(ພາບ:hanoimoi.com.vn)
(vovworld) - ໃນໂອກາດຕ້ອນຮັບບຸນປີໃໝ່ປະຈຳຊາດ, ປີມະເສງ 2013, ໄດ້ຈັດໃຫ້ມີບັນດາການເຄື່ອນໄຫວທັງຢູ່ພາຍໃນ ແລະ ຕ່າງປະເທດ. ຕອນຄ່ຳວັນທີ 8/2, ທ່ານນາງຮອງປະທານປະເທດຫວຽດນາມ ຫງວຽນທິຢວານ ໄດ້ໄປຢ້ຽມຢາມ ແລະ ອວຍພອນພະນັກງານ, ກຳມະກອນບໍລິສັດສິ່ງແວດລ້ອມຕົວເມືອງຮ່າໂນ້ຍຈຳກັດຜູ້ດຽວໃນໂອກາດບຸນເຕັດ.
ວັນທີ 8/2, ເປັນຄັ້ງທຳອິດທີສຳນັກງງານການເມືອງນະຄອນປາຮີ ແລະ ສະຖານທູດຫວຽດນາມ ປະຈຳຝະລັ່ງ ຈັດການຕ້ອນຮັບບຸນປີໃໝ່ປະຈຳຊາດຫວຽດນາມ. ນີ້ແມ່ນໜຶ່ງໃນບັນດາການເຄື່ອນໄຫວເປີດສາກໃຫ້ແກ່ປີພົວພັນແລກປ່ຽນຫວຽດນາມ-ຝະລັ່ງ 2013. ນະທີ່ນີ້, ທ່ານເຢືອງຈິຢູງ, ເອກອັກຄະລັດຖະທູດຫວຽດນາມ ປະຈຳຝະລັ່ງ ເນັ້ນຫນັກວ່າ:
“ນີ້ກໍ່ແມ່ນການເຊີດຊູການປະກອບສ່ວນຂອງປະຊາຄົມຊາວຫວຽດນາມ ອາໄສຢູ່ຝະລັ່ງ ຕໍ່ປະເທດຝະລັ່ງ. ຂ້າພະເຈົ້າມີຄວາມເອກອ້າງທະນົງໃຈ ແລະ ຕື້ນຕັນໃຈທີ່ສຸດຍ້ອນວ່າພິທີນີ້ມີການເຂົ້າຮ່ວມຂອງທ່ານເຈົ້າຄອງປາຣີ, ເຈົ້າຄອງເມືອງ 4, ບັນດາທ່ານສະມາຊິກສະພາແຫ່ງຊາດຝະລັ່ງ“.
ທ່ານ Betrannd Delanoe ເຈົ້າຄອງນະຄອນປາຣີ ຢືນຢັນວ່າ: ປາຣີ ມີຄວາມເອກອ້າງທະນົງໃຈຍ້ອນມີປະຊາຄົມຊາວຫວຽດນາມ ອາໄສຢູ່ຝະລັງເປັນຈຳນວນຫຼາຍດ້ວຍບັນດາສີສັນວັດທະນະທຳສະເພາະຂອງຊາວຫວຽດນາມ ແລະ ມີບັນດາການເຄືອ່ນໄຫວດ້ານວັດທະນະທຳເພື່ອຊ່ວຍໃຫ້ຊາວຝະລັ່ງເຂົ້າໃຈກ່ຽວກັບວັດທະນະທຳຫວຽດນາມ ຫລາຍກ່ວາ:
“ຂ້າພະເຈົ້າຫວັງວ່າຊາວຫວຽດນາມ ອາໄສຢູ່ປາຣີ ຈະມີຄວາມຮູ້ສຶກເໝືອນກັບຢູ່ນະຄອນຂອງຕົນເອງ. ບັນດາຄຸນຄ່າຂອງຊາວຫວຽດນາມ ອາໄສຢູ່ປາຣີ ກໍ່ປະກອບສ່ວນເຮັດໃຫ້ນະຄອນຮັ່ງມີຂຶ້ນຕື່ມ. ຂໍພວຍພອນໃຫ້ພວກເພື່ອນໃນໂອກາດປີໃໝ່ນີ້ມີແຕ່ຄວາມໂຊກດີ“
ໃນວັນດຽວກັນ, ສະຖານທູດຫວຽດນາມ ປະຈຳສະຫະພັນລັດເຊຍ ໄດ້ຈັດການພົບປະສ້າງສັນຕ້ອນຮັບລະດູບານໃໝ່, ປີມະເສງ 2013. ກ່າວຄຳເຫັນນະທີ່ນີ້, ທ່ານຟ້າມຊວນເຊີນ, ເອກອັກຄະລັດຖະທູດຫວຽດນາມ ປະຈຳສະຫະພັນລັດເຊຍ ຫວັງວ່າ: ປີ 2013, ປະຊາຊົນ, ພະນັກງານ, ພາລະກອນພວມເຮັດວຽກ, ອາໄສຫ່າງໄກຈາກປະເທດຊາດ ຈະມີກຳລັງໜູນຕື່ມອີກເພື່ອຜ່ານຜ່າທຸກໆຄວາມຫຍຸ້ງຍາກ, ການທົດສອບ, ບື່ນຕົວຂຶ້ນໃນຊີວິດການເປັນຢູ່ ແລະ ວຽກງານ.
(ພາບ:internet)
ໃນຕອນຄ່ຳຂອງວັນທີ 9/2, ການເຄື່ອນໄຫວຕ່າງໆຕ້ອນຮັບປີໃໝ່ໄດ້ຈັດຂຶ້ນຢູ່ທ້ອງຖິ່ນຕ່າງໆຂອງຫວຽດນາມ. ຢູ່ຮ່າໂຮ້ຍ, ໄດ້ຈັດບັນດາລາຍການສະແດງສິລະປະວັດທະນະທຳຢູ່ບັນດາສະຖານທີ່ລະຫຼິ້ນສາທາລະນະ, ສູນວັດທະນະທຳຢູ່ 29 ເມືອງ, ຕາແສງ, ເທດສະບານເມືອງ. ໃນຈຸດເວລາສົ່ງທ້າຍປີເກົ່າ ຕ້ອນຮັບປີໃໝ່, ຮ່າໂນ້ຍ ຈັດການຍິງບັ້ງໄຟດອກຢູ່ສະຖານທີ່ 29 ແຫ່ງໃນໄລຍະເວລາ 15 ນາທິ.
ໃນຕອນຄ່ຳຂອງວັນທີ 9/2 ດຽວກັນນີ້, ງານລາຕີສົ່ງທ້າຍປີເກົ່າ ຕ້ອນຮັບປີໃໝ່ໄດ້ຖືກຈັດຂຶ້ນຢູ່ສະໜາມຫຼວງໂຮ່ຈິມິນ-ນະຄອນວິງ. ທ່ານຟ້າມຕຽນຢູງ, ຫົວໜ້າພະແນກວັດທະນະທຳ-ກິລາ ແລະ ການທ່ອງທ່ຽວແຂວງເງະອານ ໃຫ້ຮູ້ວ່າ:
“ທີ່ບັນດາສະຖານທີ່ລະຫຼິ້ນ, ບັນເທິງຢູ່ນະຄອນວິງ ໄດ້ຈັດບັນດາການເຄື່ອນໄຫວຄື: ງານວາງສະແດງ, ຊ່ວງເຮືອ…. ບັນດາການເຄື່ອນໄຫວຕ້ອນຮັບປີໃໝ່ໄດ້ຮັບການຜັນຂະຫຍາຍຢ່າງທັນການ“