ພາບປະກອບ
(vovworld) - ວັນທີ 19/8, ສະເຫຼີມສະຫຼອງ 71 ປີແຫ່ງວັນການປະຕິວັດເດືອນສິງຫາ ປະສົບຜົນສຳເລັດ (19/8/1945 – 19/8/2016). ໃນໜ້າທຳອິດຂອງໜັງສືພິມ ເຍີນເຢີນ (ສຽງຂອງພັກກອມມູນິດ ຫວຽດນາມ), ໜັງສືພິມ ກວນໂດ້ຍເຍີນເຢີນ (ສຽງຂອງກອງທັບປະຊາຊົນ ຫວຽດນາມ) ສະບັບອອກໃນວັນທີ 19/8 ລ້ວນແຕ່ມີແຖວໜັງສື “ສະເຫຼີມສະຫຼອງ 71 ປີແຫ່ງການປະຕິວັດເດືອນສິງຫາ ແລະ ວັນຊາດ 2/9”, ລົງພິມຮູບຂອງປະທານ ໂຮ່ຈີມິນ ແລະ ຫຼາຍຂ່າວ, ບົດກ່ຽວກັບຫົວຂໍ້ການປະຕິວັດເດືອນສິງຫາ. ບົດນຳຂອງໜັງສືພິມ ເຍີນເຢີນໄດ້ຊີ້ແຈ້ງວ່າ: ໄຊຊະນະອັນຍິ່ງໃຫຍ່ຂອງການປະຕິວັດເດືອນສິງຫາ ແມ່ນຜົນສຳເລັດຂອງນ້ຳໃຈ, ເຈດຈຳນົງ, ພູມປັນຍາ ຫວຽດນາມ, ຂອງມູນເຊື້ອວັດທະນະທຳ ຫວຽດນາມ.
ໃນຂະນະນັ້ນ, ບົດນຳຂອງໜັງສືພິມ ກວນໂດ້ຍເຍີນເຢີນ (ສຽງຂອງກອງທັບປະຊາຊົນ ຫວຽດນາມ) ໄດ້ຢັ້ງຢືນວ່າ: ບົດຮຽນໃຫຍ່ສຸດຂອງການປະຕິວັດເດືອນສິງຫາ ແລະ ກໍ່ແມ່ນບົດຮຽນມີລັກສະນະສະຖານະການເຊິ່ງພັກກອມມູນິດ ຫວຽດນາມ ປະຕິບັດ, ໄດ້ຮັບການສະໜັບສະໜູນ, ເຫັນດີເຫັນພ້ອມຂອງທົ່ວປວງຊົນ, ນັ້ນແມ່ນທຸກໆລັດຖະນະໂຍບາຍຂອງພັກກອມມູນິດ ຫວຽດນາມ ລ້ວນແຕ່ເລີ່ມມາຈາກພຶດຕິກຳຕົວຈິງ ແລະ ຈາກຄວາມມຸ່ງມາດປາດຖະໜາ, ແນວຄິດຂອງປະຊາຊົນ.
ເນື່ອງໃນໂອກາດສະເຫຼີມສະຫຼອງ 71 ປີແຫ່ງວັນການປະຕິວັດເດືອນສິງຫາ ແລະ ວັນຊາດ 2/9, ພະແນກວັດທະນະທຳ ແລະ ກິລາ ຮ່າໂນ້້ຍ ໄດ້ຈັດຕັ້ງຫຼາຍລາຍການວັດທະນະທຳ, ສິລະປະ, ກິລາຢູ່ສະໜາມຫຼວງການປະຕິວັດເດືອນສິງຫາ ແລະ ສະຖານທີ່ອື່ນໆອີກ.