(vovworld) - ວັນທີ 26/05, ຢູ່ສູນວັດທະນະທຳສ.ເກົາຫຼີ (ຮ່າໂນ້ຍ) ໄດ້ຈັດພິທີໄຂ “ງານວາງສະແດງຮູບແຕ້ມຕົວລະຄອນໃນເລື່ອງກະຕູນ ແລະ ພາບເລື່ອງສ.ເກົາຫຼີ” ໂດຍສູນວັດທະນະທຳສ.ເກົາຫຼີ ສົມທົບກັບສະຖາບັນພັດທະນາເນື້ອໃນວັດທະນະທຳສ.ເກົາຫຼີ (KOCCA) ຈັດຕັ້ງ. ກ່າວຄຳເຫັນທີ່ພິທີໄຂ, ຫົວໜ້າສູນວັດທະນະທຳສ.ເກົາຫຼີ ທ່ານ Park Nark Jong ໃຫ້ຮູ້ວ່າ: ງານວາງສະແດງຮູບແຕ້ມຕົວລະຄອນໃນເລື່ອງກະຕູນ ແລະ ພາບເລື່ອງສ.ເກົາຫຼີ ຖືກ້ຈັດຂຶ້ນດ້ວຍຄວາມຫວັງວ່າ ຈະປະກອບສ່ວນນຳວັດທະນະທຳຂອງສ.ເກົາຫຼີ ມາສູ່ປະຊາຊົນຫວຽດນາມ, ໂດຍສະເພາະແມ່ນບັນດາລຸ່ນໜູ່ມດ້ວຍຫຼາຍຮູບຫຼາຍແບບ ແລະ ໃກ້ຊິດກວ່າ. ນີ້ກໍແມ່ນກາລະໂອກາດຊຸກຍູ້ການຮ່ວມມືໃໝ່ໃນຂະແໜງພາບເລື່ອງ ແລະ ເລື່ອງກະຕູນລະຫວ່າງຫວຽດນາມ ແລະ ສ,ເກົາຫຼີ. ມີເດັກນ້ອຍຫວຽດນາມ ແລະ ສ,ເກົາຫຼີກວ່າ 100 ຄົນເຂົ້າຮ່ວມພິທີໄຂ ດ້ວຍບັນດາການເຄື່ອນໄຫວທີ່ຟົດຟື້ນຄື ເບິ່ງຮູບເງົາກະຕູນບາງເລື່ອງ, ພົບປະແລກປ່ຽນກັບນັກຈິດຕະກອນແຕ້ມພາບເລື່ອງທີ່ມີຊື່ສຽງຂອງສ.ເກົາຫຼີ.