9, ໃນວາລະປະຊຸມເທື່ອທີ 41 ຢູ່ ຮ່າໂນ້ຍ, ຄະນະປະຈຳສະພາແຫ່ງຊາດ ຫວຽດນາມ ໃຫ້ຄວາມເຫັນກ່ຽວກັບການປະຕິບັດມະຕິຕ່າງໆຂອງສະພາແຫ່ງຊາດ, ຄະນະປະຈຳສະພາແຫ່ງຊາດກ່ຽວກັບການເຄື່ອນໄຫວຕິດຕາມກວດກາຫົວເລື່ອງສະເພາະ, ການເຄື່ອນໄຫວຊັກຖາມແຕ່ຕົ້ນອາຍຸການຊຸດທີ່ 13 ເຖິງປີ 2015. ບົດລາຍງານຂອງລັດຖະບານໃຫ້ເຫັນວ່າ: ແຕ່ຕົ້ນອາຍຸການເຖິງທ້າຍເດືອນ 8 /2015, ຜ່ານກອງປະຊຸມສະໄໝສະມັນ 9 ຄັ້ງ ແລະ ວາລະປະຊຸມຂອງຄະນະປະຈຳສະພາແຫ່ງຊາດ 40 ຄັ້ງ, ລັດຖະບານໄດ້ຜັນຂະຫຍາຍການປະຕິບັດເນື້ອໃນທັງໝົດຂອງ 7 ມະຕິສະພາແຫ່ງຊາດ, 8 ມະຕິຂອງຄະນະປະຈຳສະພາແຫ່ງຊາດກ່ຽວກັບການຕິດຕາມກວດກາຫົວເລື່ອງສະເພາະ; 7 ມະຕິຂອງສະພາແຫ່ງຊາດ ແລະ 6 ແຈ້ງຂ່າວສະຫລຸບຂອງຄະນະປະຈຳສະພາແຫ່ງຊາດກ່ຽວກັບການຊັກຖາມ ແລະ ຕອບຄຳຊັກຖານ. ຜ່ານການຈັດຕັ້ງຕີລາຄາ, ສະຫລຸບການປະຕິບັດບັນດາມະຕິ, ສະຫຼຸບກ່ຽວກັບການຕິດຕາມກວດກາ, ຊັກຖານ, ບັນດາສະມາຊິກລັດຖະບານໄດ້ເປັນເຈົ້າການ, ກະຕຸກຊຸກຍູ້ເປັນປະຈຳ, ແກ້ໄຂບັນຫາຕ່າງໆ ເຊິ່ງສະພາແຫ່ງຊາດຕິດຕາມກວດກາ, ຊັກຖາມ. ລັດຖະບານໄດ້ ເປັນເຈົ້າການຜັນຂະຫາຍຫຼາຍມາດຕະການຕັ້ງໜ້າ, ຮີບດ່ວນ, ເພື່ອຊີ້ນຳການປະຕິບັດບັນດາຄວາມຮຽກຮ້ອງທີ່ໄດ້ຍົກອອກມາໃນມະຕິຕ່າງໆຂອງສະພາແຫ່ງຊາດ; ບັນດາກະຊວງ, ຂະແໜງການກໍເປັນເຈົ້າການ ແລະ ຍົກສູງຄວາມຮັບຜິດຊອບໃນການປະຕິບັດບັນດາມະຕິ, ສ້າງການຫັນປ່ຽນຢ່າງຈະແຈ້ງໃນບາງຂົງເຂດ, ໄດ້ຮັບຄວາມ ຮັບຮູ້, ຕີລາຄາສູງຈາກສະມາຊິກສະພາແຫ່ງຊາດ, ຜູ້ມີສິດເລືອກຕັ້ງ ແລະ ຫາງສຽງສັງຄົມ.
ບົນພືນຖານຄຳເຫັນຂອງຄະນະປະຈຳສະພາແຫ່ງຊາດ, ບັນດາອົງການກ່ຽວຂ້ອງຈະປັບປຸງບົດລາຍງານ ເພື່ອຍື່ນສະເໜີຕໍ່ສະພາແຫ່ງຊາດທີ່ກອງປະຊຸມສະໄໝສະມັນເທື່ອທີ 10 ຈະມາເຖິງ.