(vovworld) - ຕອນຄໍ່າວັນທີ 25/03, ຢູ່ຮ່າໂນ້ຍ, ສູນກາງຄະນະຊາວໜຸ່ມກອມມູນິດໂຮ່ຈິມິນ ໄດ້ພິທີມອບລາງວັນ 26/03 ໃຫ້ແກ່ໄວໜຸ່ມຫວຽດນາມ ທີ່ດີເດັ່ນ 10 ຄົນ ແລະ ເລຂາຄະນະຊາວໜຸ່ມຂັ້ນຮາກຖານທີ່ດີເດັ່ນ 82 ຄົນ. ນີ້ແມ່ນບັນດາຊາວໜຸ່ມດີເດັ່ນທີ່ຕາງໜ້າໃຫ້ແກ່ໄວໜຸ່ມໃນທົ່ວປະເທດ, ເຊິ່ງມີການປະກອຍສ່ວນຢ່າງແທດຈິງໃຫ້ແກ່ສັງຄົມ ແລະປະເທດຊາດ. ກ່າວຄຳເຫັນທີ່ພິທີ, ທ່ານເລຂາທີໜຶ່ງສູນກາງຊາວໜຸ່ມກອມມູນິດໂຮ່ຈິມິນ ຫງວຽນດັກວິງ ໃຫ້ຮູ້ວ່າ.
“ຄະນະຊາວໜຸ່ມກອມມູນິດໂຮ່ຈິມິນໄດ້ຝາກຝັງ ແລະ ເຊື່ອມໝັ້ນວ່າ ຊາວໜຸ່ມແຕ່ລະຄົນຈະເປັນທູດທີ່ສົ່ງຂໍ້ມູນດ້ານຈິດໃຈການເຄື່ອນໄຫວ, ຄວາມມຸ່ງຫວັງ ແລະ ການອຸທິດສ່ວນເຖິງໝູ່ຄະນະໄວໜຸ່ມ, ເຮັດໄດ້ຊິ່ງເຊັ່ນນັ້ນ ຄະນະຊາວໜຸ່ມຈຶ່ງແຂງແຮງກວ່າ, ຈະດຶງດູດຄວາມສົມໃຈຈາກບັນດາໄວໜຸ່ມສູງກວ່າ, ສະມາຊິກຊາວໜຸ່ມຈະເຕີບໃຫຍ່ ແລະ ມີການປະກອບສ່ວນຫຼາຍກວ່າ ແລະ ນີ້ກໍແມ່ນວິທີດີທີ່ສຸດ, ລະອຽດທີ່ສຸດ ເພື່ອໃຫ້ອົງການຈັດຕັ້ງຄະນະຊາວໜຸ່ມກອມມູນິດໂຮ່ຈິມິນ ແລະ ໄວໜຸ່ມຫວຽດນາມ ສະແດງການຕອບບຸນແທນຄຸນຕໍ່ຄວາມເອົາໃຈໃສ່ຊີ້ນຳ, ນຳພາຂອງພັກ, ອຳນາດການປົກຄອງ ແລະ ສັງຄົມທີ່ມີຕໍ່ຊາວໜຸ່ມ, ວຽກງານຊາວໜຸ່ມ ແລະ ຂະບວນການຊາວໜຸ່ມເຍົາວະຊົນໃນໄລຍະຜ່ານມາ”.
ເນື່ອງໃນໂອກາດນີ້, ຄະນະຊາວໜຸ່ມແຂວງຮ່າຕິ້ງ ໄດ້ຈັດການເຄື່ອນໄຫວຕ່າງໆຢ່າງແທດຈິງ, ຊຶ່ງພົ້ນເດັ່ນແມ່ນວັນບຸນຊາວໜຸ່ມຫວຽດນາມ ໄດ້ດຶງດູດສະມາຊິກຊາວໜຸ່ມເຂົ້າຮ່ວມເປັນຈຳນວນຫຼວງຫຼາຍ. ຄະນະຊາວໜຸ່ມແຂວງນາມດິ້ງ ໄດ້ຈັດ “ວັນບຸນຊາວໜຸ່ມຫວຽດນາມ 2013”, ດ້ວຍບັນດາການເຄື່ອນໄຫວຄື: ໃຫ້ຄຳປຶກສາ, ກຳນົດທິດທາງດ້ານວິຊາຊີບໃຫ້ແກ່ນັກຮຽນມັດທະຍົມຕອນປາຍ. ຄະນະຊາວໜຸ່ມແຂວງກາວບັ່ງ ຍູ້ແຮງບັ້ນຂົນຂວາຍ “ນ້ຳໃຈເຂດຊາຍແດນ, ໝູ່ເກາະ”, ບັນດາຄະນະຊາວໜຸ່ມຂັ້ນແຂວງເພີ່ມທະວີການເຄື່ອນໄຫວຕ່າງໆເພື່ອຢື້ຢາມຖາມຂ່າວ, ພົບປະແລກປ່ຽນ, ຜູກສ່ຽວ, ມອບຂອງຂວັນໃຫ້ບັນດາກົມກອງທະຫານຊາຍແດນ...