(vovworld) - ຕອນຄໍ່າວັນທີ 30/8, ຢູ່ນະຄອນຫຼວງວຽງຈັນ, ສະຖານທູດຫວຽດນາມ ໄດ້ຈັດງານລ້ຽງເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນສະຖາປະນາ ສ.ສ ຫວຽດນາມ (02/09/1945 – 02/09/2012). ກ່າວຄຳເຫັນນະພິທີ, ທ່ານເອກອັກຄະລັດຖະທູດຫວຽດນາມ ປະຈຳລາວ Ta Minh Chau ໄດ້ຢືນຢັນວ່າ ຍາມໃດ ພັກກອມມູນິດຫວຽດນາມ ແລະ ປະຊາຊົນຫວຽດນາມ ກໍຖືເປັນສຳຄັນ ແລະ ເຮັດຈົນສຸດຄວາມສາມາດຂອງຕົນເພື່ອພ້ອມກັບ ພັກ, ລັດ ແລະ ປະຊາຊົນລາວ ຮັກສາ, ປັບປຸງ ແລະ ພັດທະນາສາຍພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຢ່າງຮອບດ້ານລະຫວ່າງຫວຽດນາມ - ລາວ ຢ່າງບໍ່ຢຸດຢັ້ງ ແລະ ພັດທະນາຂຶ້ນສູ່ລະດັບສູງໃໝ່, ຕອບສະໜອງຄວາມມຸ່ງມາດປາດຖະໜາ ແລະ ຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ, ມິດຕະພາບ, ການຮ່ວມມື ແລະ ພັດທະນາຈະເລີນຮຸ່ງເຮືອງໃນພາກພື້ນ ແລະ ໃນໂລກ.
ແລະກໍເນື່ອງໃນໂອກາດນີ້ສະຖານທູດຫວຽດນາມ ປະຈຳອິນເດີຍ ໄດ້ຈັດການຕ້ອນຮັບແຂກຢູ່ຫໍປະຊຸມ Kamal Hall, ທີ່ນະຄອນຫຼວງ New Delhi, ປະເທດອິນເດຍ, ໃນວັນ 29/8. ທີ່ພິທີ, ທ່ານເອກອັກຄະລັດຖະທູດຫວຽດນາມ ປະຈຳອິນເດຍ Nguyen Thanh Tan ໄດ້ເນັ້ນໜັກວ່າ, ການພົວພັນລະຫວ່າງອິນເດຍ ແລະ ຫວຽດນາມ ນັບມື້ນັບພັດທະນາໃນທຸກດ້ານ, ໄປຄຽຄູ່ກັນນັ້ນ, ການພົວພັນທາງການທູດ, ເສດຖະກິດ, ການຄ້າລະຫວ່າງສອງປະເທດ ກໍບັນລຸໄດ້ບາດກ້າວໃໝ່.