ການນຳພັກ, ລັດ, ລັດຖະບານ ຫວຽດນາມ ເຂົ້າຮ່ວມງານໂຮມຊຸມນຸມມິຕິງ ຢູ່ ຮ່າໂນ້ຍ
(vovworld) - ເນື່ອງໃນໂອກາດນີ້, ຢູ່ ຫວຽດນາມ ໄດ້ດຳເນີນການເຄື່ອນໄຫວສະເຫຼີມສະຫຼອງຕ່າງໆ, ໃນນັ້ນມີງາມໂຮມຊຸມນຸມມິດຕິງລະດັບຊາດ ເຊິ່ງຈັດຕັ້ງຢູ່ ຮ່າໂນ້ຍ, ດ້ວຍການເຂົ້າຮ່ວມຂອງການນຳພັກ, ລັດ, ບັນດາຕົວພະຍານຫຼັກຖານປະຫວັດສາດ,ບັນດາຜູ້ແທນສາກົນສະໜັບສະໜູນ ຫວຽດນາມໃນການເຈລະຈາ ປາຣີ. ກ່າວຄຳເຫັນນະທີ່ນີ້, ທ່ານປະທານປະເທດ ເຈືອງເຕີນຊາງ ຊີ້ແຈ້ງວ່າ: ສັນຍາ ປາຣີ ແມ່ນແຫຼ່ງລະດົມກຳລັງໃຈ ອັນໃຫຍ່ຫຼວງທີ່ມີຕໍ່ປະຊາຊົນຮັກຫອມສັນຕິພາບ ແລະ ຄວາມຍຸຕິທຳໃນໂລກ, ແມ່ນຈຸດຍອດຍິ່ງຂອງແນວຮົບການທູດ ຫວຽດນາມ ໄລຍະ ຕ້ານ ອາເມລິກາ ກູ້ຊາດ, ແມ່ນຫຼັກໝາຍສະຫງ່າລາສີໃນປະຫວັດສາດຂອງພື້ນຖານການທູດ ປະຕິວັດ ຫວຽດນາມ. ໃນຂະນະນັ້ນ, ທ່ານນາງ ອະດີດຮອງປະທານປະເທດ ຫວຽດນາມ ຫງວຽນທິບິນ, ອະດີດຫົວໜ້າຄະນະເຈລະຈາຂອງລັດຖະບານປະຕິວັດຊົ່ວຄາວສາທາລະນະລັດພາກໃຕ້ ຫວຽດນາມ ທີ່ການເຈລະຈາ ປາຣີ ຢັ້ງຢືນວ່າ: ເລື່ອງເຊັນສັນຍາ ປາຣີ ແມ່ນໄຊຊະທີ່ຍິ່ງໃຫຍ່ຂອງປະຊາຊົນ ຫວຽດນາມ, ຢັ້ງຢືນແນວທາງຕໍ່ສູ້ທາງການທູດອັນຖືກຕ້ອງ.
ທ່ານນາງ ຫງວຽນທິບິນ ຕອບສຳພາດນັກຂ່າວສາກົນ ຢູ່ ປາຣີ ປີ 1973
(ພາບ: UPI)
ແລະກໍ່ນອນໃນຂອບເຂດການເຄື່ອນໄຫວສະເຫຼີມສະຫຼອງ 40 ປີແຫ່ງວັນເຊັນສັນຍາ ປາຣີ, ຕອນເຊົ້າວັນທີ 27/1, ຢູ່ຫໍພິພິຕະພັນຮ່ອງຮອຍສົງຄາມນະຄອນ ໂຮ່ຈີມິນ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງກອງປະຊຸມສຳມະນາໂຕະມົນ “ພົບປະບັນດາຕົວພະຍານຫຼັກຖານ”. ທ່ານ ຮ່າວັນເລົາ, ອະດິດທີ່ປຶກສາ, ຮອງຫົວໜ້າຄະນະເຈລະຈາ ສາທາລະນະລັດປະຊາທິປະໄຕຫວຽດນາມ ຢູ່ ປາຣີ ກ່ຽວກັບ ຫວຽດນາມ ເວົ້າວ່າ:
“ໃນແນວທາງ, ທັງສູ້ຮັບ ທັງເຈລະຈາເຊິ່ງພວກເຮົາໄດ້ນຳໃຊ້ນັ້ນ, ມີ 3 ປັດໄຈສຳຄັນທີ່ພາໄປເຖິງໄຊຊະນະສຸດທ້າຍຂອງສັນຍາ ປາຣີ. ນັ້ນແມ່ນ ໄຊຊະນະ ຢູ່ສະໜາມຮົບ, ພວກເຮົາຕ້ອງເຂັ້ມແຂງ ຈຶ່ງສາມາດເຈລະຈາໄດ້ ແລະ ປັດໄຈສຳຄັນອີກອັນໜຶ່ງນັ້ນແມ່ນ ຄວາມເຫັນດີເຫັນພ້ອມ, ສະໜັບສະໜູນຂອງຫາງສຽງທັງຢູ່ພາຍໃນ ແລະ ຕ່າງປະເທດ. ພວກເຮົາໄດ້ຮັບການສະໜັບສະໜູນຍ້ອນວ່າພວກເຮົາຕໍ່ສູ້ເພື່ອຄວາມເປັນທຳ”
ພ້ອມກັບປະຊາຊົນໃນທົ່ວປະເທດສະເຫຼີມສະຫຼອງ 40 ປີແຫ່ງວັນເຊັນສັນຍາ ປາຣີ, ວິທະຍຸກະຈາຍສຽງ ຫວຽດນາມ ໄດ້ໃຫ້ອອກອາກາດລາຍການກະຈາຍສຽງພິເສດດ້ວຍຫົວຂໍ້ວ່າ: “ຈຸດຍອດຍິ່ງໄຊຊະນະທາງການທູດ ຫວຽດນາມ”. ລາຍການແກ່ຍາວເປັນເວລາ 6 ຊົ່ວໂມງ, ຊ່ວຍໃຫ້ທ່ານຜູ້ຟັງເຂົ້າໃຈແຈ້ງ ກ່ຽວກັບຄວາມໝາຍຂອງເຫດການ 40 ປີແຫ່ງວັນເຊັນສັຍາ ປາຣີ, ຂີດໝາຍສຳຄັນໃນການເຄື່ອນໄຫວທາງການທູດ, ປະກອບສ່ວນເຂົ້າໃນໄຊຊະນະຂອງການຕໍ່ສູ້ຕ້ານ ອາເມລິກາ, ທ້ອນໂຮມປະເທດຊາດເປັນເອກະພາບຂອງປະຊາຊົນ ຫວຽດນາມ.