ການເຄື່ອນໄຫວຕອບບຸນແທນຄຸນຢູ່ທ້ອງຖິ່ນຕ່າງໆ
(ທ່ານ ຫງວຽນທ້ຽນເຍີນ ໄດ້ລົງຢ້ຽມຢາມ,
ມອບຂອງຂວັນໃຫ້ຄອບຄົວນະໂຍບາຍ)
(vovworld) - ເນື່ອງໃນໂອກາດສະເຫຼີມສະຫຼອງ 68 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ (27/07/1947 – 27/07/2015), ຕອນບ່າຍວັນທີ 21/07, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ, ໄດ້ໄປຖະຫວາຍທູບທຽນປະທານໂຮ່ຈິມິນ ຢູ່ເຂດປູຊະນີຍະສະຖານ ກິມລຽນ, ນາມດານ, ແຂວງ ເງ້ະອານ; ຖະຫວາຍທູບທຽນວິລະຊົນຊາວໜຸ່ມຕະລຸມບອນ 13 ຄົນທີ່ໄດ້ເສຍສະຫຼະຊີວິດເພື່ອຊາດຢູ່ເຂດປູຊະນີຍະສະຖານແຫ່ງຊາດ ຈວງບົ່ນ. ແລະ ກໍໃນວັນດຽວກັນ, ທ່ານ ຫງວຽນທ້ຽນເຍີນ ໄດ້ລົງຢ້ຽມຢາມ, ມອບຂອງຂວັນໃຫ້ບັນດາຄອບຄົວແມ່ຫວຽດນາມ ວິລະຊົນ ຢູ່ຕາແສງ ເທື້ອງເຊີນ, ເມືອງ ໂດເລືອງ, ແຂວງ ເງ້ະອານ.
ເນື່ອງໃນໂອກາດນີ້, ບັນດາເມືອງໃນບໍລິເວັນນະຄອນຮ່າໂນ້ຍ ໄດ້ຂົນຂວາຍການສະໜັບສະໜູນໃຫ້ກອງທຶນ “ຕອບບຸນແທນຄຸນ” ໄດ້ 10 ຕື້ດົງ, ໜູນຊ່ວຍຄ່າບຸລະນະສ້ອມແປງ ແລະ ກໍ່ສ້າງເຮືອນຫຼັງໃໝ່ໃນຄອບຄົວນະໂຍບາຍນັບຮ້ອຍຫຼັງ… ແຂວງບາກລຽວ ໄດ້ສົ່ງຈຳນວນເງິນ 10 ຕື້ດົ່ງໃຫ້ບັນດາເມືອງ, ນະຄອນໃນແຂວງ ເພື່ອມອບໃຫ້ 18.000 ເປົ້າໝາຍເຊິ່ງແມ່ນຄອບຄົວນະໂຍບາຍ ເນື່ອງໃນໂອກາດນີ້.