ຕົ້ນໄຮເຕິນຈ່າວ
(ພາບ: tamnhin.net)
(vovworld)- ຕອນບ່າຍວັນທີ 7/10, ຢູ່ບ້ານວັດທະນະທຳເມືອງເຕີນເລິບ, ຕາແສງເຕິນຈ່າວ, ເມືອງເຊີນເຢືອງ, ແຂວງຕວຽນກວາງ, ອົງຄະນະພັກ ແລະ ປຊຊ ຕາແສງເຕິນຈ່າວ, ເມືອງເຊີນເຢືອງ, ແຂວງຕວຽນກວາງ ໄດ້ຕັ້ງແທ່ນບູຊາທ່ານພົນເອກຫວໍ້ງວຽນຢາບ ເພື່ອໃຫ້ ປຊຊ ບັນດາເຜົ່າໃນບໍລິເວນຕາແສງ ແລະ ທ້ອງຖິ່ນອ້ອມແອ້ມມາໄຫ້ວອາໄລ ທ່ານພົນເອກຫວໍ້ງວຽນຢາບ.
ເຕິນຈ່າວ ແມ່ນບ່ອນທ່ານພົນເອກຫວໍ້ງວຽນຢາບ ເຄີຍຢູ່ອາໄສ ແລະ ເຮັດວຽກ, ພິເສດແມ່ນແຕ່ເດືອນ 5 ຫາເດືອນ 8/1945 ຊື່ງແມ່ນໄລຍະກະກຽມການລຸກຮຶ້ຂຶ້ນຂະໜາດໃຫ່ຍຍາດເອົາອຳນາດການປົກຄອງໃນທົ່ວປະເທດ. ຢູ່ໃຕ້ກົກໄຮເຕິນຈ່າວ, ວັນທີ 16/8/1945, ທ່ານພົນເອກຫວໍ້ງວຽນຢາບ ໄດ້ອ່ານຄຳສັ່ງ ເລກທີ 1 ຂອງກອງທັບ ແລະ ຫຼັງຈາກນັ້ນໄດ້ນຳໜ້າກອງທະຫານບຸກໂຈມຕີເຂົ້າ ຍາດເອົາອຳນາດການປົກຄອງຢູ່ ເທດສະບານເມືອງທາຍງວຽນ ແລ້ວບຸກເຂົ້າຮ່າໂນ້ຍ.
(ພາບ: voatiengviet.com)
ໃນວັນດຽວກັນ, ຢູ່ປາຣີ, ໄດ້ຈັດພິທີພິເສດອາໄລຫາທ່ານພົນເອກຫວໍ້ງວຽນຢາບ. ກ່າວຄຳເຫັນທີ່ພິທີ, ທ່ານເຢືອງຈິຢຸງ, ເອກອັກຄະລັດຖະທູດຫວຽດນາມ ປະຈຳຝະລັ່ງ ຢືນຢັນວ່າ: ທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳແມ່ນຄວາມເສຍຫາຍອັນໃຫ່ຍຫຼວງສຳລັບທົ່ວພັກ, ລັດ ແລະ ປຊຊ ຫວຽດນາມ. ສ່ວນທ່ານ Pierre ເຂຂາທີໜຶ່ງທົ່ວປະເທດ ພັກກອມມູນິດຝະລັ່ງ ເນັ້ນໜັກວ່າ: ທ່ານພົນເອກຫວໍ້ງວຽນຢາບ ແມ່ນຜູ້ນຳພາກອງທັບ ປຊຊ ຫວຽດນາມ ສ້າງເປັນປະຫວັດສາດ, ຢຸດຕິສົງຄາມ, ຍາກເອົາສັນຕິພາບມາໃຫ້ປະເທດຫວຽດນາມ:
“ບັນດາຄຸນຄ່າທີ່ທ່ານພົນເອກຫວໍ້ງວຽນຢາບ ໄດ້ສະຫງວນຕະຫຼອດຊີວິດເພື່ອຮັກສານັ້ນຈະສືບຕໍ່ໄດ້ຮັບການແຜ່ລາມອອກຢ່າງກ້ວາງຂວາງ. ພັກອມມູນິດຝະລັ່ງ ພ້ອມດ້ວຍ ປຊຊ ຜູ້ຮັກຫອມສັນຕິພາບຝະລັ່ງ ຈະພ້ອມກັນແບ່ງປັນຄວາມເສຍຫາຍອັນໃຫ່ຍຫຼວງນີ້ກັບ ປຊຊ ຫວຽດນາມ “.
ໃນຊຸມມື້ນີ້, ປະຊາຄົມຊາວຫວຽດນາມ ອາໄສຢູ່ຕ່າງປະເທດກໍ່ມຸ້ງໄປສູ່ບ້ານເກີດເມືອງນອນ, ອາໄລຫາທ່ານພົນເອກຫວໍ້ງວຽນຢາບ. ປ້າຫງວຽນທິເນືອງ, ຊາວຫວຽດນາມ ອາໄສຢູ່ນະຄອນຫຼວງວຽງຈັນ-ລາວ ແບ່ງປັນວ່າ:
“ພວກຂ້າພະເຈົ້າຜູ້ໄດ້ຮັບການກຳເນີດຢູ່ລາວມີຄວາມປາດຖະໜາຢາກກັບເມືອປະເທດເພື່ອໄຫ້ວອາໄລທ່ານພົນເອກແຕ່ບໍ່ສາມາດກັບເມືອໄດ້. ຂໍສະແດງຄວາມເສົ້າສະຫຼົດໃຈມາຍັງຄອບຄົວ, ມາຍັງບ້ານເກີດເມືອງນອນ. ພວກຂ້າພະເຈົ້າມີຄວາມເຄົາລົບນັບຖື ແລະ ສະແດງຄວາມຮູ້ບຸນຄຸນຕໍ່ທ່ານພົນເອກ. ຍາມໃດ, ປຊຊ ທຸກຄົນຢູ່ທີ່ນີ້ກໍ່ຄິດຮອດຄິດເຖິງບ້ານເກີດເມືອງນອນ ແລະ ປະເທດຊາດ“.
ຢູ່ກຳປູເຈຍ, ຕາມທ່ານເຈົາວັນຈີ, ປະທານສະມາຄົມຊາວກຳປູເຈຍ ເຊື້ອຊາດຫວຽດນາມ ແລ້ວ, ທາງສະມາຄົມຈະຈັດການເຄື່ອນໄຫວຕ່າງໆເພື່ອອາໄລຫາທ່ານພົນເອກຫວໍ້ງວຽນຢາບ ກໍ່ຄືຈະພົວພັນກັບສະຖານທູດຫວຽດນາມ ປະຈຳກຳປູເຈຍ ເພື່ອຈັດພິທີຊາປະນະກິດສົບທ່ານພົນເອກຫວໍ້ງວຽນຢາບ ເພື່ອໃຫ້ປະຊາຄົມຊາວຫວຽດນາມ ອາໄສຢູ່ກຳປູເຈຍ ມາໄຫ້ວອາໄລເພິ່ນ./.