(vovworld) - ວັນທີ 27 ສິງຫາ, ກົງສູນໃຫຍ່ຫວຽດນາມ ປະຈຳ Sydney ໄດ້ຈັດຕັ້ງພິທີສະເຫຼີມສະຫຼອງ 68 ປີແຫ່ງວັນການປະຕິວັດເດືອນສິງຫາ ແລະ ວັນຊາດ 2 ກັນຢາ ຢູ່ລັດ New South Wales, ປະເທດອົດສຕາລີ. ທີ່ພິທີ, ທ່ານຫົວໜ້າສູນໃຫຍ່ ມາຍເຟື໋ອກຢຸງ ໄດ້ທົບທວນຄືນບັນດາຜົນງານອັນໃຫຍ່ຫຼວງເຊິ່ງປະຊາຊົນຫວຽດນາມ ບັນລຸໄດ້ໃນ 68 ປີຜ່ານມາ, ພ້ອມທັງທົບທວນຄືນບັນດາຜົນງານດີເດັ່ນໃນການພົວພັນລະຫວ່າງຫວຽດນາມ ແລະ ອົດສຕາລີ ໃນທຸກຂົງເຂດ. ກ່າວຄຳເຫັນທີ່ພິທີ, ຜູ້ວ່າການລັດ New South Wales, ສາດສະດາຈານ Matie Bashir ໄດ້ຕີລາຄາສູງບັນດາຜົນງານເຊິ່ງຫວຽດນາມ ບັນລຸໄດ້ໃນການພັດທະນາສາຍພົວພັນລະຫວ່າງ 2 ປະເທດ ກໍ່ຄືການປະກອບສ່ວນຂອງປະຊາຄົມຊາວຫວຽດນາມ ອາໄສຢູ່ລັດ New South Wales.
ແລະກໍ່ໃນວັນດຽວກັນ, ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງສປປ ລາວ ຫຼີບຸນຄ້ຳ ໄດ້ນຳໜ້າຄະນະຜູ້ແທນມາສະຖານທູດຫວຽດນາມ ຢູ່ບາງກອກ ອວຍພອນວັນຊາດຫວຽດນາມຄັ້ງທີ 68 ຂອງຫວຽດນາມ. ທ່ານເອກອັກຄະລັດຖະທູດ ໄດ້ຊົມເຊີຍຜົນງານເຊິ່ງພັກ, ລັດ ແລະ ປະຊາຊົນຫວຽດນາມ ບັນລຸໄດ້ບັນດາຜົນງານອັນໃຫຍ່ຫຼວງໃນພາລະກິດສ້າງສາ ແລະ ປົກປັກຮັກສາປະເທດຊາດ, ຮັກສາຄວາມສະຖຽນລະພາບດ້ານການເມືອງ ກໍ່ຄືການພັດທະນາໃນທຸກດ້ານເສດຖະກິດ, ສັງຄົມ.