ຈັດພິທີວາງພວງມາລາຢູ່ອະນຸສາວະລີປະທານໂຮ່ຈິມິນ ທີ່ມົດສກູ
(ພາບ: vienam +)
|
(vovworld)- ຕອນຄ່ຳວັນທີ 2/2, ຢູ່ນະຄອນໂຮ່ຈິມິນ, ໄດ້ດຳເນີນລາຍການ ພົບປະແລກປ່ຽນສະແດງ ສິລະປະ “ ຄວາມເຊື່ອໝັ້ນຕະຫຼອດໄປ ” ເນື່ອງໃນ ໂອກາດສະເຫຼີມສະຫຼອງ 84 ປີແຫ່ງວັນສ້າງຕັ້ງພັກ ກອມມູນິດຫວຽດນາມ ( 3/2/1930-3/2/2014). ກ່າວຄຳເຫັນນະທີ່ນີ້, ທ່ານນາງ ເທີນທິທື ຫົວໜ້າຄະນະ ໂຄສະນາສຶກສາຄະນະພັກນະຄອນໂຮ່ຈິມິນກ່າວວ່າ :
“ພັກກອມມູນິດຫວຽດນາມໄດ້ຮັບການສ້າງຕັ້ງຂຶ້ນຍາມລະດູບານໃໝ່, ແລະ ໃນແຕ່ລະປີ, ເມື່ອລະດູບານໃໝ່ວຽນມາ, ພວກເຮົາພັດມີໂອກາດທົບທວນຄືນ ໄລຍະທາງແຫ່ງການສູ້ຊົນທີ່ລຳບາກກາກກຳ, ແຕ່ມີກຽດອັນສະຫງ່າ, ເພື່ອປະຊາຊົນ, ປະເທດຊາດຂອງພັກ. ກ້າວເຂົ້າສູ່ລະດູບານໃໝ່ດ້ວຍຄວາມຫວັງ ແລະ ການຄາດຄະເນຫຼາຍຢ່າງພວມຢູ່ທາງໜ້າ, ຫວັງວ່າພວກເຮົາຈະປະຕິບັດທຸກສິ່ງທຸກຢ່າງໄດ້ຕາມຄວາມຫວັງ, ຮ່ວມແຮງຮ່ວມໃຈກໍ່ສ້າງພັກໃຫ້ນັບມື້ນັບໝັ້ນຄົງ, ເຂັ້ມແຂງ, ໂປ່ງໃສ, ເຮັດໃຫ້ພັກແມ່ນຄວາມເຊື່ອໝັ້ນ ແມ່ນວິຖີຊີວິດຍືນຍົງຄົງຕົວຕະຫຼອດການ”
ໃນຂະນະນັ້ນ, ຄະນະພັກກອມມູນິດຫວຽດນາມຢູ່ສະຫະພັນລັດເຊຍໄດ້ຈັດຕັ້ງການໄປວາງພວງມາລາຢູ່ອະນຸສາວະລີປະທານໂຮ່ຈິມິນ ແລະ ສະໜາມຫຼວງ ເລຢວນຢູ່ນະຄອນຫຼວງ ມົດສະກູ. ບັນດາສະມາຊິກພັກສັງກັດບັນດາໜ່ວຍພັກທີ່ຂຶ້ນກັບອົງຄະນະພັກກອມູນິດຫວຽດນາມຢູ່ລັດເຊຍໄດ້ສະແດງຄວາມເຄົາລົບນັບຖື ອາໄລຫາທ່ານປະທານໂຮ່ຈິມິນ, ອາໄລຫາອະດີດເລຂາທິການໃຫຍ່ພັກກອມູນິດຫວຽດນາມ ເລຢວນ, ສະແດງຄວາມຮູ້ບູນຄຸນຢ່າງລົ້ນເຫຼືອຂອງພັກ, ຂອງບັນດາຜູ້ນຳທີ່ໄດ້ສ້າງຕັ້ງ ແລະ ນຳພາພັກກອມມູນິດຫວຽດນາມໄປສູ່ໄຊຊະນະສຸດທ້າຍ. ເນື່ອງໃນໂອກາດສະເຫຼີມສະຫຼອງ 84 ປີແຫ່ງວັນສ້າງຕັ້ງ ພັກກອມມູນິດຫວຽດນາມ ( 3/2/1930-3/2/2014), ບັນດາໜັງສືພິມໃຫຍ່ຂອງຫວຽດນາມຄື ໜັງສືພິມ ເຍີນເຢີນ, ສຽງຂອງພັກກອມູນິດຫວຽດນາມ, ໜັງສືພິມກວນໂດ້ຍເຍີນເຢິນ, ສຽງຂອງກອງທັບປະຊາຊົນຫວຽດນາມ, ໜັງສືພິມ ໄຊງ່ອນຢາຍຟ້ອງ ສະບັບອອກວັນທີ 3/2 ລ້ວນແຕ່ລົງພິມບົດນຳ, ບົດວິຈານ ຊີ້ແຈງເຖິງຜົນງານ ຂອງ ພັກກອມມູນິດຫວຽດນາມໃນຕະຫຼອດໄລຍະປະຕຈິວັດຂອງຊາດ.
ແລະ ກໍເນື່ອງໃນໂອກາດສະເຫຼີມສະຫຼອງ 84 ປີແຫ່ງວັນສ້າງຕັ້ງ ພັກກອມມູນິດຫວຽດນາມ, ຄະນະບໍລິຫານງານສູນກາງພັກປະຊາຊົນປະຕິວັດລາວ ແລະ ຄະນະບໍລິຫານງານສູນກາງພັກປະຊາຊົນກຳປູເຈຍໄດ້ສົ່ງໂທລະເລກອວຍພອນເຖິງ ຄະນະບໍລິຫານງານສູນກາງພັກກອມມູນິດຫວຽດນາມ.