(vovworld) – ຕອນຄ່ຳວັນທີ 25/07, ຄະນະຊາວໜຸ່ມແຂວງກວາງຈິ້ ໄດ້ຈັດພິທີໄຫວ້ອາໄລ, ຖະຫວາຍທູບທຽນຕອບບຸນແທນຄຸນຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດທາງເລກ 9, ເຊິ່ງແມ່ນສຸສານນັກຮົບເສຍສະຫຼະຊີວິດເພື່ອຊາດຂອງກວ່າ 10.000 ຄົນ, ໃນການຕໍ່ສູ້ຕ້ານຈັກກະພັດອາເມລິກາ ກູ້ຊາດ. ເນື່ອງໃນໂອກາດນີ້, ຄະນະຊາວໜຸ່ມແຂວງກວາງຈິ້ ກໍ່ຈັດຕັ້ງບຸລະນະສ້ອມແປງບັນດາຂຸມຝັງສົບ ແລະ ຖະຫວາຍທູບທຽນດອກໄມ້ເພື່ອອາໄລຫາບັນດາວິລະຊົນ ນັກຮົບເສຍສະຫຼະຊີວິດເພື່ອຊາດຢູ່ສຸສານນັກຮົບເສຍຊະຫຼະຊີວິດເພື່ອຊາດແຫ່ງຊາດ ເຈື່ອງເຊີນ ແລະ ສຸສານນັກຮົບເສຍສະຫຼະຊີສິດເພື່ອຊາດ 70 ແຫ່ງຢູ່ທ້ອງຖິ່ນຕ່າງໆ; ມອບຂອງຂວັນໃຫ້ບັນດາຄອບຄົວນະໂຍບາຍ, ອະດີດຊາວໜຸ່ມຕະລຸມບອນໃນບໍລິເວນແຂວງ. ຢູ່ບັນດາແຂວງ ທ໋າຍງວຽນ, ຫາຍເຢືອງ, ແຂວງຮ່ານາມ, ຕ່ຽນຢາງ, ຮືງອຽນ, ຄະນະຊາວໜຸ່ມກອມມູນິດໂຮ່ຈິມິນ ຢູ່ທ້ອງຖິ່ນຕ່າງໆກໍ່ຈັດພິທີ “ຈຸດທູບທຽນອາໄລຫາບັນດາວິລະຊົນສະຫຼະຊີວິດເພື່ອຊາດ” ແລະ ມອບຂອບຂວັນນັບຮ້ອຍພູດໃຫ້ບັນດາຄອບຄົວນະໂຍບາຍ.
ຕອນຄ່ຳວັນທີ 25/07, ຢູ່ສູນກະຈາຍສຽງແຫ່ງຊາດ, ຮ່າໂນ້ຍ. ວິທະຍຸກະຈາຍສຽງຫວຽດນາມ (VOV) ໄດ້ຈັດຕັ້ງລາຍການສະແດງສິລະປະ “ຮູບຊົງຫວຽດນາມ”. 15 ບົດເພງກ່ຽວກັບຫົວຂໍ້ທະຫານເສຍອົງຄະ,ນັກຮົບເສຍສະຫຼະຊີວິດເພື່ອຊາດ; ແມ່ຫວຽດນາມ ວິລະຊົນຂອງບັນດານັກດົນຕີ VOV ແລະ ບັນດານັກປະພັນໄດ້ຕິດພັນກັບວິທະຍຸກະຈາຍສຽງ ໄດ້ຮັບການສະແດງໃນລາຍການດັ່ງກ່າວ.
ໃນຂະນະນັ້ນ, ສະມາຄົມພຸດທະສາສະໜາຫວຽດນາມ ຢູ່ ໂປໂລຍ ແລະ ສາສະໜາ ກິມເກືອງ ຢູ່ວັດ ທຽນຟຸກ ກໍຈັດພິທີສວດມົນພາວະນາອາໄລຫາບຸນຄຸນບັນດານັກຮົບເສຍສະຫຼະຊີວິດເພື່ອພາລະກິດປົກປັກຮັກສາອະທິປະໄຕເຂດທະເລ, ໝູ່ເກາະຂອງຫວຽດນາມ ເນື່ອງໃນໂອກາດສະເຫຼີມສະຫຼອງວັນທະຫານເສຍອົງຄະ,ນັກຮົບເສຍສະຫຼະຊີວິດເພື່ອຊາດ.