ທ່ານາງຕອງທິຟອງມອບຂອງຂັວນໃຫ້ຄົນພິການ
(ພາບ: vov.vn)
(vovworld)– ຕອນເຊົ້າວັນທີ 29/11, ຢູ່ຮ່າໂນ້ຍ, ທ່ານາງຕອງທິຟອງ, ກຳມະການກົມການເມືອງ, ຮອງປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນຄົນພິການ ເຂົ້າຮ່ວມງານປະກວດສຽງເພງຄົນພິການທົ່ວປະເທດຄັ້ງທີ 1 ປີ 2014. ທ່ານນາງຕອງທິຟອງ ຊົມເຊີຍສະມາຄົມອຸປະກາລະຄົນພິການ ແລະ ເດັກກຳພ້າຫວຽດນາມ, ສະຫະພັນຄົນພິການຫວຽດນາມ ແລະ ບັນດາອົງການກ່ຽວຂ້ອງໄດ້ມີຂໍ້ລິເລີ່ມຈັດ ງານປະກວດສຽງເພງຄົນພິການໃນໄລຍະຈັດເວທີປາໄສຄົນພິການອາຊີ-ປາຊີຟິກ.
ແລະ ກໍ່ໃນຕອນເຊົ້າຂອງວັນທີ 29/11, ຜູ້ແທນກ່ວາ 1500 ຄົນຕາງໜ້າບັນດາຄະນະ, ຂະແໜງການ, ອົງການຈັດຕັ້ງມະຫາຊົນ, ບັນດາອົງການຈັດຕັ້ງ, ຄົນພິການພາຍໃນ ແລະ ຕ່າງປະເທດໄດ້ເຂົ້າຮ່ວມການຍ່າງ “ເພື່ອໂລກເຊື່ອມໂຍງໃຫ້ແກ່ຄົນພິການ“ ທີ່ຮ່າໂນ້ຍ. ກ່າວຄຳເຫັນນະທີ່ນີ້, ທ່ານນາງຫງວນທິກີມເງິນ, ກຳມະການກົມການເມືອງ, ຮອງປະທານສະພາແຫ່ງຊາດຫວຽດນາມ ຢືນຢັນວ່າ:
“ເພື່ອສືບຕໍ່ປະຕິບັດບັນດານະໂຍບາຍ, ກົດໝາຍກໍ່ຄືຄຳໝັ້ນສັນຍາສາກົນ, ເພື່ອລະດົມກຳລັງ, ແບ່ງປັນ ແລະ ຊ່ວຍເຫຼືອຄົນພິການຢ່າງແທດຈິງນັ້ນ, ຂ້າພະເຈົ້າສະເໜີບັນດາອົງການແຫ່ງລັດມີສິດອຳນາດສືບຕໍ່ປັບປຸງລະບົບນະໂຍບາຍ, ກົດໝາຍກ່ຽວກັບຄົນພິການເປັນສົບສູນແບບ; ຈັດຕັ້ງປະຕິບັດບັນດາຂໍ້ກຳນົດກ່ຽວຂ້ອງເຖິງຄົນພິການບັນດານະໂຍບາຍ: ຂໍ້ກຳນົດສົ່ງເສີມຄົນພິການ, ບັນດາອົງການຈັດຕັ້ງ, ສ່ວນບຸກຄົນເຂົ້າຮ່ວມຊ່ວຍເຫຼືອຄົນພິການທັງດ້ານວັດຖຸ ແລະ ຈິດໃຈ. ຂ້າພະເຈົ້າຫວັງວ່າ, ດ້ວຍຈິດໃຈ “ຮັກແພງ, ຊ່ວຍເຫຼືອຊື່ງກັນ ແລະ ກັນ” ຂອງຊາດ, ໃນໄລຍະຈະມາເຖິງ, ບັນດາການການເຄື່ອນໄຫວກຸສົນຈະສືບຕໍ່ໄດ້ຮັບການພັດທະນາ ເພື່ອປະກອບສ່ວນພອ້ມກັບພັກ, ລັດເອົາໃຈໃສ່ເບິ່ງແຍງຄົນພິການໃຫ້ດີກ່ວາອີກ./.