ເກາະອານບາງຂຶ້ນກັບໝູ່ເກາະເຈືອງຊາ
ພາບ:internet
|
(vovworld) - ໂດຍຕອບສະຫນອງສັບປະດາທະເລໝູ່ເກາະຫວຽດນາມ ປີ 2013, ວັນທີ 2/6, ແຂວງ ຮ່າຕີ້ງ ໄດ້ໄຂງານວາງສະແດງແຜນທີ່ ແລະ ເອກະສານ“ຮ່ວາງຊາ, ເຈື່ອງຊາຂອງຫວຽດນາມ- ພະຍານຫລັກຖານປະຫວັດສາດ” ຢູ່ສູນວັດທະນະທຳ ແລະ ຮູບເງົາແຂວງຮ່າຕີ້ງ. ງານວາງສະແດງໄດ້ແນະນຳແຜນທີ່, ເອກະສານ, ວັດຖຸພັນ ແລະ ສິ່ງພິມເກືອບ 200 ຢ່າງຂອງບັນດານັກຄົ້ນຄ້ວາ, ນັກຮຽນຮູ້ຢູ່ພາຍໃນ ແລະ ສາກົນ. ນີ້ແມ່ນພະຍານຫລັກຖານປະຫວັດສາດ ແລະ ນິຕິກຳຊຶ່ງພິສູດໃຫ້ເຫັນອະທິປະໄຕຂອງຫວຽດນາມທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊາ. ນອກນັ້ນ ທີ່ງານວາງສະແດງຍັງແນະນຳບັນດາແຜນທີ່ເກົ່າຂອງຈີນ, ປະເທດຕາເວັນຕົກຈຳນວນຫນຶ່ງແຕ່ສັດຕະວັດທີ 16, ປື້ມ Atlas ຂອງອັງກິດ, ເຢຍລະມັນ, ອາເມລິກາລະຫວ່າງປີ 1626 -1980 ສະແດງໃຫ້ເຫັນ ຮ່ວາງຊາ ແລະ ເຈື່ອງຊາ ນອນໃນເຂດທະເລຫວຽດນາມ.
ເນື່ອງໃນໂອກາດນີ້ ກອງບັນຊາການທະຫານປ້ອງກັນຊາຍແດນແຂວງ ແທນຮວາ ໄດ້ຈັດຕັ້ງການຝືກອົບຮົມຄວາມຮູ້ກ່ຽວກັບທະເລ, ໝູ່ເກາະ ແລະ ວຽກງານປ້ອງກັນຄວາມສະຫງົບປອດໄພໃຫ້ແກ່ຊາວປະມົງເກືອບ 100 ຄົນຢູ່ເກາະ ຫງີເຊີນ ແຂວງ ແທນຮວາເມື່ອໄປຫາປາຢູ່ທະເລ.