ການເຄື່ອນໄຫວຕ່າງໆໃນໂອກາດວັນບຸນຄຼິດສະມາດປີ2013
ພາບປະກອບ
(vovworld) – ເນື່ອງໃນໂອກາດວັນບັນ ຄິຼດສະມາດ ປີ 2013, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ໄດ້ສົ່ງຈົດໝາຍອວຍພອນເຖິງພະພິຂຸສົງ, ຜູ້ມີຍົດທະບັນດາສັກ, ນັກບວດ ພ້ອມກັບຊາວຄິດ ຫວຽດນາມ. ອວຍພອນໃຫ້ຊາວຄິດ ຫວຽດນາມ ທຸກຄົນຕ້ອນຮັບວັນ ຄຼິດສະມາດດ້ວຍຄວາມຜາສຸກໃນກຸ່ມກ້ອນສາມັກຄີທົ່ວປວງຊົນທັງຊາດ.
ເນື່ອງໃນໂອກາດນີ້, ທ່ານນາງ ຮ່າທິຄຽດ, ຫົວໜ້າຄະນະຂົນຂວາຍປະຊາຊົນ ສູນກາງ ໄດ້ລົງຢ້ຽມຢາມ, ອວຍພອນສຳນັກສັງຄະລາດ ຮ່າໂນ້ຍ ແລະ ສະມາຄົມສາສະໜາໂປແຕດສະຕັງ ພາກເໜືອຫວຽດນາມ. ທ່ານນາງ ຮ່າທິຄຽດ ຫວັງວ່າ: ບັນດາຜູ້ມີຍົດທະບັນດາສັກສາສະໜາຄິດ ແລະ ໂປແຕດສະຕັງ ສືບຕໍ່ປະກອບສ່ວນສ້າງສາກຸ່ມກ້ອນມະຫາສາມັກຄີທົ່ວປວງຊົນທັງຊາດໃຫ້ນັບມື້ນັບໝັ້ນຄົງ, ເຂັ້ມແຂງ, ປະຕິບັດຕາມທິດນຳທີ່ວ່າ “ຢູ່ໃນສິນກິນໃນທຳເພື່ອຄວາມສຸກຂອງປະຊາຊົນ.”