(vovworld) – ຕອນເຊົ້າວັນທີ 7/4, ໂຮງຮຽນພະນັກງານກອງເຍົາວະຊົນ Le Duan ຈັດຕັ້ງພິທີໂຮມຊຸມນຸມມິດຕິງລະນຶກ 105 ປີແຫ່ງວັນຄ້າຍວັນເກີດຂອງອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Le Duan (7/4/1904 – 7/4/2012). ໂຮງຮຽນພະນັກງານກອງເຍົາວະຊົນ Le Duan ໄດ້ຮັບການສ້າງຕັ້ງຂຶ້ນເມືອປີ 1983, ແມ່ນຂອງຂັວນຂອງທ່ານອະດີດເລຂາທິການໃຫຍ່ Le Duan ມອບໃຫ້ຊາວໜຸ່ມ, ເຍົາວະຊົນນະຄອນຫຼວງ ເນື່ອງໃນໂອກາດທ່ານໄດ້ຮັບລາງວັນ “ເພື່ອການປັບປຸງສັນຕິພາບລະຫວ່າງບັນດາປະເທດ” ຂອງຄະນະກຳມະການມອບລາງວັນສາກົນ Lenin.
ແລະກໍໃນວັນທີ 7/4, ຢູ່ແຂວງກວາງຈີ້, ເຊິ່ງແມ່ນບ້ານເກີດເມືອງນອນຂອງອະດີດເລຂາທິການໃຫຍ່ Le Duan, ການນຳແຂວງພ້ອມກັບຜູ້ຕາງໜ້າປະຊາຊົນໄດ້ໄປຖະຫວາຍທູບທຽນ, ພວງມາລາອາໄລຫາເຖິງອະດີດເລຂາທິການໃຫຍ່ Le Duan ຢູ່ເຂດອະນຸສອນສະຖານອະດີດເລຂາທິການໃຫຍ່ Le Duan ຢູ່ເມືອງ ຈ້ຽວຟອງ, ພ້ອມກັນນັ້ນກໍເປີດສະຫຼອງໄລຍະໜຶ່ງ ຫໍສະໝຸດອະດີດເລຂາທິການໃຫຍ່ Le Duan.
ກ່ອນໜ້ານັ້ນ, ຕອນບ່າຍວັນທີ 6/4, ທ່ານ Nguyen Phu Trong, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ໄປຖະຫວາຍທູບທຽນອາໄລຫາທ່ານອະດີດເລຂາທິການໃຫຍ່ Le Duan ຢູ່ເຮືອນສ່ວນຕົວ. ທ່ານເລຂາທິການໃຫຍ່ Nguyen Phu Trong ສະແດງຄວາມຫວັງວ່າພ້ອມກັບທ່ົວພັກ, ທົ່ວກອງທັບ ແລະ ທົ່ວປວງຊົນ ມານະພະຍາຍາມສູ້ຊົນປະຕິບັດບັນດາຈຸດໝາຍໜ້າທີ່ເຊິ່ງກອງປະຊຸມໃຫຍ່ຄັ້ງທີ 11 ຂອງພັກວາງອອກຢ່າງມີໄຊ, ສ້າງສາປະເທດຫວຽດນາມ ຮັ່ງມີເຂັມແຂງ, ປະຊາທິປະໄຕ, ຍຸຕິທຳ, ສີວິໄລ.
ແລະກໍໃນວັນທີ 6/4, ຢູ່ຮ່າໂນ້ຍ, ໄດ້ດຳເນີນການໂອ້ລົມສົນທະນາ ເປັນ 2 ຄັ້ງທີ່ພາດຫົວເລື່ອງວ່າ “Le Duan ກັບວັດທະນະທຳ ແລະ ຊາວຫວຽດນາມ” ແລະ “Le Duan ກັບການປະຕິວັດເຂດພາກໃຕ້”