ການເຄື່ອນໄຫວສະເຫຼີມສະຫຼອງວັນຄ້າຍວັນເກີດປະທານ ໂຮ່ຈີມິນ
ງານໂຮມຊຸມນຸມສະເຫຼີມສະຫຼອງ 125 ປີແຫ່ງວັນຄ້າຍວັນເກີດປະທານ ໂຮ່ຈີມິນຢູ່ລາວ
(vovworld) - ຕອນເຊົ້າວັນທີ 19/5, ຢູ່ນະຄອນຫຼວງວຽງຈັນ, ຄະນະບໍລິຫານງານສູນກາງພັກ ປະຊາຊົນ ປະຕິວັດ ລາວ, ສະມາຄົມມິດຕະພາບລາວ - ຫວຽດນາມ, ອົງຄະນະພັກ - ອຳນາດການປົກຄອງນະຄອນຫຼວງວຽງຈັນ ແລະ ສະຖານທູດຫວຽດນາມ ປະຈຳລາວ, ໄດ້ຈັດຕັ້ງງານໂຮມຊຸມນຸມສະເຫຼີມສະຫຼອງ 125 ປີແຫ່ງວັນຄ້າຍວັນເກີດປະທານ ໂຮ່ຈີມິນ. ກ່າວຄຳເຫັນນະທີ່ນີ້, ທ່ານປະທານສູນກາງສະມາຄົມມິດຕະພາບລາວ - ຫວຽດນາມ ພັນຄຳ ວິພາວັນ ໄດ້ຢືນຢັນວ່າ: ຍາມໃດປະທານ ໂຮ່ຈີມິນກໍ່ຖືເປັນສຳຄັນ, ເພີ່ມທະວີ ແລະ ເພີ່ມພູນຄູນສ້າງສາຍພົວພັນມິດຕະພາບແບບພິເສດຫວຽດນາມ - ລາວ. ພາຍໃຕ້ການຊີ້ນຳນຳພາຂອງປະທານ ໂຮ່ຈິມິນ ແລະ ການນຳສອງພັກ, ປະຊາຊົນສອງປະເທດຫວຽດນາມ - ລາວ ໄດ້ຮຽງບ່າ, ຮຽງໄຫຼ່ກັນຕໍ່ສູ້ຕ້ານສັດຕູຜູ້ຮຸກຮານ ແລະ ເພີ່ມພູນຄູນສ້າງສາຍພົວພັນມິດຕະພາບນັ້ນດ້ວຍເລືອດເນື້ອຂອງຕົນ, ກາຍເປັນສາຍພົວພັນມິດຕະພາບພິເສດ ແລະ ຫາຍາກໃນການພົວພັນກັບສາກົນ ແລະ ປະຈຸບັນໄດ້ກາຍເປັນຊັບສົມບັດອັນລຳ້ຄ່າຂອງສອງປະເທດ.
ຢູ່ປັກກິງ, ຕອນເຊົ້າວັນທີ 19/5, ສະຖານທູດຫວຽດນາມ ປະຈຳຈີນ ໄດ້ຖະຫວາຍທູບທຽນອາໄລຫາ ແລະ ສະເຫຼີມສະຫຼອງວັນຄ້າຍວັນເກີດປະທານ ໂຮ່ຈີມິນ. ທີ່ພິທີ, ບັນດາຜູ້ແທນໄດ້ທົບທວນຄືນຊີວິດຂອງປະທານ ໂຮ່ຈີມິນ, ພິເສດແມ່ນບັນດາອານຸສອນທີ່ໜ້າຈົດຈຳໃນຊຸມເດືອນປີທີ່ປະທານ ໂຮ່ຈີມິນ ເຄື່ອນໄຫວຢູ່ຈີນ. ໃນຖານະເປັນປະທານປະເທດ, ຍາມໃດ ປະທານ ໂຮ່ຈີມິນ ກໍ່ສະຫງວນເວລາ ແລະ ເຫື່ອແຮງເພື່ອເພີ່ມພູນຄູນສ້າງນຳ້ໃຈມິດຕະພາບລະຫວ່າງປະຊາຊົນສອງປະເທດຫວຽດນາມ - ຈີນ.