(vovworld) - ໃນຊຸມມື້ນີ້, ສະຖານທູດ ຫວຽດນາມ ປະຈຳປະເທດຕ່າງໆ ໄດ້ຈັດຕັ້ງການເຄື່ອນໄຫວຫຼາຍຢ່າງ ເພື່ອສະເຫຼີມສະຫຼອງ 70 ປີແຫ່ງວັນການປະຕິວັດເດືອນ 8ແລະ ວັນຊາດທີ 2/9.
ສະຖານທູດອັງໂກລາຈັດຕັ້ງພິທີສະເຫຼີມສະຫຼອງ. ກ່າວຄວາມເຫັນທີ່ພິທີ, ທ່ານເອກອັກຄະລັດຖະທູດ ໂດບ໋າຄວາ ຖືວ່າ, ປີ 2015 ແມ່ນປີທີ່ຫວຽດນາມສະເຫຼີມສະຫຼອງ 70 ປີແຫ່ງວັນຊາດ, ອັງໂກລາ ສະເຫຼີມສະຫຼອງ 40 ປີແຫ່ງວັນຊາດ ແລະ ທັງສອງປະເທດສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດ. ທ່ານສະແດງຄວາມເຊື່ອໝັ້ນວ່າ, ດ້ວຍການຊີ້ນຳ, ນຳພາຂອງຫວຽດນາມ ແລະ ອັງໂກລາ, ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຢ່າງມີປະສິດທິຜົນລະຫວ່າງສອງປະເທດຈະສືບຕໍ່ມີບັນດາບາດກ້າວພັດທະນາໃໝ່, ພິເສດແມ່ນໃນຂົງເຂດກະສິກຳ, ການລ້ຽງປູກສິນໃນນ້ຳ, ການປະມົງ, ນຳ້ມັນອາຍແກດ ແລະ ໂທລະຄົມ.
ກ່າວຄວາມເຫັນທີ່ພິທີສະເຫຼີມສະຫຼອງ 70 ປີແຫ່ງວັນຊາດຫວຽດນາມ, ຫົວໜ້າກົງສູນສະຖານທູດຫວຽດນາມ ປະຈຳອົດສະຕາລີ ເລວຽດຢວຽນ ຊີ້ອອກບັນດາຜົນງານທີ່ບັນລຸໄດ້ໃນການພົວພັນລະຫວ່າງສອງປະເທດເວົ້າລວມ ແລະ ກັບລັດອົດສະຕາລີຕາເວັນຕົກ ເວົ້າສະເພາະ, ແລະ ສະແດງຄວາມເຊື່ອໝັ້ນວ່າ, ການພົວພັນສອງຝ່າຍຈະສືບຕໍ່ພັດທະນາໃນໄລຍະຈະມາເຖິງ.
ຫົວໜ້າກົງສູນສະຖານທູດຫວຽດນາມ ຢູ່ Houston, Texas, ອາເມລິກາ ກໍ່ຈັດຕັ້ງງານລ້ຽງເພື່ອນມິດສາກົນໃນໂອກາດສະເຫຼີມສະຫຼອງ 70 ປີແຫ່ງວັນຊາດຫວຽດນາມ, 20 ປີແຫ່ງວັນສ້າງການພົວພັນທາງການທູດຫວຽດນາມ - ອາເມລິກາ ເປັນປົກກະຕິ ແລະ 5 ປີແຫ່ງວັນສ້າງຕັ້ງ ສະຖານກົງສູນຫວຽດນາມ ຢູ່ Houston, Texas. ທ່ານຫົວໜ້າສະຖານກົງສູນ ຫງວຽນວັນຮ່ວາ ໄດ້ລວບລວມບັນດາຜົງງານ ເຊິ່ງຫວຽດນາມ ບັນລຸໄດ້ໃນ 70 ປີຜ່ານມາ, ບາດກ້າວພັດທະນາກະໂດດຂັ້ນໃນການພົວພັນຫວຽດນາມ - ອາເມລິກາ ໃນໄລຍະຫວ່າງແລ້ວນີ້. ທ່ານກໍ່ເນັ້ນໜັກເຖິງບົດບາດເປັນຂົວຕໍ່ຂອງສະຖານກົງສູນຫວຽດນາມຢູ່ Houston ໃນບັນດາການເຄື່ອນໄຫວຊຸກຍູ້ການພົວພັນດ້ານການເມືອງ, ເສດຖະກິດ, ການຄ້າ, ການແພດ, ການສຶກສາ… ກັບລັດ Texas ເວົ້າສະເພາະ ແລະ ເຂດພາກໃຕ້ ອາເມລິກາ ເວົ້າລວມ.