(vovworld) – ວັນທີ 22/12, ຄະນະຊາວໜຸ່ມແຂວງ ເບ໋ນແຈ ແລະ ກອງບັນຊາການທະຫານແຂວງສົມທົບກັນຈັດຕັ້ງບຸນຕັ້ງຄ້າຍ “ໄວໜຸ່ມວິລະຊົນປົກປັກຮັກສາປະເທດຊາດ” ປີ 2013. ທີ່ບຸນຕັ້ງຄ້າຍ, ບັນດາສະມາຊິກຊາວໜຸ່ມ, ສະມາຊິກສະມາຄົມ, ຊາວໜຸ່ມ ໄດ້ເຂົ້າຮ່ວມການຮຽນບາງມາດຕາຂອງກົດໝາຍວ່າດ້ວຍພັນທະການທະຫານ ແລະ ກົດໝາຍວ່າທະຫານລາດ.
ທີ່ນະຄອນ ເກີນເທີ, ໃນວັນທີ 21/12, ກອງບັນຊາການທະຫານນະຄອນ ເກີນເທີ ຈັດຕັ້ງງານປະກວດຊອກຮູ້ກ່ຽວກັບທະເລ, ໝູ່ເກາະຂອງ ຫວຽດນາມ ແລະ ງານວາງສະແດງ “ຂີດໝາຍພົນເອກຜູ້ເກັ່ງກ້າສາມາດ ຫວໍງວຽນຢາບ”. ງານວາງສະແດງໄດ້ວາງສະແດງຮູບຖ່າຍກ່ວາ 100 ແຜ່ນກ່ຽວກັບພາລະກິດຂອງພົນເອກ ຫວໍງວຽນຢາບ... ພັນເອກ ເຈີ່ນຮ່ວາຮຽບ, ຮອງກຳມະການການເມືອງກອງບັນຊາການທະຫານ ເກີນເທີ, ຫົວໜ້າຄະນະຈັດຕັ້ງ, ໃຫ້ຮູ້ວ່າ:
“ຜ່ານງານວາງສະແດງ ແລະ ການປະກວດຊອກຮູ້ກ່ຽວກັບທະເລ, ໝູ່ເກາະ, ພວກຂ້າພະເຈົ້າຢາກໃຫ້ລຸ້ນໜຸ່ມໃນປະຈຸບັນຮັບຮູ້ຢ່າງເລີກເຊິ່ງກ່ຽວກັບມູນເຊື້ອຮັກຊາດ, ຂອງລຸ້ນພໍ່ລຸ້ນອ້າຍພວກເຮົາໄດ້ເພີ່ມພຸນຄຸນສ້າງ, ຮັກສາ, ພິເສດແມ່ນສຳລັບທະເລ, ໝູ່ເກາະ. ຜ່ານນັ້ນ, ໃຫ້ລຸ້ນໜຸ່ມມີຄວາມຮັບຜິດຊອບໃນການຮຳ່ຮຽນ, ອຸທິດສ່ວນກຳລັງໜຸ່ມຂອງຕົນເພື່ອພ້ອມກັບບັນດານັກຮົບປົກປັກຮັກສາຜືນແຜ່ນດິນ, ທະເລ, ໝູ່ເກາະຂອງປະເທດຊາດ”
ເນື່ອງໃນໂອກາດນີ້, ກອງບັນຊາການທະຫານຊາຍແດນນະຄອນ ດ່າໜັງ ຈັດຕັ້ງການເຄື່ອນໄຫວຕ່າງໆ ເພື່ອທົບທວນຄືນມູນເຊື້ອສະຫງ່າລາສີຂອງກອງທັບປະຊາຊົນ ຫວຽດນາມ. ພັນເອກ ຈິງງອກວັນ, ຮອງກຳມະການການເມືອງທະຫານປ້ອງກັນຊາຍແດນ ນະຄອນ ດ່າໜັງ, ໃຫ້ຮູ້ວ່າ:
“ພວກຂ້າພະເຈົ້າໄດ້ມອບຂອງຂວັນໃຫ້ບັນດາຄອບຄົວທຸກຍາກ. ພວກຂ້າພະເຈົ້າຊ່ວຍເຫຼືອດ້ານວັດຖຸລະທຶນຮອນເພື່ອໃຫ້ພໍ່ແມ່ປະຊາຊົນພັດທະນາເສດຖະກິດຄອບຄົວເປັນປະຈຳ. ນັ້ນແມ່ນວຽກງານປະຈຳ, ບໍ່ພຽງແຕ່ຢູ່ໃນກຳລັງທະຫານປ້ອງກັນຊາຍແດນເທົ່ານັ້ນ ຫາກຍັງພວກເຮົາກໍ່ສົມທົບກັບຄະນະຊາວໜຸ່ມ ເມືອງຕ່າງໆເພື່ອຜັນຂະຫຍາຍການເຄື່ອນໄຫວນີ້.”