(vovworld)- ທີ່ກອງປະຊຸມຜັນຂະຫຍາຍໜ້າທີ່ວຽກງານໃນ 6 ເດືອນທ້າຍປີ, ຈັດຂຶ້ນໃນວັນທີ 16/6, ຄະນະກຳມະການແນວໂຮມປະເທດຊາດແຂວງກວາງນາມ ໄດ້ມອບຈຳນວນເງິນກ່ວາ 5 ຕື້ດົ່ງສະໜັບສະໜູນກຳລັງຕຳຫຼວດທະເລເຂດ 2 ແລະ ບັນດາສະມາພັນອາຊີບຫາປາໃນບໍລິເວນແຂວງ. ນີ້ແມ່ນຈຳນວນເງິນສະໜັບ ສະໜູນຂອງປະຊາຊົນທຸກຊັ້ນຄົນໃນແຂວງ.
ບັນດາຫົວໜ່ວຍ, ວິສາຫະກິດໃນແຂວງບິ່ງເຢືອງ ໄດ້ສະໜັບສະໜູນຈຳນວນເງິນກ່ວາ 2 ຕື້ດົ່ງໃຫ້ແກ່ກຳລັງຕຳຫຼວດທະເລ, ອົງການກວດກາການປະມົງ ແລະ ຊາວປະມົງ.
ກ່ອນໜ້ານັ້ນ,ຕອນຄຳ່ວັນທີ 15/6 ຢູ່ ຮ່າໂນ້ຍ, ສະມາຄົມນັກດົນຕີຫວຽດນາມ ໄດ້ຈັດຕັ້ງລາຍການສະແດງສິລະປະ ດ້ວຍສານທີ່ວ່າ: ພວກເຮົາມີຄວາມເອກອ້າງທະນົງໃຈຊື່ງແມ່ນຊາວຫວຽດນາມ, ພົນລະເມືອງທຸກຄົນລ້ວນແຕ່ມີຄວາມຮັບຜິດຊອບເມື່ອປະເທດຊາດຕ້ອງການ”. ລາຍການໄດ້ດຶງດູດການເຂົ້າຮ່ວມນັກສິລະປິນ 40 ຄົນ ເພື່ອແນໃສ່ສະແດງນ້ຳໃຈຮັກຊາດ, ມູ່ງໄປສູ່ເຂດທະເລໝູ່ເກາະທີ່ສັກກະລະບູຊາຂອງປະເທດຊາດ. ນັກດົນຕີ ໂດ໋ຮົ່ງກວນ, ປະທານສະມາຄົມນັກດົນຕີ ຫວຽດນາມ ໃຫ້ຮູ້ວ່າ:
“ສະມາຄົມນັກດົນຕີຫວຽດນາມ ຮຽກຮ້ອງບັນດານັກດົນຕີ,ນັກຮ້ອງ ພ້ອມກັນສະແດງອາລົມຈິດຂອງຕົນ, ຄວາມຮັບຜິດຊອບຂອງນັກສິລະປິນ, ຂອງພົນລະເມືອງ ແລະ ຍີ່ງກວ່ານັ້ນແມ່ນສະແດງທ່າທີ່ເດັດດ່ຽວຕໍ່ຫນ້າເລື່ອງຈີນຕັ້ງ ຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ.”