(vovworld) - ຕອນຄ່ຳວັນທີ 3/2, ຢູ່ຮ່າໂນ້ຍ, ໄດ້ຈັດຕັ້ງພິທີມອບລາງວັນ ຄ້ອນຕີີ, ກ່ຽວຄຳ. ນີ້ເປັນຄັ້ງທຳອິດທີ່ລາງວັນສື່ມວນຊົນທົ່ວປະເທດກ່ຽວກັບການກໍ່ສ້າງພັກໄດ້ຮັບການຈັດຕັ້ງຂຶ້ນ. ໃນຈຳນວນບົດໜັງສືພິມ 1.200 ບົດເຂົ້າຮ່ວມການເສັງ, ຄະນະຈັດຕັ້ງໄດ້ເລືອກເຟັ້ນບັນດາບົດຂຽນດີເດັ່ນທີ່ສຸດເພື່ອມອບລາງວັນ, ໃນນັ້ນມີ 3 ລາງວັນ A, 7 ລາງວັນ B, 12 ລາງວັນ C ແລະ 25 ລາງວັນຊົມເຊີຍ.
ພາບປະກອບ
|
ບັນດາບົດຂຽນໄດ້ສ່ອງແສງວຽກງານກໍ່ສ້າງພັກຢູ່ທຸກໆແຖບຖິ່ນ, ຂົງເຂດ, ອຸດົມສົມບູນກ່ຽວກັບຫົວຂໍ້, ໃນນັ້ນມີຫຼາຍບົດຂຽນມີລັກສະນະຄົ້ນພົບວີທີເຮັດທີ່ດີ, ມີຫົວຄິດປະດິດສ້າງ, ບັນດາຮູບການໃໝ່, ປະກອບຄຳເຫັນ, ປັບປຸງ, ເພີ່ມເຕີບບັນດາຂໍ້ກຳນົດ, ຮູບການເກົ່າທີ່ມີປະສິດທິຜົນໜ້ອຍ…
ແລະກໍ່ໃນວັນດຽວກັນ, ນະຄອນເກີນເທີ ໄດ້ດຳເນີນການພົບປະສ້າງສັນກັບສະມາຊິກພັກ 500 ຄົນເນື່ອງໃນໂອກາດສະເຫຼີມສະຫຼອງ 87 ປີແຫ່ງວັນສ້າງຕັ້ງພັກກອມມູນິດ ຫວຽດນາມ ແລະ ຈັດຕັ້ັ້ງພິທີປະດັບເຄື່ອງໝາຍສະມາຊິກພັກໃຫ້ແກ່ສະມາຊິກພັກເກືອບ 1.000 ຄົນມີອາຍຸພັກແຕ່ 30 ຫາ 70 ປີ. ໂດຍຕາງໜ້າໃຫ້ລຸ້ນໜຸ່ມ, ນັກສຶກສາ ຫງວຽນທິມົ້ງເງິນ, ມະຫາວິທະຍາໄລເຕັກໂນໂລຢີ - ເຕັກນິກ ເກີນເທີ, ຖືວ່າ:
“ສະມາຊິກຊາວໜຸ່ມມີໂອກາດໄດ້ທົບທວນຄືນມູນເຊື້ອອັນດີງາມຂອງປູ່ຍາຕາຍາຍ, ເຫັນໄດ້ເຖິງການເສຍສະຫຼະຂອງລຸ້ນພໍ່ລຸ້ນອ້າຍ ເພື່ອໃຫ້ພວກນ້ອງ ມີຊີວິດທີ່ອິ່ມໜຳສຳລານ ແລະ ຜາສຸກ ຄືທຸກວັນນີ້. ພວກນ້ອງມີກຳລັງໜູນຕື່ມອີກເພື່ອສູ້ຊົນຮ່ຳຮຽນ, ປະກອບສ່ວນເຂົ້າໃນການພັດທະນາຂອງປະເທດຊາດ.”
ແລະກໍ່ໃນຕອນເຊົ້າວັນທີ 3/2, ຄະນະພັກນະຄອນ ຫາຍຟ່ອງ ໄດ້ຈັດຕັ້ງພິທີສະເຫຼີມສະຫຼອງ 87 ປີແຫ່ງວັນສ້າງຕັ້ງພັກກອມມູນິດ ຫວຽດນາມ ຂຶ້ນ. ເນື່ອງໃນໂອກາດນີ້, ຫາຍຟ່ອງ ໄດ້ມອບເຄື່ອງໝາຍສະມາຊິກພັກຄັ້ງວັນທີ 3/2/2017 ໃຫ້ແກ່ສະມາຊິກພັກກ່ວາ 2.000 ຄົນ.