ການເຄື່ອນໄຫວຢູ່ນອກກອງປະຊຸມຂັ້ນສູງຄັ້ງທີ 2 ຄະນະກຳມາທິການແມ່ນຳ້ຂອງສາກົນ
ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ມີການພົບປະກັບການນຳລັດຖະບານກຳປູເຈຍ, ລາວ, ໄທ
(ພາບ: baomoi) |
(vovworld) – ຢູ່ນອກກອງປະຊຸມຂັ້ນສູງຄັ້ງທີ 2 ຄະນະກຳມາທິການແມ່ນຳ້ຂອງສາກົນ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ມີການພົບປະກັບທ່ານນາຍົກລັດຖະມົນຕີລາວ ທອງສິງ ທຳມະວົງ, ທ່ານນາຍົກລັດຖະມົນຕີກຳປູເຈຍ Hun Sen, ເລຂາທິການຜູ້ປະຈຳການກະຊວງການຕ່າງປະເທດ, ທູດພິເສດຂອງນາຍົກລັດຖະມົນຕີໄທ, ລັດຖະມົນຕີການຕ່າງປະເທດມຽນມາ.
ໃນການແລກປ່ຽນ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ເນັ້ນໜັ້ກວ່າ ຫວຽດນາມຫວັງຢາກຮ່ວມມືຢ່າງແໜ້ນແຟ້ນກັບບັນດາ ປະເທດສະມາຊິກ ແລະ ປະເທດຄູ່ຮ່ວມມືແນໃສ່ຜັນຂະຫຍາຍບັນດາ ກຳນົດທິດ, ຍຸດທະສາດ ແລະ ໂຄງການຂອງຄະນະກຳມາທິການແມ່ນຳ້ຂອງຢ່າງມີປະສິດທິຜົນ, ໃນນັ້ນມີການຊຸກຍູ້ໂຄງການຄົ້ນຄ້ວາຂອງຄະນະກຳມາທິການແມ່ນຳ້ຂອງກ່ຽວກັບການຄຸ້ມຄອງ ແລະ ພັດທະນາແມ່ນ້ຳຂອງແບບຍືນຍົງ ຊຶ່ງລວມມີບັນດາຜົນກະທົບຂອງບັນດາໂຄງການເຂື່ອນໄຟຟ້ານ້ຳຕົກບົນລຳແມ່ນ້ຳ, ຊຸກຍູ້ການປະຕິບັດສັນຍາແມ່ຂອງ 1995 ກໍ່ຄືບັນດາລະບຽບການ, ຂໍ້ກຳນົດຂອງຄະນະກຳມາທິການແມ່ນຳ້ຂອງຢ່າງເຂັ້ມງວດ. ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ຢືນຢັນວ່າ ຫວຽດນາມພ້ອມແລ້ວທີ່ຈະແລກປ່ຽນ, ລົງນາມໃນໂຄງການເຄື່ອນໄຫວຜັນຂະຫຍາຍການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດຫວຽດນາມ- ໄທ ເມື່ອເງື່ອນໄຂເໝາະສົມ ແລະ ຫວັງວ່າ ໄທຈະສືບຕໍ່ເສີມຂະຫຍາຍບົດບາດເປັນປະເທດປະສານງານການພົວພັນ ອາຊຽນ-ຈີນ, ຊຸກຍູ້ການພົວພັນຄູ່ຮ່ວມມື, ຄູ່ເຈລະຈາກ່ຽວກັບບັນດາບນຫາທີ່ມີຄວາມສົນໃຈ, ໃນນັ້ນມີການສ້າງປະມວນລະບຽບການ COC. ຕີລາຄາສູງທີ່ຕັ້ງບົດບາດຂອງມຽນມາໃນຖານະເປັນປະທານອາຊຽນໃນປີ 2014, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງຢືນຢັນຈະນຳໜ້າຄະນະຜູ້ແທນຫວຽດນາມເຂົ້າຮ່ວມກອງປະຊຸມຂັ້ນສູງອາຊຽນໃນເດືອນ 5/2014 ຢູ່ມຽນມາ.
ການນຳບັນດາປະເທດຕ່າງກໍຕີລາຄາສູງເລື່ອງຫວຽດນາມເປັນເຈົ້າພາບຈັດກອງປະຊຸມຂັ້ນສູງຄັ້ງທີ 2 ຄະນະກຳມາທິການແມ່ນຳ້ຂອງສາກົນຢ່າງສຳເລັດຜົນ, ໃນນັ້ນມີການຮັບຮອງເອົາຖະແຫຼງການນະຄອນໂຮ່ຈິມິນຊຶ່ງໄດ້ຊີ້ແຈ້ງວ່າ ການນຳລັດຖະບານກຳປູເຈຍ, ລາວ, ໄທ ແລະ ຫວຽດນາມ ຢືນຢັນອີກເທື່ອໜ່ຶງເຖິງຄວາມສຳຄັນຂອງການນຳໃຊ້ ແລະ ຄຸ້ມຄອງຊັບພະຍາກອນນ້ຳ ແລະ ບັນດາຊັບພະຍາກອນທີ່ກ່ຽວຂ້ອງຂອງເຂດອ່າງແມ່ນ້ຳຂອງ ແລະ ສືບຕໍ່ຢືນຢັນຄຳໝັ້ນສັນຍາການເມືອງໃນການປະຕິບັດສັນຍາແມ່ຂອງ 1995 ແລະ ປັບປຸງນ້ຳໃຈຮ່ວມມືແມ່ຂອງ.